Jôsue 1:8 - Sră Goh 2018

⁸ Sră bơta boh lam do bañ ngài bơh di bơr mê, kơlôi sơnơng tĕ gơ ngai mơ mang, nàng kơrhia lơh jat jơh ală bơta neh cih tòm hơ̆; behơ̆ sồng mê rơp geh bơtoah tòm gùng dà mê dê mơ gơlik cồng nha.

Jôsue 1:8 Mawu Ofanana

Sơnròp Gơlik Gơs 24:63

Tòm mho, khai lik bơdìh tòm ƀlàng nàng kơlôi sơnơng, khai pò mat sền gŏ tus làkđa.

II Yal Yau 26:5

Khai jòi jat Yàng Tom Trồ tòm rài Sacari la cau neh bơto sồr khai duh rngòt di Yàng Tom Trồ. Khai jòi jat Yàng Jehôwa jŏ kàr lơi gen Yàng Tom Trồ ai khai in bơta bơtoah bơtoài.

Đơs Crih 119:11

Añ neh prap jơnau Yàng tòm nùs añ, Nàng añ ò tìs glài tòmdră mơ Yàng.

Đơs Crih 119:15

Añ rơp kơlôi sơnơng bơh ală jơnau sồr Yàng dê, Mơ sền song di ală gùng dà Kơnràñ dê.

Đơs Crih 119:97

Añ kòñ gơboh bơta boh lam Yàng dê ò git lơh! Jơh ngai mho añ kơlôi sơnơng bơh bơta boh lam hơ̆.

Đơs Crih 119:99

Añ gơs bơta git wă rlau mơ jơh ală cau bơto añ jê, Bơh añ kơlôi sơnơng bơh ală jơnau sồr kràñ cê Yàng dê.

Đơs Crih 19:14

Ơ Yàng Jehôwa la lŭ klềr añ jê, mơ la Bơtau tơwài glài añ, Dan jơnau đơs bơr añ jê, Mơ bơta kơlôi sơnơng nùs añ jê kòñ geh niam nùs Kơnràñ.

Đơs Crih 40:10

Añ ò pồn ndơp bơta dong kòl Kơnràñ dê tòm nùs añ, Añ neh đơs bơh bơta dòn song mơ bơta dong klàs Kơnràñ dê. Di đap mpồl jơnum dờng añ ò pồn ndơp bơta kòñ gơboh kơ̆ dơn mơ bơta dòn song Kơnràñ dê.

Jơnau Pơnđik 3:1

Ơ kòn añ jê, bañ hŭi jơnau añ bơto, Mơya nùs kòn pal prap gàr ală bơta sồr lam añ jê;

Esai 59:21

Yàng Jehôwa đơs lah: “Đah mơ Añ, do la bơta ho bal Añ neh bơt bơtào mơ bol khai. Hwềng Añ la Bơtau ơm hơđang bol mê, mơ ală jơnau Añ neh ơn tòm bơr bol mê rơp ò lik bơh di bơr bol mê, hala bơh di bơr kòn sau bol mê, hala bơh di bơr kòn sau bol khai dê bơh tŭ do jơl tus sùm sùm,” Yàng Jehôwa đơs behơ̆.

Mathiơ 12:35

Cau lơbơn niam bơh bơta niam tòm nùs gen tơlik bơta niam, ai cau iơh bơsak bơh bơta iơh bơsak tòm nùs gen tơlik bơta bơsak.

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

Mathiơ 7:21

“Ò di kòp nă cau đơs mơ Añ lah: ‘Khoai Yàng, khoai Yàng,’ gen geh mut tòm lơgar đang trồ ò, mơya mìng cau lơi lơh jat nùs kòñ Bèp Añ jê ơm hơđang trồ.

Mathiơ 7:24

“Behơ̆ cau lơi kơno ală jơnau Añ bơto do mơ lơh jat, gen kung be dô nă cau jak chài bơt hìu khai hơđang lŭ klềr.

Luka 11:28

Mơya Kơnràñ đơs lah: “Di, bulah behơ̆, cau iat jơnau Yàng Tom Trồ mơ prap gàr gơs lơngai rlau!”

