Jôsue 1:5 - Sră Goh 2018

⁵ Ò gơs cau lơi rgơi tòmdră jai mơ mê tòm jơh ală ngai tòm rài kis mê dê, Añ neh ơm mơ Môise be lơi gen Añ kung rơp ơm mơ mê behơ̆ sơl. Añ rơp ò tŭ lơi sang mê, kung ò tŭ lơi lòi mê.

Jôsue 1:5 Mawu Ofanana

Sơnròp Gơlik Gơs 39:2

Jôsep ơm tòm hìu cau tòm khai dê la cau Ejiptơ. Yàng Jehôwa ơm bal mơ khai, gen khai gơlik gơs cồng nha sùm.

I Ală Bơtau 1:37

Mbe lơi Yàng Jehôwa neh ơm mơ cau tòm añ jê la bơtau gen dan Kơnràñ kung ơm bal mơ Salômôn sơl, tồ lơh sơbàn khai dê geh jòng màng rlau mơ sơbàn cau tòm añ jê la bơtau Dabit!”

I Ală Bơtau 11:38

Dilah mê iat jơh ală gơnoar Añ sồr mê, lòt tòm ală gùng dà Añ, lơh bơta niam di đap Añ, bơh mê prap gàr bơta boh lam mơ bơta sồr lam Añ jê, be Dabit dĭ gơna Añ neh lơh, gen Añ rơp ơm mơ mê, mơ añ rơp bơt bơtào mê in dô nơm hìu kơ̆ cê, be Añ neh bơtào Dabit in, mơ Añ rơp ai Israel mê in.

I Ală Bơtau 6:13

Mơ Añ rơp ơm digùl kòn sau Israel, Añ rơp ò tŭ lơi sang lòi làng bol Añ jê la Israel.”

I Ală Bơtau 8:57

Dan Jehôwa Yàng Tom Trồ bol hi ơm bal mơ bol hi, be Kơnràñ neh ơm bal mơ ồng pàng bol hi dê, bañ sang lòi bol hi;

I Yal Yau 28:20

Dabit kung đơs mơ Salômôn kòn klau khai dê lah: “Lơh tĕ pràn kơldang mơ khin cha, mơ lơh broă. Bañ rngòt mơ gơplơ̆ nùs bơh Jehôwa Yàng Tom Trồ la Yàng Tom Trồ añ jê, ơm bal mơ kòn. Kơnràñ rơp ò sang, ò lòi kòn jơl tus di tŭ jơh ală broă bơt bơtào hìu duh khoai Yàng Jehôwa dê neh sir.

Đơs Crih 46:11

Yàng Jehôwa Mpồl Ling dê ơm bal mơ bol he, Yàng Tom Trồ Jakôp dê la tiah kìng crŭ bol he dê. (Selah)

Lik Ejiptơ 3:12

Yàng Tom Trồ đơs lah: “Añ rơp ơm bal mơ mê. Do rơp la tềl ai mê in nàng git lah Añ la Bơtau neh sồr mê lòt: Tòm tŭ mê neh lam làng bol lik klàs bơh di lơgar Ejiptơ rau, bol mê rơp duh khoai Yàng Tom Trồ hơđang mơnơm do”.

Esai 42:16

Añ rơp tề ală cau jơngo lòt tòm ală gùng bol khai ò git, Añ rơp lam bol khai tòm ală gùng bol khai òhềt mòng git; Añ rơp tòmgơl bơta jơngo gơlik gơs bơta àng di đap bol khai, mơ lơh ală tiah ò ring gơlik gơs ring niam. Hơ̆ la ală bơta Añ rơp lơh; mơ Añ rơp ò sang lòi bol khai.

Jeremi 1:8

Bañ rngòt di bol khai; Bơh Añ ơm mơ mê nàng dong klàs mê.” Yàng Jehôwa đơs behơ̆.

Daniel 11:16

Mơya cau bơtau đah đang hơ̆ rơp brồ lơh jat nùs khai kòñ, ò gơs cau lơi rgơi ntào tòmdră mơ khai. Khai rơp ntào tòm tiah gơklŏ khai dê mơ gơs gơnoar hơđang làm jơh.

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

Rôma 8:31

Gen mbe bol he kòñ đơs bơh ală bơta hơ̆ taih? Dilah Yàng Tom Trồ ơm đah mơ bol he, gen gơs ñcau sò tơm dê bol he taih?

Rôma 8:37

Gơpơrlơ̆ wơl, tòm jơh ală bơta hơ̆, bol he kơnòm di Bơtau kòñ gơboh di bol he nàng geh bơta pha lin rlau.

Yal Wơl 20:1

“Tòm tŭ bol mê lòt tòmlơh mơ ală cau sò tơm bol mê dê, mơ gŏ ală ơseh, ală rơndeh ơseh mơ dô mpồl ling dờng rlau mơ mpồl ling bol mê dê, bañ rngòt di bol khai, tài bơh Jehôwa Yàng Tom Trồ bol mê dê la Bơtau neh tă bol mê lik bơh di Ejiptơ rơp ơm bal mơ bol mê.

