Jôsue 1:7 - Sră Goh 2018

⁷ Mìng lơh tĕ pràn kơldang mơ khin cha, kơrhia lơh jat jơh ală bơta boh lam mơ Môise la cau duh broă Añ jê neh sồr mê; bañ wèt hơ đah ma hala đah kiau tồ tiah lơi mê lòt kung rơp gơlik cồng nha.

Jôsue 1:7 Mawu Ofanana

I Ală Bơtau 2:2

“Añ mòr lòt tòm gùng jơh kòn mơnus pal lòt. Lơh tĕ pràn kơldang, lơh khin cha tĕ!

I Ală Bơtau 2:3

Prap gàr tĕ ală bơta Jehôwa Yàng Tom Trồ kòn dê neh sồr, lòt tĕ tòm gùng dà Kơnràñ dê, prap gàr ală bơta lơh nền mơ jơnau sồr Kơnràñ dê, bơta sồr lam mơ cơng tàng Kơnràñ dê, be neh cih tòm bơta Boh lam Môise dê, tồ kòn in geh bơtoah bơtoài tòm jơh ală bơta kòn lơh mơ tòm jơh ală tiah kòn lòt,

II Ală Bơtau 22:2

Khai lơh bơta niam di đap Yàng Jehôwa, lòt jat jơh gùng dà Dabit, ồng pàng khai dê, ò wèt đah ma, hala đah kiau.

I Yal Yau 22:13

Gen kòn rơp geh bơtoah bơtoài dilah kòn kơrhia lơh jat ală jơnau sồr mơ bơta boh lam mơ Yàng Jehôwa neh kơnòm di Môise ai Israel in. Lơh tĕ pràn kơldang mơ khin cha. Bañ rngòt mơ bañ gơplơ̆ nùs.

II Yal Yau 15:7

Mơya bol mê, khin cha tĕ, bañ lòi tê bol mê dê gơlik lơbơn, bơh broă lơh bol mê dê rơp geh phan ƀàn.”

II Yal Yau 26:5

Khai jòi jat Yàng Tom Trồ tòm rài Sacari la cau neh bơto sồr khai duh rngòt di Yàng Tom Trồ. Khai jòi jat Yàng Jehôwa jŏ kàr lơi gen Yàng Tom Trồ ai khai in bơta bơtoah bơtoài.

Sră Jop 1:8

Yàng Jehôwa lùp Satan tai lah: “Mbe mê sền gŏ Jop la cau duh broă añ jê taih? Hơđang plai ù ò gơs dô nă cau lơi be khai, wil tơl mơ song ring, duh rngòt di Yàng Tom Trồ, mơ pleh ngài di bơta iơh bơsak.”

Đơs Crih 80:19

Ơ Jehôwa Yàng Tom Trồ Gơnap Gơnoar Dờng Làm Jơh dê, dan bơtào tơngguh wơl bol hi, Dan lơh àng gơcrà mat Yàng dê, nàng bol hi in geh dong klàs.

Jơnau Pơnđik 4:27

Bañ cah gùng mơ lòt đah ma hala đah kiau, Jơng kòn pleh tĕ ngài bơh di bơta iơh.

Jơnau Pơnđik 8:20

Añ lòt tòm gùng song ring, Digùl ală gùng song ngan.

Daniel 10:19

Bơtau hơ̆ đơs mơ añ lah: “Ơ cau geh kòñ gơboh ngan, bañ rngòt, ơm tĕ lơngai. Pràn kơldang mơ khin cha tĕ!” Tòm tŭ Bơtau hơ̆ đơs mơ añ gen añ gơs wơl pràn kơldang mơ đơs lah: “Ơ Yàng añ jê, dan đơs tĕ, bơh Yàng neh ai añ in gơs pràn kơldang.”

Khà Làng Bol 27:23

Gen khai ơn tê hơđang Eleajar mơ pồ bơtào jào broă khai in, jat be Yàng Jehôwa neh bơto tơnggit bơh Môise.

