Jơnau Niam Jat Mak 13:9 - Sră Goh 2018

⁹ Ai bol mê gen kơrhia tĕ să he, bơh bol khai rơp bơtào bol mê tòm Mpồl Kwang Tơrña, pù lơh bol mê tòm ală hìu jum; mơ tài bơh Añ tàng bol mê rơp ntào di đap ală cau kwang đơng lơgar mơ ală cau bơtau nàng lơh cơng bol khai in.

Jơnau Niam Jat Mak 13:9 Mawu Ofanana

Mathiơ 5:22

Mơya Añ đơs mơ bol mê: Dilah cau lơi gơjrañ dê oh mi he, gen ò rgơi pleh dê bơta cahrña; cau lơi wàc oh mi he, gen ò rgơi pleh di Mpồl Kwang Tơrña; ai cau lơi lah sơrpah oh mi he, gen ò rgơi pleh di ồs brah tìng.

Jơnau Niam Jat Mak 1:44

“Bañ yal jơnau hơ̆ mơ cau lơi, mơya lòt tĕ sơnio să mê mơ cau gơnoar ơn phan duh khoai; mơ bơh mê neh geh goh, gen ơn tĕ phan be Môise neh sồr nàng lơh cơng bol khai in.”

Jơnau Niam Jat Mak 13:5

Gen Yàng Jesu đơs lah: “Kơrhia tĕ, rngòt gơs cau pơrlồm bol mê tìs nrah mòn.

Jơnau Niam Jat Mak 13:8

Bơh làng bol do rơp bơtào tòmsò mơ làng bol ne, lơgar do tòmlơh mơ lơgar ndai. Oă tiah rơp gơs lơnggơr ù mơ jơgloh rung. Ală bơta hơ̆ mìng la bồ dà bơta jê sồt bòl glar dê.

Jơnau Niam Jat Mak 6:11

Tiah lơi cau ò bài wă rò bol mê mơ ò bài iat jơnau bol mê dê, tòm tŭ lik bơh hơ̆, gen rtuh tĕ thul bơh di jơng bol mê dê nàng lơh cơng tơrwơl di bol khai.”

Luka 9:5

Dilah cau lơi ò wă rò bol mê, gen tòm tŭ lik bơh ƀòn dờng hơ̆, rtuh tĕ thul bơh di jơng bol mê nàng lơh cơng pơrlơ̆ di bol khai.”

Jang 15:20

Kah tĕ jơnau Añ neh đơs mơ bol mê: ‘Cau dĭ ò dờng rlau mơ cau tòm.’ Dilah bol khai neh kup kơryan Añ, gen kung rơp kup kơryan bol mê sơl; dilah bol khai neh prap gàr jơnau Añ, gen kung rơp prap gàr jơnau bol mê sơl.

Jang 16:2

Bol khai rơp bơtrơh tơlik bol mê bơh di hìu jum; mơ rơp tus di tŭ, dơ̆ cau lơi tơnchơt bol mê, gen tồnlah duh broă Yàng Tom Trồ.

Broă 21:11

Khai tus còp bol hi, gen ai che but Pol dê, cap jơng tê tòm khai dê mơ đơs lah: “Do la jơnau Yàng Hwềng Goh đơs: ‘Tòm Jerusalem cau Juda rơp cap cau gơs che but do behơ̆, mơ bơtào khai tòm tê cau làng bol Bơdìh.’”

Broă 7:54

Ală bol hơ̆ kơno jơnau hơ̆, gen tơk òl gơhào nùs, mơ rkiat sề di Etien.

Broă 9:16

Añ kung rơp ai khai in git oă bơta jê sồt khai pal kong bơh sơnđan Añ.”

Philip 1:29

Tài bơh Yàng Tom Trồ neh ai bơta nđàc ală oh mi in ò di mìng dòn Kơnràñ lơm ò, mơya kung pal kong jê sồt bơh Kơnràñ sơl;

II Tesalônika 1:5

Hơ̆ la cơng tàng loh làng bơh bơta cahrña song ring Yàng Tom Trồ dê, nàng oh mi in geh kòp la di pal ngan mơ lơgar Yàng Tom Trồ, kung bơh lơgar hơ̆ mơ oh mi gam kong bòl glar.

II Jang 1:8

Oh mi pal kơrmap gàr tĕ să he, tồ ò roh tơngai broă bol he dê, mơya rơp dòp geh phan ƀàn wil tơl.

Yal Tơlik 1:9

Añ la Jang, la bi oh mi dê, gơs pơnah bal mơ oh mi tòm bơta rung rài, lơgar Yàng Tom Trồ, mơ tòm bơta kong ơt tòm Yàng Jesu. Añ neh ơm tòm bồt pơlào sơnđan la Patmôs, tài bơh jơnau Yàng Tom Trồ mơ jơnau lơh cơng bơh Yàng Jesu.

Yal Tơlik 2:10

Mê bañ rngòt dê ală bơta bòl glar jê sồt mê mòr kong. Iat tĕ! Cà ràk mòr sơrbì dô êt cau tòm bol mê tòm hìu jàm, nàng bol mê kong lòng; bol mê rơp gơs bơta rung rài tòm jơt ngai. Dòn song tĕ jơl chơt, gen Añ rơp ai bol mê in sơgơn bơtau bơta kis.’

Yal Tơlik 2:13

‘Añ git tiah mê ơm, hơ̆ la tiah gơs sơbàn cà Satan dê, mê kơrmap kơ̆ sơnđan Añ, mê neh ò pơndang sang bơta dòn di Añ, bulah tòm ală ngai hơ̆ cau lơh cơng Añ jê la Antipa, la cau dòn song Añ jê, neh kong tơnchơt digùl oh mi, la tiah cà Satan ơm.