Jôsue 11:6 - Sră Goh 2018

⁶ Yàng Jehôwa đơs mơ Jôsue lah: “Bañ rngòt di bol khai bơh di jơ do ngai hìng, Añ rơp jào phi jơh bol khai tòm tê Israel dê nàng tơnchơt; mê rơp koh kơjòn ală ơseh bol khai dê, mơ chu ală rơndeh lòs tòmlơh bol khai dê tòm ồs.”

Jôsue 11:6 Mawu Ofanana

II Samuel 8:4

Dabit kup dô rbô rơndeh poh rhiang nă cau ling hào ơseh khai dê, mơ bàr jơt rbô ling lòt jơng. Dabit koh ară jơng jơh ală ơseh hwài rơndeh tòmlơh, mơya lòi tơl dô rhiang nơm ơseh hwài rơndeh tòmlơh lơm.

II Ală Bơtau 6:16

Elise ho lah: “Bañ rngòt, ală cau ơm bal mơ bol he oă rlau mơ ală cau ơm bal mơ bol khai.”

II Yal Yau 20:16

Ngai hìng lik lòt tĕ tòmdră mơ bol khai. Bol khai rơp guh hơđang mơnơm Jis, mơ bol mê rơp bàn bol khai di tiah lồi thòng tòm ƀlàng ngềt ngơt Jeruel dê.

Đơs Crih 46:10

Yàng đơs lah: “Ơm tĕ mŏ mŏ mơ git lah Añ la Yàng Tom Trồ. Añ geh bơtào jơnhoa hơđang ală làng bol, Mơ Añ geh bơtào jòng hơđang ù sơl.”

Đơs Crih 46:11

Yàng Jehôwa Mpồl Ling dê ơm bal mơ bol he, Yàng Tom Trồ Jakôp dê la tiah kìng crŭ bol he dê. (Selah)

Đơs Crih 46:9

Kơnràñ wàs jơh kơlìn làm jơh plai ù, Dơrpă ală àtak, koh ală tà gơs rpot rpet, Mơ chu ală rơndeh ơseh tòm ồs.

Jơnau Pơnđik 20:7

Cau song ring ơm kis dô bă song ngan; ală kòn sau khai geh lơngai lơngò ngan!

Esai 30:16

Bol mê đơs lah: ‘Ò, bol hi rơp hào ơseh ntoat dô!’ Gen tàng bol mê rơp ntoat dô! mơ đơs lah: ‘Bol hi rơp hào ơseh jak!’ Gen tàng ală cau ting jat bol mê kung rơp ntoat mhar!

Esai 31:1

Bòl glar ală cau in mù hơ Ejiptơ nàng dan dong kòl, kơnòm di ală ơseh, kơnòm di oă ngan rơndeh lòs tòmlơh mơ kơnòm di bơta pràn kơldang oă ngan ală cau ling hào ơseh dê, mơya ò sền tơnggòr di Bơtau Sàng Goh Israel dê, hala jòi lùp Yàng Jehôwa.

Ejekiel 39:9

Gen ală cau ơm tòm ală ƀòn dờng Israel dê rơp lik lòt mơ ai ală phan tòmlơh sing ồs mơ chu pơrguc gơ, ală khèl dờng mơ khèl dềt, ală àtak mơ ală kam, ală gai lồng mơ ală tà. Bol khai ai ală phan hơ̆ sing ồs tòm poh nam.

Sră Ôse 14:3

Asiri ò rgơi dong klàs bol hi; bol hi rơp ò hào ơseh tòmlơh. Bol hi rơp ò tŭ lơi đơs mơ phan bơh tê bol hi lơh gơs lah: Yàng Tom Trồ bol hi dê, bơh tòm Kơnràñ cau kòn đòi jòi bàn bơta kòñ nđàc.”

Nahum 2:13

Yàng Jehôwa Gơnap Gơnoar Dờng Làm Jơh đơs lah: “Añ tòmdră mơ mê, Añ rơp chu pơrguc ală rơndeh mê tòm ñhŭ, mơ đào rơp sa loan ală klìu triă brồ dam; Añ rơp tơnroh phan kup geh bơh di ù, mơ sap đơs ală cau kong sồr mê dê rơp ò gam kơno tai.”

Yal Wơl 7:16

Bol mê pal tơnroh jơh ală làng bol mơ Yàng Jehôwa jào tòm tê bol mê dê. Bañ gơs nùs nđàc sơngit di bol khai mơ bañ duh khoai ală yàng bol khai dê, bơh bơta hơ̆ rơp kung be dô nơm dă bol mê in.

Jôsue 10:8

Yàng Jehôwa đơs mơ Jôsue lah: “Bañ rngòt di bol khai, Añ neh jào bol khai tòm tê mê; ò gơs cau lơi tòm bol khai rgơi ntào jai di đap mê.”

Jôsue 11:5

Jơh ală bơtau do pơjum dô bă bal jơh ală mpồl ling bol khai dê mơ lơh sàl bal di gah dà Merôm, nàng tòmlơh mơ Israel.

Jôsue 11:7

Gen Jôsue mơ jơh dô mpồl ling khai dê nisơna tus hơ bol khai di gah dà Merôm mơ brồ lơh bol khai.

Jôsue 11:9

Jôsue lơh di bol khai jat be jơnau Yàng Tom Trồ neh sồr khai lơh; khai koh kơjòn ală ơseh bol hơ̆ dê mơ chu ală rơndeh lòs tòmlơh bol khai dê tòm ồs.

Jôsue 3:5

Gen Jôsue đơs mơ làng bol lah: “Lơh tĕ să tòm bol mê in sàng goh, bơh ngai hìng Yàng Jehôwa rơp lơh ală bơta crih crài digùl bol mê.”

Ală Kwang Cahrña 20:28

gơs Phinea kòn Eleajar, sau Arôn duh broă di đap gơ), mơ lah: “Bol hi pal lòt tòmlơh tai mơ ală oh mi bol hi dê la cau Benjamin hala bol hi pal ơm taih?” Yàng Jehôwa ho lah: “Lòt tĕ, bơh ngai hìng añ rơp jào phi bol khai tòm tê bol mê dê.”

Ală Kwang Cahrña 7:9

Kung tòm mang hơ̆ Yàng Jehôwa đơs mơ Gideôn lah: “Guh tĕ, brồ lơh sàl Midian dê; bơh Añ neh jào gơtòm tê mê.

I Samuel 11:9

Bol khai đơs mơ ală cau kong sồr neh tus hơ̆ lah: “Bol mê đơs tĕ mơ cau Jabes tòm Galaat be do: ‘Di tŭ duh mattơngai tòm ngai hìng gen bol mê rơp geh dong tă.’” Tòm tŭ ală cau kong sồr lòt yal wơl ală jơnau do cau Jabes in gen bol khai hòn chò ngan.