Jôsue 10:24 - Sră Goh 2018

²⁴ Tòm tŭ cau lam pram nă bơtau hơ̆ tus hơ Jôsue, gen Jôsue hòi pơjum jơh ală cau Israel mơ đơs mơ ală cau kwang at bồ ling neh lòt bal mơ khai lah: “Tus tĕ hơ do mơ jă jơng bol mê dê di ngko ală cau bơtau do.” Gen bol khai tus hơđap mơ jă jơng di ngko ală cau bơtau hơ̆.

Jôsue 10:24 Mawu Ofanana

II Samuel 22:39

Añ chu pơrguc bol khai, añ tơnroh jơh hir bol khai, mơ bol khai ò rgơi guh tai; bol khai gơpừ hơđơm jơng añ.

II Samuel 22:41

Yàng neh lơh ală cau sò tơm añ jê pơrlac dô bơh di añ, ală cau neh gơjrañ di añ; mơ añ neh tơnroh ală cau sò tơm di añ.

Đơs Crih 107:40

Gen Kơnràñ tuh bơta sền òsơp hơđang ală kwang bàng, Mơ lơh bol khai in lòt gơlềng gơlàng tòm tiah ngềt ngơt ò gơs gùng.

Đơs Crih 110:1

Yàng Jehôwa đơs mơ Yàng añ lah: “Nggui tĕ đah ma Añ, Jơl tus di tŭ Añ ơn ală cau sò tơm mê lơh gơs kơrnòl jơng mê dê.”

Đơs Crih 110:5

Yàng Jehôwa ơm đah ma mê; Kơnràñ rơp lơh bơcah lề ală cau bơtau tòm ngai Kơnràñ gơhào gơjrañ.

Đơs Crih 18:40

Yàng kung lơh cau sò tơm wèt ngkòi di añ, Mơ añ tơnroh ală cau gơjrañ kơuềng di añ.

Đơs Crih 91:13

Mê rơp jă hơđang klìu triă mơ bơs tur; Mê rơp jă klìu triă brồ dam mơ bơs hơđơm mpàng jơng mê dê.

Esai 51:23

Añ rơp ơn mơngàn hơ̆ tòm tê ală cau lơh bòl glar jê sồt di bol mê, hơ̆ la ală cau đơs mơ bol mê lah: ‘Bic tĕ hơđơm nàng bol hi lòt hơđang bol mê.’ Mơ bol mê neh lơh ngkòi bol mê dê gơlik gơs be ù, mơ kung be gùng bol khai in lòt hơđang.”

Malaci 4:3

Gen bol mê rơp jă trơm ală cau iơh bơsak, bol khai rơp kung be la bùh ơm hơđơm kơndòl jơng bol mê dê tòm ngai tòm tŭ Añ lơh ală bơta hơ̆,” Yàng Jehôwa Gơnap Gơnoar Dờng Làm Jơh đơs behơ̆.

Rôma 16:20

Mơ Yàng Tom Trồ la tòm ryas bơta ring lơngai bol he dê, êt tai rơp jă trơm cà Satan hơđơm jơng oh mi. Dan bơta nđàc Yàng Jesu Krist bol he dê ơm mơ oh mi.

Yal Wơl 33:29

Ơ Israel, lơngai lơngò mê in! Ñcau ndròm be mê la dô nơm làng bol geh Yàng Jehôwa dong klàs, Kơnràñ la khèl đo mơ la bơta dong kòl mê dê, mơ la đào bơta pha lin mê dê. Ală cau sò tơm mê dê rơp cùn khoai di đap mê, mơ mê rơp jă hơđang ngkòi bol khai dê.”

Hebrơ 1:13

Gơs tŭ lơi Yàng Tom Trồ đơs mơ cau gơnrơh lơi lah: “Nggui tĕ đah ma Añ, Jơl tus di tŭ Añ ơn ală cau sò tơm mê dê lơh gơs kơrnòl jơng mê dê sơl ơ?”

Ală Kwang Cahrña 8:20

Gen Gideôn đơs mơ Jether kòn tơnhoa khai dê lah: “Tơnchơt tĕ bol khai.” Mơya Jether ò tă đào, khai rngòt tài bơh khai gam kơnòm dềt.