Jôsue 11:13 - Sră Goh 2018

¹³ Mơya cau Israel ò chu ƀòn dờng lơi ơm hơđang ală mơnơm, mìng Hajor lơm; Jôsue neh chu ƀòn hơ̆.

Jôsue 11:13 Mawu Ofanana

Jeremi 30:18

Yàng Jehôwa đơs be do: ‘Añ rơp cèng ală sàl Jakôp rê wơl klàs bơh bơta kup cèng gơs dĭ, Añ rơp nđàc sơngit tiah ơm khai dê; Ƀòn do rơp bơt bơtào wơl hơđang tiah tơrlah tơrling gơ dê, Hìu gơlang rơp geh bơtào di tiah yau òr.

Jôsue 11:12

Mơ jơh ală ƀòn dờng ală bơtau hơ̆ dê, bal mơ ală cau bơtau bol gơ dê. Jôsue tòmpìt ai ƀòn, ngui đào tơnchơt jơh jat be Môise la cau duh broă Yàng Jehôwa dê neh sồr.

Jôsue 11:14

Ală phan tòmpìt geh bal mơ jơh ală phan poan jơng ală ƀòn hơ̆ di cau Israel lơh gơs phà kup bol khai dê; mơya jơh ală làng bol, gen bol khai tơnchơt mơ đào, ò lòi dô nơm phan tă nhơm lơi gam kis.

Jôsue 24:13

Añ neh ai bol mê in dô nơm lơgar mơ bol mê ò kong bòl glar nàng gơs, ală ƀòn dờng mơ bol mê ò bơt, bol mê neh ơm tềng hơ̆ mơ sa ală suơn ño mơ ală suơn ôlibe mơ bol mê neh ò tam.’