Yal Wơl 20:4

Bơh Jehôwa Yàng Tom Trồ bol mê dê la Bơtau lòt bal mơ bol mê, nàng tòmlơh bol mê in tòmdră mơ ală cau sò tơm bol mê dê mơ ai bol mê in bơta pha lin rlau.’

Yal Wơl 31:23

Yàng Jehôwa ai jơnau gơnoar sồr do Jôsue in kòn klau Nun dê mơ đơs lah: “Lơh tĕ pràn kơldang mơ khin cha bơh mê rơp cèng ală cau Israel mut tòm lơgar mơ Añ neh ho ai bol khai in, mơ Añ rơp ơm bal mơ mê.”

Yal Wơl 4:31

Bơh Jehôwa Yàng Tom Trồ bol mê dê la Yàng Tom Trồ gơs nùs nđàc sơngit, Kơnràñ rơp ò sang lòi hala tơnroh bol mê hala lòi hŭi bơta ho bal mơ ală ồng pàng bol mê dê mơ Kơnràñ neh srat sa ho bal nàng lơh nền.

Yal Wơl 7:24

Kơnràñ rơp ơn ală cau bơtau bol khai dê tòm tê bol mê, mơ bol mê rơp jùt jơh ală sơnđan bol khai bơh di ù tiah hơđơm trồ. Ò gơs cau lơi rgơi ñă ntào tòmdră mơ bol mê, bol mê rơp tơnroh bol khai.

II Timôthe 4:17

Mơya Yàng neh ơm dô đah bal mơ añ mơ bơtơl pràn añ in, tồ bơh añ mơ Jơnau Niam geh bơto yal wil tơl, nàng jơh ală cau làng bol bơdìh geh kơno; behơ̆ añ neh geh dong tă bơh di bơr klìu triă.

Hebrơ 13:5

Bañ gơs nùs hàm hà jền priă; hừh nùs tĕ tòm bơta he neh gơs, bơh să tòm Yàng neh đơs lah: “Añ ò gơs tŭ lơi sang mê, kung ò gơs tŭ lơi lòi mê.”

Jôsue 1:17

Be bol hi neh dòn bơr Môise tòm jơh ală bơta, gen bol hi kung rơp dòn bơr ồng behơ̆ sơl. Mìng dan Jehôwa Yàng Tom Trồ ồng dê ơm bal mơ ồng kung be Kơnràñ neh ơm bal mơ Môise.

Jôsue 1:9

Añ do neh ai jơnau gơnoar sồr mê in: Lơh tĕ pràn kơldang mơ khin cha. Bañ rơm să rngòt; bañ rngòt rngơt, bơh Jehôwa Yàng Tom Trồ mê dê rơp ơm bal mơ mê tiah lơi mê lòt.”

Jôsue 10:8

Yàng Jehôwa đơs mơ Jôsue lah: “Bañ rngòt di bol khai, Añ neh jào bol khai tòm tê mê; ò gơs cau lơi tòm bol khai rgơi ntào jai di đap mê.”

Jôsue 21:44

Mơ Yàng Jehôwa ai bol khai in rlô bơh ală đah jat be Kơnràñ neh srat să ho nền mơ ală ồng pàng bol khai dê. Ò gơs dô nă cau sò tơm lơi rgơi ntào jai di đap bol khai. Bơh Yàng Jehôwa neh jào jơh ală cau sò tơm tòm tê bol khai.

Jôsue 3:7

Mơ Yàng Jehôwa đơs mơ Jôsue lah: “Ngai do Añ rơp sơntòm lơh mê in geh sền dờng màng di đap jơh Israel, nàng bol khai in git lah Añ ơm bal mơ mê kung be Añ neh ơm bal mơ Môise sơl.

Jôsue 6:27

Behơ̆ Yàng Jehôwa ơm bal mơ Jôsue, mơ khai geh tiơng pơnro tòm làm lơgar.

Ală Kwang Cahrña 2:18

Tŭ lơi Yàng Jehôwa bơtào tơngguh bol khai in dô nă cau kwang cahrña, Kơnràñ ơm bal mơ cau kwang cahrña hơ̆ tòm jơh rài kis khai dê nàng dong Israel lik bơh di tê cau sò tơm bol khai dê; bơh Yàng Jehôwa gơs nùs nđàc sơngit di bol khai tòm tŭ bol khai rơnđơh, bơh ală cau kup kơryan mơ rồn bơklơn bol khai.

Ală Kwang Cahrña 6:16

Yàng Jehôwa ho wơl mơ khai lah: “Añ rơp ơm bal mơ mê, mơ mê rơp lơh alah jơh ală cau Midian.”

I Samuel 10:7

Tòm tŭ ală tềl do gơlik gơs di ngan gen lơh jat tĕ bơta lơi mê pal lơh, bơh Yàng Tom Trồ ơm bal mơ mê.