Jơnau Niam Jat Mak 8:17 - Sră Goh 2018

¹⁷ Yàng Jesu git bơta hơ̆ gen đơs lah: “Ñchi bơh tài bol mê bơyai bal hơ̆ la tài bơh bol mê ò gơs piang lă taih? Bol mê gam òhềt git mơ kung ò wă sơl ơ? Bol mê gơs nùs kră kơldang ơ?

Jơnau Niam Jat Mak 8:17 Mawu Ofanana

Esai 63:17

Ơ Yàng Jehôwa, ñchi bơh tài Kơnràñ lòi bol hi lòt tìs nrah ngài bơh di gùng Kơnràñ dê, mơ lơh kơldang nùs bol hi dê tian gơs bol hi ò ki ngàm di Kơnràñ taih? Dan Yàng rê wơl, tài bơh ală cau duh broă Kơnràñ dê, tài bơh ală jơi bơtiàn la phan jơtài Kơnràñ dê.

Mathiơ 12:15

Yàng Jesu git bơta hơ̆ gen pleh lòt bơh tềng hơ̆. Gơs oă cau lòt jat Kơnràñ, Kơnràñ sơmbòi jơh tơl nă,

Mathiơ 15:17

Bol mê òhềt wă lah phan lơi mut tòm bơr gen mù tòm kơndul, mơ lik di tiah ò ơ?

Mathiơ 16:7

Bol khai bơyai bal lah: “Hơ̆ la tài bơh bol he ò cèng piang lă.”

Jơnau Niam Jat Mak 16:14

Tơnơ̆ tai, Yàng Jesu tơlik să mơ jơt dùl nă cau bơtê tòm tŭ bol khai nggui sào, Kơnràñ lah pơrhơng bol khai bơh bơta ò dòn mơ nùs kră kơldang, tài bơh bol khai ò dòn ală cau neh gŏ Kơnràñ tơnơ̆ mơ tŭ Kơnràñ kis wơl.

Jơnau Niam Jat Mak 2:8

Tòm hwềng nùs Yàng Jesu git bol khai bơyai bal behơ̆, gen đơs mo lah: “Ñchi bơh tài bol mê kơlôi is tòm nùs behơ̆ taih?

Jơnau Niam Jat Mak 3:5

Tŭ hơ̆ Kơnràñ sền làm di bol khai, gơjrañ mơ moat tài bơh nùs bol khai kră kơldang mơ tìs nrah, lồc behơ̆ Kơnràñ đơs mơ cau klau lah: “Pò tĕ tê mê dê.” Gen khai pò tê mơ gơ bòi.

Jơnau Niam Jat Mak 6:52

bơh ò git wă loh làng bơta krơi bơh ală piang lă, ai pram rbô nă cau sa, tài bơh nùs bol khai gam kră kơldang.

Jơnau Niam Jat Mak 8:16

Bol khai bơyai bal lah: “Hơ̆ la bơh bol he ò gơs piang lă.”

Luka 24:25

Tŭ hơ̆ Yàng Jesu đơs lah: “Ơ cau bơrngơl gơla, gơs nùs òbat dòn jơh ală jơnau cau gơnoar hwơr neh đơs.

Jang 16:30

Tŭ do bol hi git lah Kơnràñ git jơh ală bơta, ò càng cau lơi lùp Kơnràñ; bơh hơ̆ bol hi dòn lah Kơnràñ lik bơh di Yàng Tom Trồ”

Jang 21:17

Kơnràñ đơs tai mơ khai dơ̆ pe lah: “Ơ Simôn, kòn Jôna, mê gơboh di Añ sơl?” Pier moat jrùng bơh Kơnràñ đơs tai mơ khai dơ̆ pe: “Mê gơboh di Añ sơl?” Gen khai đơs lah: “Ơ Yàng, Kơnràñ git jơh ală bơta, Kơnràñ git lah añ gơboh di Kơnràñ.” Yàng Jesu đơs lah: “Ròng siam tĕ ală belàt Añ jê.

Yal Tơlik 2:23

Añ rơp tơnchơt ală kòn khai dê. Jơh ală Hìu Jum Goh rơp git Añ la Bơtau sền sơwì tòm nùs nhơm mơ tòm bơta kơlôi sơnơng, mơ Añ rơp sal wơl kòp nă bol mê in jat be ală broă bol mê dê.