Jôsue 11:14 - Sră Goh 2018

¹⁴ Ală phan tòmpìt geh bal mơ jơh ală phan poan jơng ală ƀòn hơ̆ di cau Israel lơh gơs phà kup bol khai dê; mơya jơh ală làng bol, gen bol khai tơnchơt mơ đào, ò lòi dô nơm phan tă nhơm lơi gam kis.

Jôsue 11:14 Mawu Ofanana

II Yal Yau 20:25

Behơ̆ Jehôsaphat mơ ală mpồl ling khai dê lòt tus ai phan tòmpìt geh mơ gŏ gơs oă ngan ală phan poan jơng, phan mơna, ồi ào mơ ală phan màng, bol khai cèng jơl tus ò rgơi cèng tai. Bol khai pal roh pe ngai nàng cèng ală phan tòmpìt geh tài bơh gơs oă ngan.

Khà Làng Bol 31:9

Ală cau Israel kup ală cau ùr, ală kơnòm, mơ tòmpìt ai jơh ală kơnrồ, belàt mơ ală phan mơna cau Midian dê.

Yal Wơl 20:14

Ai đah mơ ală cau ùr, ală cau kòn, ală phan poan jơng mơ jơh ală phan ndai tòm ƀòn dờng gen bol mê rgơi cèng bol mê in lơh gơs phan tòmpìt geh tòm bơta tòmlơh.

Yal Wơl 20:16

Bulah behơ̆, tòm ală ƀòn dờng gơrê bal mơ ală làng bol mơ Jehôwa Yàng Tom Trồ bol mê dê ai bol mê in lơh gơs sre brê gen bañ lòi kis dô nơm phan lơi tă nhơm.

Jôsue 10:40

Behơ̆ Jôsue tòmpìt ai jơh dô kơnhwàl hơ̆, la hơđang mơnơm, tiah Negep, ală tiah jơng mơnơm đah mattơngai mut mơ ală kơh mơnơm, bal mơ jơh ală bơtau bol gơ dê, khai ò lòi dô nă cau lơi gam kis. Khai tơnroh jơh ală phan tă nhơm jat be jơnau gơnoar sồr Jehôwa Yàng Tom Trồ Israel dê.

Jôsue 11:11

Bol khai ai đào tơnchơt jơh ală cau ơm tòm hơ̆, ò lòi dô nơm phan tă nhơm lơi gam kis, mơ khai chu ƀòn Hajor mơ ồs.

Jôsue 11:13

Mơya cau Israel ò chu ƀòn dờng lơi ơm hơđang ală mơnơm, mìng Hajor lơm; Jôsue neh chu ƀòn hơ̆.

Jôsue 11:15

Be Yàng Jehôwa neh sồr Môise la cau duh broă Kơnràñ dê, gen Môise kung neh sồr Jôsue behơ̆ sơl, mơ Jôsue neh lơh jat jơh; tòm jơh ală jơnau sồr mơ Yàng Jehôwa neh sồr Môise, gen Jôsue ò sang lòi dô jơnau lơi.

Jôsue 8:2

Mê rơp lơh di Ahi mơ bơtau gơ dê kung be mê neh lơh di Jerikô mơ bơtau gơ dê; mìng bơh ală phan phà kup bal mơ phan poan jơng gơ dê bol mê rơp ai be phan phà kup să tòm bol mê in. Ơn dô mpồl kơp òm tòmdră bơh ngkòi ƀòn dờng.”

Jôsue 8:27

Mìng ală phan poan jơng mơ ală phan phà geh bơh ƀòn hơ̆, cau Israel ai lơh gơs be phan phà kup să tòm bol khai in, jat be Yàng Jehôwa neh nting sồr Jôsue.