Jôsue 1:4 - Sră Goh 2018

⁴ Bơh ƀlàng ngềt ngơt mơ tiah Liban do jơl tus di hiòng dờng, la hiòng Ơphrat, mơ jơh ù tiah làng bol Hetit dê, tus di Dàlềng Dờng đah mattơngai mut la ù tiah bol mê dê.

Jôsue 1:4 Mawu Ofanana

I Ală Bơtau 10:29

Dô nơm rơndeh blơi tòm lơgar Ejiptơ mơ lam rê hơ Jerusalem, la prau rhiang sieklơ priă, mơ kòp nơm ơseh la dô rhiang pram jơt sieklơ. Behơ̆ bơh ală cau kă bro bơtau dê, bol khai neh blơi phan mơna bơh di jơh ală bơtau Hetit mơ ală bơtau Siri.

I Ală Bơtau 4:21

Salômôn at bồ hơđang jơh ală lơgar bơh hiòng Ơphrat tus di lơgar Philistin, ngài tus di nhàr lơgar Ejiptơ. Ală lơgar hơ̆ dap dia mơ dòn duh hơđơm gơnoar Salômôn dê jơl jơh rài kis khai dê.

I Yal Yau 18:3

Rlau mơ hơ̆, Dabit tòmlơh mơ Hadadejer bơtau Jôba dê tus di Hamat, tòm tŭ khai bơtào kơ̆ gơnoar at bồ khai dê rò gah hiòng Ơphrat.

I Yal Yau 5:9

Khai kung ơm đah mattơngai lik, ngài tus di nhàr ƀlàng ngềt ngơt đah do hiòng Ơphrat, tài bơh mpồl phan poan jơng bol khai dê neh gơbơtơl oă tòm lơgar Galaat.

Ejra 4:20

Jerusalem neh gơs ală cau bơtau gơs gơnoar pràn at bồ làm jơh Đah Ne Hiòng, mơ làng bol neh dap dia bơh jơh ală bơta ală cau bơtau hơ̆ in.

Lik Ejiptơ 23:31

Añ rơp bơtào kơ̆ nhàr lơgar bol mê dê bơh Dàlềng Pơrhê jơl tus di Dàlềng Philistin, bơh ƀlàng ngềt ngơt tus di Hiòng Ơphrat. Añ rơp jào tòm tê bol mê làng bol ơm tòm lơgar, mơ bol mê rơp ting bơtrơh bol khai lik bơh di đap bol mê.

Yal Wơl 1:7

Tă tĕ sàl mơ mut tòm lơgar mơnơm ală cau Amôrit dê; lòt tĕ hơ jơh ală làng bol ơm gùt dar tòm Arabah, tòm ală mơnơm, tòm kơnhwàl Sephelah, tòm kơnhwàl Negep mơ rò gah dàlềng, tòm lơgar cau Kanaan mơ tòm Lebanon, ngài tus hơ hiòng dờng Ơphrat.

Yal Wơl 11:24

Tiah lơi mpàng jơng bol mê jă gen rơp gơrê bal mơ bol mê. Ù tiah bol mê dê rơp bơh di ƀlàng ngềt ngơt tus hơ Liban, mơ bơh di hiòng Ơphrat tus hơ dàlềng đah mattơngai mut.

Yal Wơl 3:25

Dan ai añ in tiă mơ sền gŏ lơgar niam đah ne Jordan la lơgar mơnơm mơ Liban hàng mơnĕ.”

Yal Tơlik 9:14

Jơnau hơ̆ đơs mơ cau gơnrơh dơ̆ prau ơm at kơlwòk lah: “Hồ tĕ poan nă cau gơnrơh neh kòl cap di gah hiòng dờng Ơphrat.”