Jôsue 1:6 - Sră Goh 2018

⁶ Lơh tĕ pràn kơldang mơ khin cha, bơh mê rơp ơn làng bol do tòm lơgar Añ ai bol khai in lơh gơs sre brê jat be Añ neh srat să ho nền mơ ală ồng pàng bol khai dê.

Jôsue 1:6 Mawu Ofanana

Sơnròp Gơlik Gơs 12:7

Yàng Jehôwa tơlik mat mơ Abram mơ đơs lah: “Añ rơp ai jơi bơtiàn mê in lơgar do.” Gen tềng hơ̆ Abram lơh dô nơm cơnòng duh khoai Yàng Jehôwa in la Bơtau neh tơlik mat mơ khai.

Sơnròp Gơlik Gơs 26:3

Ơm ing tòm lơgar do, Añ rơp ơm mơ mê, ai lơngai mê in, mơ Añ rơp ai mê mơ jơi bơtiàn mê in jơh ală lơgar do, mơ rơp gơlik tòm toh be jơnau Añ neh ho bal mơ Abraham bèp mê.

II Samuel 10:12

Lơh tĕ pràn kơldang mơ bol he khin cha tĕ tòmlơh tài bơh làng bol bol he dê mơ ală ƀòn dờng Yàng Tom Trồ bol he dê; mơ dan Yàng Jehôwa lơh bơta lơi niam nùs Kơnràñ.”

I Ală Bơtau 2:2

“Añ mòr lòt tòm gùng jơh kòn mơnus pal lòt. Lơh tĕ pràn kơldang, lơh khin cha tĕ!

I Yal Yau 22:13

Gen kòn rơp geh bơtoah bơtoài dilah kòn kơrhia lơh jat ală jơnau sồr mơ bơta boh lam mơ Yàng Jehôwa neh kơnòm di Môise ai Israel in. Lơh tĕ pràn kơldang mơ khin cha. Bañ rngòt mơ bañ gơplơ̆ nùs.

I Yal Yau 28:10

Tŭ do ơn tồr iat tĕ bơh Yàng Jehôwa neh sac rwah kòn nàng bơt dô nơm hìu duh khoai lơh gơs tiah sàng goh. Lơh tĕ pràn kơldang mơ lơh broă.”

I Yal Yau 28:20

Dabit kung đơs mơ Salômôn kòn klau khai dê lah: “Lơh tĕ pràn kơldang mơ khin cha, mơ lơh broă. Bañ rngòt mơ gơplơ̆ nùs bơh Jehôwa Yàng Tom Trồ la Yàng Tom Trồ añ jê, ơm bal mơ kòn. Kơnràñ rơp ò sang, ò lòi kòn jơl tus di tŭ jơh ală broă bơt bơtào hìu duh khoai Yàng Jehôwa dê neh sir.

II Yal Yau 15:7

Mơya bol mê, khin cha tĕ, bañ lòi tê bol mê dê gơlik lơbơn, bơh broă lơh bol mê dê rơp geh phan ƀàn.”

II Yal Yau 20:11

mơya bol khai neh tơm wơl bol hi in la tus bơtrơh tơlik bol hi bơh di ù tiah mơ Kơnràñ neh ai bol hi in lơh gơs sre brê.

II Yal Yau 20:7

Kơnràñ ò di la Yàng Tom Trồ bol hi dê, neh ting bơtrơh ală làng bol ơm tòm lơgar do di đap làng bol Israel Kơnràñ dê, mơ ai lơgar kòn sau Abraham in, la cau bơyô Kơnràñ dê, jơl tus sùm sùm ò ơ?

Đơs Crih 27:14

Kơp gơn tĕ Yàng Jehôwa; Lơh tĕ pràn kơldang mơ kơ̆ nùs wền dơngoh; Ngan pal kơp gơn tĕ Yàng Jehôwa!

Daniel 10:19

Bơtau hơ̆ đơs mơ añ lah: “Ơ cau geh kòñ gơboh ngan, bañ rngòt, ơm tĕ lơngai. Pràn kơldang mơ khin cha tĕ!” Tòm tŭ Bơtau hơ̆ đơs mơ añ gen añ gơs wơl pràn kơldang mơ đơs lah: “Ơ Yàng añ jê, dan đơs tĕ, bơh Yàng neh ai añ in gơs pràn kơldang.”

Sră Age 2:4

‘Mơya tŭ do, ơ Jerubabel, khin cha tĕ!’ Yàng Jehôwa đơs behơ̆. ‘Ơ Jôsua, kòn klau Jehôjadak, cau gơnoar dờng lam bồ ơn phan duh khoai, khin cha tĕ!’ Yàng Jehôwa đơs behơ̆. ‘Jơh làng bol tòm lơgar, khin cha tĕ mơ lơh broă. Bơh Añ ơm bal mơ bol mê,’ Yàng Jehôwa Gơnap Gơnoar Dờng Làm Jơh đơs behơ̆.

Sacari 8:9

Yàng Jehôwa Gơnap Gơnoar Dờng Làm Jơh đơs be do: “Bol mê la ală cau pa do kơno ală jơnau hơ̆ bơh bơr ală cau gơnoar hwơr neh gơs mat tòm tŭ bơt bơtào wơl mơnàng hìu duh khoai, la hìu Yàng Jehôwa Gơnap Gơnoar Dờng Làm Jơh dê, lơh tĕ tê bol mê dê gơlik pràn kơldang.

Khà Làng Bol 26:53

“Ù tiah pal geh tòmpà bol khai in lơh gơs sre brê jat ntum khà sơnđan mat bol khai dê.

