Jôsue 1:1 - Sră Goh 2018

¹ Tơnơ̆ mơ tŭ Môise cau duh broă Yàng Jehôwa dê neh chơt, Yàng Jehôwa đơs mơ Jôsue kòn klau Nun, cau dong broă Môise dê lah:

Jôsue 1:1 Mawu Ofanana

I Ală Bơtau 19:16

Mê kung bong mơñà Jehu in, kòn klau Nimsi, lơh bơtau hơđang Israel; mơ mê rơp bong mơñà Elise in, kòn klau Saphat tòm Abelmehola, lơh gơs cau gơnoar hwơr ala mê in.

II Ală Bơtau 3:11

Mơya Jehôsaphat đơs lah: “Tềng do ò gơs dô nă cau gơnoar hwơr lơi Yàng Jehôwa dê nàng bol he kơnòm di khai mơ lùp Yàng Jehôwa ò ơ?” Dô nă cau dĭ gơna bơtau Israel yal lah: “Tềng do gơs Elise, kòn klau Saphat dê, la cau tuh dà di tê Eli dê.”

Nehemi 8:17

Jơh mpồl jơnum neh geh rê bơh bơta kong kup cèng gen lơh sàl mơ ơm tềng hơ̆. Bơh di rài Jôsue kòn klau Nun dê jơl tus ngai hơ̆, làng bol òhềt gơs behơ̆, mơ gơs bơta hòn chò dờng ngan.

Lik Ejiptơ 24:13

Gen Môise ntào bal mơ Jôsue la cau dong broă khai, mơ Môise guh hơđang mơnơm Yàng Tom Trồ dê.

Khà Làng Bol 11:28

Jôsue kòn klau Nun la cau bơh di tŭ gam pơnu neh ơm dong kòl Môise, ai jơnau đơs lah: “Ơ Môise, cau tòm añ jê, dan bơkơ̆u bol khai!”

Khà Làng Bol 12:7

Mơya ò di behơ̆ mơ cau duh broă Añ jê la Môise, khai la dòn song tòm jơh hìu Añ.

Khà Làng Bol 13:16

Hơ̆ la sơnđan ală cau klau mơ Môise neh sồr lòt rwang sền lơgar. (Môise neh tơmoh sơnđan Hôse kòn klau Nun la Jôsue.)

Khà Làng Bol 13:8

Hôse kòn klau Nun bơh di jơi bơtiàn Epraim;

Luka 16:10

Cau lơi dòn song tòm broă dềt rhền, gen kung dòn song tòm broă dờng; cau lơi ò song ring tòm broă dềt rhền, gen kung ò song ring tòm broă dờng sơl.

Broă 7:45

Ồng pàng bol he dê neh dòp Hìu Ing Duh Khoai hơ̆, lồc behơ̆ lòt bal mơ Jôsue cèng tus hơ lơgar bol khai neh tòmpìt bơh di ală làng bol bơdìh mơ Yàng Tom Trồ neh bơtrơh tơlik bơh di đap bol khai; Hìu Ing Duh Khoai hơ̆ kư̆ gam gơs sùm jơl tus di rài Dabit,

Rôma 1:1

Pol, dĭ gơna Yàng Krist Jesu dê, geh Yàng Tom Trồ hòi sac lơh gơs cau gơnoar bơto dờng, ơn is nàng bơto Jơnau Niam Yàng Tom Trồ dê,

Yal Wơl 1:38

Mơya cau dong broă mê la Jôsue kòn klau Nun rơp mut tềng hơ̆. Chồl nùs khai pràn kơldang tài bơh khai rơp lam Israel dòp gơlơh gơs sre brê.

Yal Wơl 31:23

Yàng Jehôwa ai jơnau gơnoar sồr do Jôsue in kòn klau Nun dê mơ đơs lah: “Lơh tĕ pràn kơldang mơ khin cha bơh mê rơp cèng ală cau Israel mut tòm lơgar mơ Añ neh ho ai bol khai in, mơ Añ rơp ơm bal mơ mê.”

Yal Wơl 31:3

Să tòm Jehôwa Yàng Tom Trồ bol mê dê rơp tiă lài mơ bol mê. Kơnràñ rơp tơnroh ală làng bol do di đap bol mê, mơ bol mê rơp dòp geh lơgar bol khai dê lơh gơs sre brê tòm bol mê dê. Jôsue kung rơp tiă đah ne lài mơ bol mê jat be Yàng Jehôwa neh đơs.

Yal Wơl 33:1

Do la bơta lơngai mơ Môise cau Yàng Tom Trồ dê neh ai lơngai cau Israel in lài mơ tŭ khai chơt.

Yal Wơl 34:12

Bơh ò gơs cau lơi neh gơs tŭ lơi git gơnap gơnoar dờng pràn rlau jơh hala neh lơh ală broă pal rngòt rngơt mơ Môise neh lơh di đap mat jơh Israel.

Yal Wơl 34:5

Mơ Môise, cau duh broă Yàng Jehôwa dê chơt tềng hơ̆ tòm Môap, tòm toh jat be Yàng Jehôwa neh đơs.

Yal Wơl 34:9

Mơ tai, Jôsue kòn klau Nun dê neh geh bềng lìu hwềng bơta jak chài dê tài bơh Môise neh ơn tê hơđang khai. Behơ̆ ală cau Israel neh iat jơnau khai mơ neh lơh jat bơta Yàng Jehôwa neh sồr Môise.

Sră Pơyoa Pol Dê Pơyoa Tit In 1:1

Pol, dĭ gơna Yàng Tom Trồ dê mơ la cau gơnoar bơto dờng bơh Yàng Jesu Krist, nàng lam ală cau geh sac rwah Yàng Tom Trồ dê tus hơ bơta dòn mơ git wă jơnau song, la dô bơta di pal mơ bơta dòn duh,

Jakơ 1:1

Jakơ, dĭ gơna Yàng Tom Trồ mơ Yàng Jesu Krist dê, pơyoa jơnau còp să jơt bàr jơi bơtiàn ơm nrah nring làm bă tiah.

Jôsue 1:15

jơl tus di tŭ Yàng Jehôwa ai ală oh mi bol mê in bơta rlô lơngai kung be neh ai bol mê in, mơ bol khai kung dòp geh sre brê mơ Jehôwa Yàng Tom Trồ ai bol khai in. Gen bol mê rơp rê wơl hơ ù tiah bol mê dê mơ dòp sre brê gơ dê, ù tiah mơ Môise cau duh broă Yàng Jehôwa dê neh ai bol mê in đah mattơngai lik hiòng Jordan.”

Jôsue 1:2

“Môise, cau duh broă Añ jê neh chơt; tŭ do mê mơ jơh làng bol do guh tĕ, tiă hiòng Jordan mơ mut tòm lơgar mơ Añ rơp ai làng bol Israel in.

Jôsue 12:6

Môise cau duh broă Yàng Jehôwa dê bal mơ làng bol Israel neh tòmlơh pha rlau mơ bol khai, mơ Môise cau duh broă Yàng Jehôwa dê neh ai lơgar bol khai dê cau Ruben, cau Gat mơ nggùl jơi bơtiàn cau Manase in lơh gơs sre brê tòm.

Yal Tơlik 1:18

Añ la Bơtau Kis; Añ neh chơt, mơ do Añ kis gam sùm sùm, at ală kai mpồng Bơta chơt mơ Lơgar Làng ƀồc.