Jang 13:17

Dilah bol mê git ală bơta do mơ lơh jat, gen geh lơngai.

Jang 14:21

Cau lơi gơs ală bơta sồr lam Añ jê mơ prap gàr, hơ̆ la cau kòñ gơboh di Añ; cau lơi kòñ gơboh di Añ gen rơp geh Bèp Añ kòñ gơboh wơl, Añ kung rơp kòñ gơboh di khai, mơ yal tơlik să tòm Añ khai in.”

Ephesô 4:29

Bañ gơs jơnau iơh lơi lik bơh di bơr oh mi, mơya tòm tŭ pal đơs gen đơs tĕ jơnau niam nàng gơs bơt bơtào, tồ cèng bơta niam ală cau kơno in.

Yal Wơl 29:8

Bol he neh tòmpìt ai ù tiah lơgar bol khai dê mơ ai gơlơh gơs sre brê ală cau Ruben in, cau Gat in mơ nggùl jơi bơtiàn Manase in.

Yal Wơl 29:9

Kơrhia tĕ lơh jat ală bơta lơh nền tòm bơta ho bal do tồ bol mê rgơi geh bơtoah bơtoài tòm jơh ală broă bol mê lơh.

Yal Wơl 30:14

Ò di, jơnau hơ̆ gơ ơm rềp ngan mơ bol mê; gơ ơm tòm bơr mơ gơ ơm tòm nùs bol mê dê tồ bol mê rgơi lơh jat.

Yal Wơl 31:11

tòm tŭ jơh Israel lòt tus pơjum di đap Jehôwa Yàng Tom Trồ bol mê dê di tiah mơ Kơnràñ rơp sac rwah, bol mê pal sền bơta boh lam do di đap jơh Israel nàng bol khai in iat.

Yal Wơl 31:24

Tòm tŭ Môise neh cih sir tòm dô nơm sră pồt ală jơnau bơta boh lam do bơh sơnròp tus di lồi dut,

Yal Wơl 5:1

Môise pơjum jơh Israel mơ đơs lah: “Ơ Israel, iat tĕ ală bơta lơh nền mơ ală bơta boh lam mơ añ bơto yal tòm tồr bol mê tòm ngai do. Bơtê tĕ mơ lơh nền lơh jat ală bơta hơ̆.

Yal Wơl 5:29

Dilah làng bol do gơs nùs duh rngòt di Añ sùm, mơ òs prap gàr jơh ală jơnau sồr Añ jê, behơ̆ sồng khai mơ kòn sau bol khai rơp geh lơngai sùm sùm!

Yal Wơl 5:32

Behơ̆ kơrhia tĕ lơh jat ală bơta mơ Jehôwa Yàng Tom Trồ bol mê dê neh sồr bol mê; bañ pơrlac wèt đah ma hala đah kiau.

Kôlôse 3:16

Ai tĕ jơh ală bơta jak chài nàng jơnau Bơtau Krist dê ơm bềng lìu tòm oh mi; ngui bơta đơs crih, bơta đơs chò, mơ sèng đơs chò đah hwềng mơ bơto tơngkah bal mơ gơp, mơ tòm nùs đơs chò Yàng Tom Trồ in dô bă gơs bơta nđàc.

Jôsue 1:7

Mìng lơh tĕ pràn kơldang mơ khin cha, kơrhia lơh jat jơh ală bơta boh lam mơ Môise la cau duh broă Añ jê neh sồr mê; bañ wèt hơ đah ma hala đah kiau tồ tiah lơi mê lòt kung rơp gơlik cồng nha.

Jôsue 8:34

Tơnơ̆ mơ hơ̆, Jôsue sền jơh ală jơnau cih bơh bơta boh lam, bơta lơngai mơ bơta srat sơntơm, jat be neh cih tòm Sră Bơta Boh Lam.

Yal Tơlik 22:14

Lơngai ală cau in pìh ào he, nàng geh gơnoar lòt tus hơ chi bơta kis mơ geh mut tòm ƀòn bơh ală mpồng dờng.