Khà Làng Bol 33:53

Ai tĕ lơgar lơh gơs sre brê mơ ơm tơn tềng hơ̆ bơh Añ neh ai bol mê in lơgar lơh gơs sre brê.

I Kôrintô 16:13

Oh mi drơng kơp tĕ, ơm kơ̆ tĕ tòm bơta dòn, lơh tĕ be cau dờng, mơ pràn kơldang tĕ.

Ephesô 6:10

Lồi tơnơ̆ wơl, oh mi gơs tĕ pràn kơldang tòm Yàng, mơ tòm gơnap gơnoar pràn kơldang Kơnràñ dê.

Yal Wơl 1:21

Sền ne, Jehôwa Yàng Tom Trồ bol mê dê neh ai lơgar bol mê in. Lòt guh tĕ mơ dòp sre brê jat be Jehôwa Yàng Tom Trồ ală ồng pàng bol mê dê neh đơs mơ bol mê. Bañ rngòt, bañ gơplơ̆ nùs.’

Yal Wơl 1:8

Sền ne, Añ neh ai bol mê in lơgar do. Mut tĕ mơ dòp ù tiah lơh gơs sre brê mơ Yàng Jehôwa neh srat să ho nền ai ală ồng pàng bol mê in la Abraham, Isak mơ Jakôp, mơ ală kòn sau bol khai in.’

Yal Wơl 11:8

Gen tàng, prap gàr mơ lơh jat jơh ală jơnau sồr mơ añ ai bol mê in tòm ngai do, tồ bol mê rgơi gơs bơta pràn kơldang nàng mut mơ dòp lơgar mơ bol mê rơp tiă Jordan nàng dòp leng,

Yal Wơl 31:23

Yàng Jehôwa ai jơnau gơnoar sồr do Jôsue in kòn klau Nun dê mơ đơs lah: “Lơh tĕ pràn kơldang mơ khin cha bơh mê rơp cèng ală cau Israel mut tòm lơgar mơ Añ neh ho ai bol khai in, mơ Añ rơp ơm bal mơ mê.”

II Timôthe 2:1

Behơ̆ ơ kòn, pràn kơldang tĕ tòm bơta nđàc tòm Yàng Krist Jesu.

Jôsue 1:18

Cau lơi tòmdră mơ gơnoar sồr ồng dê, mơ ò lơh jat jơnau sồr ồng dê, gen cau hơ̆ rơp kong tơnchơt. Mìng lơh tĕ pràn kơldang mơ khin cha!”

Jôsue 1:7

Mìng lơh tĕ pràn kơldang mơ khin cha, kơrhia lơh jat jơh ală bơta boh lam mơ Môise la cau duh broă Añ jê neh sồr mê; bañ wèt hơ đah ma hala đah kiau tồ tiah lơi mê lòt kung rơp gơlik cồng nha.

Jôsue 1:9

Añ do neh ai jơnau gơnoar sồr mê in: Lơh tĕ pràn kơldang mơ khin cha. Bañ rơm să rngòt; bañ rngòt rngơt, bơh Jehôwa Yàng Tom Trồ mê dê rơp ơm bal mơ mê tiah lơi mê lòt.”

Jôsue 10:25

Jôsue đơs mơ bol khai lah: “Bañ rngòt, bañ gơplơ̆ nùs. Gơs tĕ pràn kơldang mơ khin cha. Do la bơta mơ Yàng Jehôwa rơp lơh di jơh ală cau sò tơm mơ bol mê rơp tòmlơh.”

Jôsue 13:6

jơh ală làng bol ơm tòm tiah lơgar kơh mơnơm bơh Liban tus hơ Misrephôt Maim, bal mơ jơh làng bol Sidôn. Să tòm Añ rơp ting bơtrơh bol khai bơh di đap làng bol Israel; mơ mê tòmpà tĕ ù tiah do làng bol Israel in lơh gơs sre brê jat be Añ neh sồr mê.

Jôsue 18:3

Behơ̆ Jôsue đơs mơ làng bol Israel lah: “Nđò jŏ bol mê gam òbat bơh bơta mut tòmpìt ai sre brê tòm lơgar mơ Jehôwa Yàng Tom Trồ ală ồng pàng bol mê dê neh ai bol mê in taih?

Jôsue 21:43

Behơ̆ Yàng Jehôwa neh ai Israel in jơh ù tiah mơ Kơnràñ neh srat să ho nền mơ ală ồng pàng bol khai dê, mơ Kơnràñ ai bol khai in lơh gơs sre brê mơ ơm tềng hơ̆.

Jôsue 5:6

Làng bol Israel neh lòt gùng poan jơt nam tòm ƀlàng ngềt ngơt jơl tus di tŭ jơh ală cau klau la cau ling lik bơh lơgar Ejiptơ neh chơt jơh, tài bơh bol khai ò dòn bơr Yàng Jehôwa. Bơh Yàng Jehôwa neh srat să ho nền mơ bol khai lah, Kơnràñ ò ai bol khai in sền gŏ lơgar mơ Kơnràñ neh srat să ho nền mơ ồng pàng bol khai dê la rơp ai bol he in, hơ̆ la lơgar hòr dà toh mơ dà lơwe.

I Samuel 4:9

Ơ cau Philistin, lơh khin cha tĕ, nàng bol mê ò gơlik gơs dĭ cau Hebrơ kung be bol khai neh lơh dĭ bol mê in! Lơh tĕ be cau dờng mơ tòmlơh tĕ!