Jôsue 13:6 - Sră Goh 2018

⁶ jơh ală làng bol ơm tòm tiah lơgar kơh mơnơm bơh Liban tus hơ Misrephôt Maim, bal mơ jơh làng bol Sidôn. Să tòm Añ rơp ting bơtrơh bol khai bơh di đap làng bol Israel; mơ mê tòmpà tĕ ù tiah do làng bol Israel in lơh gơs sre brê jat be Añ neh sồr mê.

Jôsue 13:6 Mawu Ofanana

Đơs Crih 80:8

Yàng neh cèng dô đòm chi ño lik bơh lơgar Ejiptơ; Kơnràñ bơtrơh tơlik ală làng bol, gen tam chi hơ̆.

Khà Làng Bol 33:54

Tă khà tòmpà tĕ lơgar jat ală mpồl hìu nhă. Ai tĕ sre brê dờng ală mpồl dờng in, mơ ai tĕ ală mpồl dềt in sre brê dềt. Pơnah lơi dờng bol khai tă khà mơ geh gen gơrê bal mơ bol khai. Tòmpà tĕ lơgar jat ală jơi bơtiàn ồng pàng bol khai dê.

Jôsue 1:6

Lơh tĕ pràn kơldang mơ khin cha, bơh mê rơp ơn làng bol do tòm lơgar Añ ai bol khai in lơh gơs sre brê jat be Añ neh srat să ho nền mơ ală ồng pàng bol khai dê.

Jôsue 11:12

Mơ jơh ală ƀòn dờng ală bơtau hơ̆ dê, bal mơ ală cau bơtau bol gơ dê. Jôsue tòmpìt ai ƀòn, ngui đào tơnchơt jơh jat be Môise la cau duh broă Yàng Jehôwa dê neh sồr.

Jôsue 11:8

Mơ Yàng Jehôwa jào phi bol khai tòm tê Israel. Israel lơh bol hơ̆ mơ ting jat bol khai tus di lồi gùng lòt hơ Sidôn Dờng, mơ Misrephôt Maim, mơ hơ thòng Mispa tòm đah mattơngai lik, bol khai tơnchơt jơh ò lòi dô nă lơi gam kis.

Jôsue 13:7

Behơ̆ tŭ do tòmpà tĕ ù tiah do sin jơi bơtiàn in mơ nggùl jơi bơtiàn Manase in nàng lơh gơs sre brê.”

Jôsue 23:13

gen bol mê rơp git nền lah Jehôwa Yàng Tom Trồ bol mê dê rơp ò tai ting bơtrơh ală làng bol do bơh di đap bol mê; mơya bol khai rơp kung be dă pơt mơ bơtơng dang kup bol mê, kung be gai pù di ngkòi bol mê, mơ kung be lò tòm gar mat bol mê, jơl tus di tŭ bol mê gơkòl tơnroh bơh di lơgar hàng mơnĕ do mơ Jehôwa Yàng Tom Trồ bol mê dê neh ai bol mê in.

Jôsue 23:4

Añ neh jào bol mê in pơnah sre brê jơi bơtiàn bol mê in jơh ală lơgar gam wơl, bal mơ ală lơgar añ neh tòmpìt ai bơh di hiòng Jordan tus hơ Dàlềng Dờng đah mattơngai mut.

Jôsue 23:5

Să tòm Jehôwa Yàng Tom Trồ bol mê dê rơp chồl tơlik bol khai bơh di đap bol mê, mơ bơtrơh bol khai bơh di đap mat bol mê; mơ bol mê rơp dòp lơgar bol khai dê lơh gơs phan tòm jat be Jehôwa Yàng Tom Trồ bol mê dê neh ho mơ bol mê.