Jôsue 10:8 - Sră Goh 2018

⁸ Yàng Jehôwa đơs mơ Jôsue lah: “Bañ rngòt di bol khai, Añ neh jào bol khai tòm tê mê; ò gơs cau lơi tòm bol khai rgơi ntào jai di đap mê.”

Jôsue 10:8 Mawu Ofanana

I Ală Bơtau 20:13

Gen gơs dô nă cau gơnoar hwơr tus hơ Ahap, bơtau Israel, mơ đơs lah: “Yàng Jehôwa đơs be do: ‘Mê neh gŏ mpồl ling do dờng mơ gal ngan sơl? Sền tĕ, Añ rơp jào bol khai tòm tê mê, mơ mê rơp git Añ la Jehôwa.’”

Rôma 8:31

Gen mbe bol he kòñ đơs bơh ală bơta hơ̆ taih? Dilah Yàng Tom Trồ ơm đah mơ bol he, gen gơs ñcau sò tơm dê bol he taih?

Yal Wơl 3:2

Yàng Jehôwa đơs mơ añ lah: “Bañ rngòt di khai, bơh Añ neh jào khai tòm tê mê bal mơ jơh dô mpồl ling khai dê mơ lơgar khai dê. Lơh tĕ di khai kung be mê neh lơh Sihôn bơtau Amôrit at bồ tòm Hesbôn.”

Yal Wơl 7:24

Kơnràñ rơp ơn ală cau bơtau bol khai dê tòm tê bol mê, mơ bol mê rơp jùt jơh ală sơnđan bol khai bơh di ù tiah hơđơm trồ. Ò gơs cau lơi rgơi ñă ntào tòmdră mơ bol mê, bol mê rơp tơnroh bol khai.

Jôsue 10:25

Jôsue đơs mơ bol khai lah: “Bañ rngòt, bañ gơplơ̆ nùs. Gơs tĕ pràn kơldang mơ khin cha. Do la bơta mơ Yàng Jehôwa rơp lơh di jơh ală cau sò tơm mơ bol mê rơp tòmlơh.”

Jôsue 10:9

Behơ̆ Jôsue bơh Gilgal lòt mang àng mơ nisơna brồ lơh bol hơ̆.

Jôsue 11:6

Yàng Jehôwa đơs mơ Jôsue lah: “Bañ rngòt di bol khai bơh di jơ do ngai hìng, Añ rơp jào phi jơh bol khai tòm tê Israel dê nàng tơnchơt; mê rơp koh kơjòn ală ơseh bol khai dê, mơ chu ală rơndeh lòs tòmlơh bol khai dê tòm ồs.”

Jôsue 8:1

Gen Yàng Jehôwa đơs mơ Jôsue lah: “Mê bañ rngòt, bañ gơplơ̆ nùs; lam tĕ jơh cau ling tòmlơh bal mơ mê, mơ guh tus hơ Ahi, bơh Añ neh jào tòm tê mê bơtau Ahi dê, bal mơ làng bol, ƀòn dờng mơ lơgar khai dê.

Ală Kwang Cahrña 6:16

Yàng Jehôwa ho wơl mơ khai lah: “Añ rơp ơm bal mơ mê, mơ mê rơp lơh alah jơh ală cau Midian.”

Ală Kwang Cahrña 7:9

Kung tòm mang hơ̆ Yàng Jehôwa đơs mơ Gideôn lah: “Guh tĕ, brồ lơh sàl Midian dê; bơh Añ neh jào gơtòm tê mê.

I Samuel 17:47

Jơh ală mpồl ling neh pơjum tềng do rơp git lah Yàng Jehôwa ò ngui đào mơ tà nàng dong tă; tài bơh bơta tòmlơh do la tòmlơh mơ Yàng Jehôwa, mơ Kơnràñ rơp jào jơh tơl nă bol mê tòm tê bol hi dê.”