Jôsue 13:3 - Sră Goh 2018

³ Bơh hiòng Sihor đah mattơngai lik lơgar Ejiptơ tus di nhàr đah đang Ekrôn dê, jơh ù tiah hơ̆ la gơrê bal mơ làng bol Kanaan (gơs pram nă bơtau at bồ làng bol Philistin dê, hơ̆ la bơtau Gaja, Asdôt, Askalôn, Gat, mơ Ekrôn la ù tiah làng bol Abim dê),

Jôsue 13:3 Mawu Ofanana

Sơnròp Gơlik Gơs 10:6

Ală kòn klau Cam dê la Kus, Ejiptơ, Put, mơ Kanaan.

Sơnròp Gơlik Gơs 15:18

Tòm ngai hơ̆ Yàng Jehôwa lơh bơta ho bal mơ Abram, mơ đơs lah: “Añ ai jơi bơtiàn mê in lơgar do, bơh hiòng Ejiptơ tus di hiòng dờng, hơ̆ la hiòng Ơphrat,

I Ală Bơtau 8:65

Behơ̆, Salômôn neh bơtào bơta pơjum sa dờng tòm ngai hơ̆, bal mơ jơh mpồl jơnum dờng Israel, làng bol bơh Lebô Hamat jơl tus di croh Ejiptơ, di đap Jehôwa Yàng Tom Trồ bol he dê, tòm poh ngai.

I Yal Yau 13:5

Behơ̆, Dabit pơjum jơh cau Israel, bơh Hiòng Sihor tòm Ejiptơ tus di Lebô Hamat nàng cèng brê wơl Đài Bơta Ho Bal Yàng Tom Trồ dê bơh Kiriat Jearim.

Esai 23:3

Mơ neh pơdiang hơđang gùng dàlềng hòr pràn, bol mê tơrgòm prap gar sơntìl Sihor dê, tòm kơnhai toès bơh hiòng Nil dê; bol mê la ală cau kă bro ală lơgar dê.

Jeremi 2:18

Gen ñchi bơta mê geh tŭ lòt hơ Ejiptơ, Nàng hùc dà hiòng Nil ơ? Hala bol mê geh bơta lơi tŭ lòt hơ Asiri, Nàng hùc dà hiòng Ơphrat ơ?

Yal Wơl 2:23

Mơ đah pơnah mơ cau Abim ơm tòm ală ƀòn ngài tus di Gaja gen ală cau Kaptôrim lik lòt bơh di Kaptôr tơnroh bol khai mơ ơm tòm tiah bol khai dê.)

Jôsue 13:13

Mơya làng bol Israel òhềt bơtrơh làng bol Gesur mơ làng bol Maakat; gen tàng cau Gesur mơ cau Maakat gam ơm digùl cau Israel jơl tus di ngai do.

Ală Kwang Cahrña 16:5

Ală cau kwang at bồ làng bol Philistin tus đơs mơ cau ùr hơ̆ lah: “Pơndòm tĕ Samsôn nàng git bơta lơi lơh khai in gơlik pràn kơldang dờng behơ̆, mơ lơh mbe lơi nàng hi pha rlau mơ khai, tồ bol hi rgơi cap khai mơ kup khai dòn duh. Kòp nă bol hi rơp ai ai in dô rbô dô rhiang pet priă.”

Ală Kwang Cahrña 3:3

Pram nă cau kwang at bồ cau Philistin, mơ jơh ală cau Kanaan, ală cau Sidôn, mơ làng bol Hebit ơm tòm mơnơm Liban, bơh mơnơm Baal Hermôn tus hơ Lebô Hamat.

I Samuel 5:1

Tòm tŭ làng bol Philistin neh tòmpìt geh Đài Yàng Tom Trồ dê, bol khai cèng gơ bơh Ebenejer tus hơ Asdot.

I Samuel 5:10

Behơ̆ bol khai sồr cèng Đài Yàng Tom Trồ dê tus hơ Ekrôn. Tòm tŭ Đài Yàng Tom Trồ dê tus hơ Ekrôn, gen làng bol Ekrôn driau dờng lah: “Ñchi bơh tài cèng Đài Yàng Tom Trồ Israel dê tus mơ bol hi nàng tơnchơt bol hi mơ làng bol hi dê taih?”

I Samuel 5:8

Behơ̆ bol khai hòi pơjum jơh ală cau kwang at bồ làng bol Philistin dê mơ lùp bol khai lah: “Ñchi bol he rơp lơh mơ Đài Yàng Tom Trồ Israel dê taih?” Làng bol Gat ho lah: “Pal cèng Đài Yàng Tom Trồ Israel dê tus hơ bol hi.” Behơ̆ bol khai cèng Đài Yàng Tom Trồ Israel dê tus hơ ƀòn cau Gat dê.

I Samuel 6:4

Cau Philistin lùp lah: “Phan ơn bơh tồi glài la ñchi nàng bol he pal ơn Kơnràñ in taih?” Bol khai ho lah: “Pram nơm rùp kòp pluh as mơ màh, pram nơm rùp đe mơ màh jat be khà cau kwang at bồ làng bol Philistin dê, tài bơh bol mê bal mơ ală cau kwang at bồ bol mê dê neh kong ndròm bal dô bơta rung rài.