Jôsue 10:25 - Sră Goh 2018

²⁵ Jôsue đơs mơ bol khai lah: “Bañ rngòt, bañ gơplơ̆ nùs. Gơs tĕ pràn kơldang mơ khin cha. Do la bơta mơ Yàng Jehôwa rơp lơh di jơh ală cau sò tơm mơ bol mê rơp tòmlơh.”

Jôsue 10:25 Mawu Ofanana

Đơs Crih 63:9

Mơya ală cau jòi bơta nàng tơnchơt añ, Bol khai rơp kòl tơmù tòm tiah jrô plai ù dê.

Đơs Crih 77:11

Añ rơp kah wơl ală broă Yàng Jehôwa dê, Ngan añ rơp kah wơl ală broă crih crài Kơnràñ dê tòm rài yau.

Rôma 8:37

Gơpơrlơ̆ wơl, tòm jơh ală bơta hơ̆, bol he kơnòm di Bơtau kòñ gơboh di bol he nàng geh bơta pha lin rlau.

II Kôrintô 1:10

Kơnràñ neh dong tă bol hi klàs bơh bơta chơt dờng behơ̆, gam dong tă bol hi, mơ bol hi gam gơn kơnòm di Kơnràñ rơp dong tă bol hi tai sơl.

Ephesô 6:10

Lồi tơnơ̆ wơl, oh mi gơs tĕ pràn kơldang tòm Yàng, mơ tòm gơnap gơnoar pràn kơldang Kơnràñ dê.

Yal Wơl 7:19

Bol mê neh sền gŏ mơ mat tòm bol mê dê ală bơta pơrlòng dờng ngan, ală bơta krơi tềl is, tê gơnoar pràn pò dờng mơ Jehôwa Yàng Tom Trồ bol mê dê neh ngui nàng cèng bol mê lik lòt bơh hơ̆. Jehôwa Yàng Tom Trồ bol mê dê kung rơp lơh behơ̆ gơwèt mơ jơh ală làng bol mơ tŭ do bol mê rngòt.

Jôsue 1:6

Lơh tĕ pràn kơldang mơ khin cha, bơh mê rơp ơn làng bol do tòm lơgar Añ ai bol khai in lơh gơs sre brê jat be Añ neh srat să ho nền mơ ală ồng pàng bol khai dê.

Jôsue 1:9

Añ do neh ai jơnau gơnoar sồr mê in: Lơh tĕ pràn kơldang mơ khin cha. Bañ rơm să rngòt; bañ rngòt rngơt, bơh Jehôwa Yàng Tom Trồ mê dê rơp ơm bal mơ mê tiah lơi mê lòt.”

Jôsue 10:8

Yàng Jehôwa đơs mơ Jôsue lah: “Bañ rngòt di bol khai, Añ neh jào bol khai tòm tê mê; ò gơs cau lơi tòm bol khai rgơi ntào jai di đap mê.”

I Samuel 17:37

Yàng Jehôwa la Bơtau neh dong tă añ bơh di nđias klìu triă mơ bơh di nđias jơgơu gen Kơnràñ rơp dong tă añ bơh di tê cau Philistin do.” Sol đơs mơ Dabit lah: “Lòt tĕ, dan Yàng Jehôwa ơm bal mơ mê.”