Jôsue 1:15 - Sră Goh 2018

¹⁵ jơl tus di tŭ Yàng Jehôwa ai ală oh mi bol mê in bơta rlô lơngai kung be neh ai bol mê in, mơ bol khai kung dòp geh sre brê mơ Jehôwa Yàng Tom Trồ ai bol khai in. Gen bol mê rơp rê wơl hơ ù tiah bol mê dê mơ dòp sre brê gơ dê, ù tiah mơ Môise cau duh broă Yàng Jehôwa dê neh ai bol mê in đah mattơngai lik hiòng Jordan.”

Jôsue 1:15 Mawu Ofanana

I Kôrintô 12:26

Behơ̆, dilah dô pơnah lơi kong jê sồt, gen jơh ală pơnah ndai kong jê sồt bal mơ gơ, hala dilah dô pơnah lơi geh jòng ro, gen jơh ală pơnah ndai kung hòn chò bal mơ gơ.

I Kôrintô 13:5

ò lơh tìs jơnau, ò jòi cồng nha is, ò mhar gơjrañ, ò kah prap bơta tìs;

Galati 5:13

Ơ oh mi, oh mi neh geh hòi sac lòt tus hơ bơta khat gơboh, mơya bañ ai bơta khat gơboh hơ̆ lơh kai oh mi in lơh jat poac să, mơya ai tĕ nùs kòñ gơboh duh broă bal mơ gơp.

Galati 6:2

Àñ tĕ ơnòng kơnjơ̆ bal mơ gơp, behơ̆ sồng oh mi lơh jat wil tơl bơta boh lam Bơtau Krist dê.

Yal Wơl 3:18

Tòm tŭ hơ̆ añ ai jơnau sồr bol mê lah: “Jehôwa Yàng Tom Trồ bol mê dê neh ai bol mê in lơgar do lơh gơs sre brê. Mơya jơh ală cau klau rgơi lòt tòmlơh pal mă àñ phan tòmlơh mơ tiă hiòng Jordan lài mơ ală oh mi Israel bol mê dê.

Yal Wơl 3:20

jơl tus di tŭ Yàng Jehôwa neh ai bơta rlô lơngai ală oh mi bol mê in kung be Kơnràñ neh ai bol mê in, mơ bol khai kung pal dòp geh lơgar mơ Jehôwa Yàng Tom Trồ bol mê dê ai bol khai in, đah ne Jordan. Tơnơ̆ mơ hơ̆, kòp nă bol mê rgơi rê wơl hơ sre brê mơ añ neh ai bol mê in.”

Yal Wơl 9:1

Ơ Israel, iat tĕ, ngai do bol mê rơp tiă Jordan nàng tòmpìt ai ală lơgar dờng rlau mơ pràn rlau mơ bol mê, gơs ală ƀòn dờng ơnàng ơm tòm ală dơrñang kơ̆ cê jơnhoa tus hơ trồ.

Philip 2:4

Kòp nă tòm ală oh mi bañ mìng kơlôi rcang broă tòm he dê, mơya kung pal kơlôi rcang broă cau ndai in sơl.

Jôsue 1:1

Tơnơ̆ mơ tŭ Môise cau duh broă Yàng Jehôwa dê neh chơt, Yàng Jehôwa đơs mơ Jôsue kòn klau Nun, cau dong broă Môise dê lah:

Jôsue 1:14

Ală bau ùr, ală kòn, bal mơ ală phan poan jơng bol mê dê rơp ơm wơl tòm lơgar mơ Môise neh ai bol mê in đah ne hiòng Jordan. Mơya jơh ală cau ling digùl bol mê pal tiă lài mơ ală oh mi bol mê dê nàng dong kòl bol khai,

Jôsue 1:16

Bol khai ho Jôsue lah: “Bol hi rơp lơh jơh ală bơta lơi ồng sồr bol hi lơh, mơ lòt tiah lơi ồng sồr bol hi lòt.

Jôsue 22:1

Gen Jôsue hòi pơjum cau Ruben, cau Gat mơ nggùl cau Manase,