Jơnau Niam Jat Mak 8:2 - Sră Goh 2018

² “Añ nđàc sơngit di mpồl làng bol do, tài bơh neh pe ngai rau bol khai kư̆ ơm mơ Añ, mơ ò gơs phan lơi sa.

Jơnau Niam Jat Mak 8:2 Mawu Ofanana

I Ală Bơtau 19:6

Khai sền gŏ di tiah bồ bic gơs dô nơm ƀañ dềt buh hơđang ồs rnga, mơ dô gri dà. Khai sa mơ hùc, gen bic tai.

Đơs Crih 103:13

Yàng Jehôwa nđàc sơngit di cau duh rngòt di Kơnràñ, Ò gơkrơi be bèp nđàc sơngit di ală kòn khai dê behơ̆ sơl.

Đơs Crih 145:15

Jơh ală phan tơnggòr sền di Yàng, Kơnràñ ai bol khai in phan sa jat kơnhai sơnam.

Đơs Crih 145:8

Yàng Jehôwa ai bơta nđàc mơ gơs nùs kòñ nđàc, Òbat gơjrañ mơ bềng lìu bơta kòñ gơboh kơ̆ dơn.

Mice 7:19

Kơnràñ rơp kòñ nđàc tai di bol he, Kơnràñ rơp jă trơm ală tồi glài bol he dê hơđơm jơng Kơnràñ mơ sang sơrbì jơh ală bơta tồi glài iơh bơsak bol he dê tòm ală tiah jrô dàlềng dê.

Mathiơ 14:14

Kơnràñ lik bơh ơhò, gŏ mpồl làng bol oă gen nđàc sơngit di bol khai mơ sơmbòi ală cau kòp jê in.

Mathiơ 20:34

Yàng Jesu gơs nùs nđàc sơngit mơ ƀư di mat bol khai, gen bol khai gŏ mo mơ lòt jat Kơnràñ.

Mathiơ 9:36

Dơ̆ Kơnràñ gŏ mpồl làng bol gen gơs nùs nđàc sơngit, bơh bol khai bòl glar, mơ nrah nring be belàt ò gơs cau ê.

Jơnau Niam Jat Mak 1:41

Yàng Jesu rngoh rngac nđàc sơngit, ai tê ƀư di khai mơ đơs lah: “Añ kòñ, goh tĕ.”

Jơnau Niam Jat Mak 5:19

Mơya Yàng Jesu ò ai, mơ đơs lah: “Rê tĕ hơ hìu mê, tòm tiah gơp bơtiàn mê, mơ yal wơl bol khai in bơta dờng màng ò git nđò mơ Yàng neh lơh mê in, mơ mbe lơi Kơnràñ neh kòñ nđàc di mê.”

Jơnau Niam Jat Mak 6:32

Behơ̆ Kơnràñ mơ ală cau bơtê mut tòm ơhò nàng lòt pleh tòm tiah ngềt ngơt.

Jơnau Niam Jat Mak 6:34

Tŭ Yàng Jesu lik bơh ơhò, gŏ mpồl làng bol oă gen nđàc sơngit di bol khai, bơh bol khai gơlơh be belàt ò gơs cau ê. Gen Kơnràñ sơntòm bơto sồr bol khai oă bơta.

Jơnau Niam Jat Mak 8:3

Dilah Añ lòi bol khai in rê jơgloh gen bol khai rơp hồi tòm gùng, bơh gơs cau ƀà neh tus bơh tiah ngài.”

Jơnau Niam Jat Mak 9:22

Neh oă dơ̆ cà sơrbì khai tòm ồs mơ tòm dà nàng tơnroh khai, mơya dilah Kơnràñ rgơi lơh bơta lơi, gen dan nđàc sơngit mơ dong kòl bol hi!”

Luka 15:20

Chòp khai ñă ntào mơ rê wơl hơ bèp khai dê. Tòm tŭ gam ơm ngài, bèp gŏ khai gen gơs nùs nđàc sơngit, ntoat tus koar di ngko mơ cum.

Luka 7:13

Yàng gŏ cau ùr hơ̆ gen gơs nùs nđàc sơngit mơ đơs lah: “Bañ ñìm.”

Hebrơ 2:17

Gen tàng tòm jơh ală bơta Kơnràñ pal geh gơlik gơs ndròm bal be oh mi Kơnràñ dê, nàng gơwèt mơ Yàng Tom Trồ Kơnràñ gơlik gơs cau gơnoar dờng lam bồ ơn phan duh khoai geh bơta nđàc sơngit mơ dòn song, nàng lơh gơs phan ơn tơwài glài tài bơh tồi glài làng bol dê.

Hebrơ 4:15

Bơh bol he ò gơs cau gơnoar dờng lam bồ ơn phan duh khoai ò rgơi git làm bơta lơbơn lơño bol he dê, mơya bol he gơs dô nă cau gơnoar dờng lam bồ ơn phan duh khoai neh kong ơniai tòm jơh ală bơta, kung be bol he mơya ò tìs glài.

Hebrơ 5:2

Khai rgơi gơs nùs nđàc sơngit ală cau bơrngơl gơla mơ tìs nrah, bơh să tòm Khai kung gơkòl tòm bơta lơbơn lơño.