Yal Wơl 11:8

Gen tàng, prap gàr mơ lơh jat jơh ală jơnau sồr mơ añ ai bol mê in tòm ngai do, tồ bol mê rgơi gơs bơta pràn kơldang nàng mut mơ dòp lơgar mơ bol mê rơp tiă Jordan nàng dòp leng,

Yal Wơl 12:32

Bol mê kơrhia tĕ lơh jat jơh ală jơnau añ sồr bol mê; bañ bơtơl jơnau lơi hala tă pơndut jơnau lơi bơh di gơ.

Yal Wơl 28:14

mơ dilah bol mê pơrlac sang bơh di jơnau sồr lơi tòm ală jơnau sồr mơ añ ai bol mê in tòm ngai do mơ sĕ đah ma hala đah kiau, lòt jat ală yàng ndai mơ duh broă bol gơ.

Yal Wơl 29:8

Bol he neh tòmpìt ai ù tiah lơgar bol khai dê mơ ai gơlơh gơs sre brê ală cau Ruben in, cau Gat in mơ nggùl jơi bơtiàn Manase in.

Yal Wơl 29:9

Kơrhia tĕ lơh jat ală bơta lơh nền tòm bơta ho bal do tồ bol mê rgơi geh bơtoah bơtoài tòm jơh ală broă bol mê lơh.

Yal Wơl 31:7

Lồc behơ̆ Môise hòi Jôsue mơ đơs mơ khai di đap mat jơh Israel lah: “Lơh tĕ pràn kơldang mơ khin cha, bơh mê pal lòt bal mơ làng bol do mut tòm lơgar mơ Yàng Jehôwa neh srat să mơ ală ồng pàng bol mê dê nàng ai bol khai in, mơ bol mê pal tòmpà gơ digùl bol khai nàng lơh gơs sre brê bol khai dê.

Yal Wơl 4:2

Bañ bơtơl jơnau lơi hơđang ală jơnau mơ añ sồr bol mê mơ kung bañ pơndut jơnau lơi bơh di ală jơnau hơ̆, mơya prap gàr tĕ ală jơnau sồr Jehôwa Yàng Tom Trồ bol mê dê mơ añ ai bol in.

Yal Wơl 5:32

Behơ̆ kơrhia tĕ lơh jat ală bơta mơ Jehôwa Yàng Tom Trồ bol mê dê neh sồr bol mê; bañ pơrlac wèt đah ma hala đah kiau.

Jôsue 1:1

Tơnơ̆ mơ tŭ Môise cau duh broă Yàng Jehôwa dê neh chơt, Yàng Jehôwa đơs mơ Jôsue kòn klau Nun, cau dong broă Môise dê lah:

Jôsue 1:8

Sră bơta boh lam do bañ ngài bơh di bơr mê, kơlôi sơnơng tĕ gơ ngai mơ mang, nàng kơrhia lơh jat jơh ală bơta neh cih tòm hơ̆; behơ̆ sồng mê rơp geh bơtoah tòm gùng dà mê dê mơ gơlik cồng nha.

Jôsue 1:9

Añ do neh ai jơnau gơnoar sồr mê in: Lơh tĕ pràn kơldang mơ khin cha. Bañ rơm să rngòt; bañ rngòt rngơt, bơh Jehôwa Yàng Tom Trồ mê dê rơp ơm bal mơ mê tiah lơi mê lòt.”

Jôsue 11:15

Be Yàng Jehôwa neh sồr Môise la cau duh broă Kơnràñ dê, gen Môise kung neh sồr Jôsue behơ̆ sơl, mơ Jôsue neh lơh jat jơh; tòm jơh ală jơnau sồr mơ Yàng Jehôwa neh sồr Môise, gen Jôsue ò sang lòi dô jơnau lơi.

Jôsue 23:6

Gen tàng kơ̆ nùs tĕ sền sơwì mơ dòn bơr lơh jat jơh ală bơta neh cih tòm Sră Bơta Boh lam Môise dê, bañ wèt đah ma hala đah kiau.