Jôsue 1:16 - Sră Goh 2018

¹⁶ Bol khai ho Jôsue lah: “Bol hi rơp lơh jơh ală bơta lơi ồng sồr bol hi lơh, mơ lòt tiah lơi ồng sồr bol hi lòt.

Jôsue 1:16 Mawu Ofanana

Ejra 10:4

Lơh tĕ, bơh hơ̆ la broă tòm ồng dê, mơ bol hi rơp ơm bal mơ ồng, lơh tĕ pràn kơldang mơ lơh tĕ bơta hơ̆.”

Khà Làng Bol 32:25

Ală cau Gat mơ ală cau Ruben đơs mơ Môise lah: “Bol hi la ală cau duh broă ồng dê rơp lơh jat ală jơnau sồr cau tòm at bồ bol hi dê.

Khà Làng Bol 32:31

Ală cau Gat mơ cau Ruben ho wơl lah: “Ală cau duh broă ồng dê rơp lơh jat jơnau mơ Yàng Jehôwa neh đơs.

Yal Wơl 34:9

Mơ tai, Jôsue kòn klau Nun dê neh geh bềng lìu hwềng bơta jak chài dê tài bơh Môise neh ơn tê hơđang khai. Behơ̆ ală cau Israel neh iat jơnau khai mơ neh lơh jat bơta Yàng Jehôwa neh sồr Môise.

Yal Wơl 5:27

Să tòm ồng, tus tĕ rềp mơ ơm iat jơh ală jơnau mơ Jehôwa Yàng Tom Trồ bol hi dê đơs. Lồc behơ̆ yal wơl bol hi in ală jơnau lơi mơ Yàng Tom Trồ bol hi dê đơs mơ ồng. Bol hi rơp ơm iat mơ dòn bơr.’

Sră Pơyoa Pol Dê Pơyoa Tit In 3:1

Tơngkah tĕ ală cau dòn jat Yàng pal dòn duh ală cau kwang mơ cau gơnoar at bồ, pal dòn bơr, rcang sir nàng lơh jơh ală broă niam,

Jôsue 1:15

jơl tus di tŭ Yàng Jehôwa ai ală oh mi bol mê in bơta rlô lơngai kung be neh ai bol mê in, mơ bol khai kung dòp geh sre brê mơ Jehôwa Yàng Tom Trồ ai bol khai in. Gen bol mê rơp rê wơl hơ ù tiah bol mê dê mơ dòp sre brê gơ dê, ù tiah mơ Môise cau duh broă Yàng Jehôwa dê neh ai bol mê in đah mattơngai lik hiòng Jordan.”

Jôsue 1:17

Be bol hi neh dòn bơr Môise tòm jơh ală bơta, gen bol hi kung rơp dòn bơr ồng behơ̆ sơl. Mìng dan Jehôwa Yàng Tom Trồ ồng dê ơm bal mơ ồng kung be Kơnràñ neh ơm bal mơ Môise.