Jôsue 1:18 - Sră Goh 2018

¹⁸ Cau lơi tòmdră mơ gơnoar sồr ồng dê, mơ ò lơh jat jơnau sồr ồng dê, gen cau hơ̆ rơp kong tơnchơt. Mìng lơh tĕ pràn kơldang mơ khin cha!”

Jôsue 1:18 Mawu Ofanana

Ejra 10:4

Lơh tĕ, bơh hơ̆ la broă tòm ồng dê, mơ bol hi rơp ơm bal mơ ồng, lơh tĕ pràn kơldang mơ lơh tĕ bơta hơ̆.”

Luka 19:27

Ai ală cau sò tơm di añ, la ală cau ò kòñ añ at bồ hơđang bol khai, hwài tĕ bol khai tus hơ do mơ tơnchơt di đap añ.’”

I Kôrintô 16:13

Oh mi drơng kơp tĕ, ơm kơ̆ tĕ tòm bơta dòn, lơh tĕ be cau dờng, mơ pràn kơldang tĕ.

Ephesô 6:10

Lồi tơnơ̆ wơl, oh mi gơs tĕ pràn kơldang tòm Yàng, mơ tòm gơnap gơnoar pràn kơldang Kơnràñ dê.

Yal Wơl 17:12

Cau lơi tòmdră ò dòn bơr cau kwang cahrña hala cau gơnoar ơn phan duh khoai ơm ntào tềng hơ̆ duh broă Jehôwa Yàng Tom Trồ bol mê dê gen cau hơ̆ pal kong tơnchơt. Bol mê pal tă sang bơta iơh bơsak bơh di Israel.

Hebrơ 12:25

Oh mi kơrhia tĕ, bañ sềt tồr mơ Bơtau ơm đơs. Bơh dilah ală cau ne neh ò bài iat cau bơto tơngkah tòm ù gen ò geh pleh klàs, tơ ài lah bol he pơrlac sang Bơtau bơto tơngkah bơh đang trồ gen mbe rgơi pleh klàs.

Jôsue 1:17

Be bol hi neh dòn bơr Môise tòm jơh ală bơta, gen bol hi kung rơp dòn bơr ồng behơ̆ sơl. Mìng dan Jehôwa Yàng Tom Trồ ồng dê ơm bal mơ ồng kung be Kơnràñ neh ơm bal mơ Môise.

Jôsue 1:9

Añ do neh ai jơnau gơnoar sồr mê in: Lơh tĕ pràn kơldang mơ khin cha. Bañ rơm să rngòt; bañ rngòt rngơt, bơh Jehôwa Yàng Tom Trồ mê dê rơp ơm bal mơ mê tiah lơi mê lòt.”

Jôsue 2:1

Gen Jôsue kòn klau Nun dê, sồr bàr nă cau bơh Sittim lòt sền òm lơgar, mơ đơs lah: “Lòt tĕ sền òm làm lơgar, oă rlau jơh la Jerikô.” Behơ̆, bol khai lòt mơ mut tòm hìu dô nă cau ùr dri, sơnđan la Rahap mơ ơm mang tềng hơ̆.

I Samuel 11:12

Gen làng bol đơs mơ Samuel lah: “Ñcau la cau neh lùp lah: ‘Sol rơp at bồ hơđang bol he ơ?’ Cèng tĕ ală cau hơ̆ bol hi in nàng bol hi tơnchơt.”