Jơnau Niam Jat Mak 13:11 - Sră Goh 2018

¹¹ Tòm tŭ bol khai hwài cèng bol mê nàng bơtào, gen bañ kơlôi rcang lài jơnau lơi bol mê rơp đơs, mơya đơs tĕ jơnau rơp ai bol mê in tòm jơ hơ̆, bơh ò di bol mê đơs ò, mơya la Yàng Hwềng Goh gơ dê.

Jơnau Niam Jat Mak 13:11 Mawu Ofanana

II Samuel 23:2

Hwềng Yàng Jehôwa dê neh kơnòm di añ mơ đơs; jơnau đơs Kơnràñ dê ơm di lơmpiat añ.

Esai 50:4

Yàng Jehôwa la Yàng Tom Trồ neh ai Añ in dô nơm lơmpiat dô nă cau bơto dê, tồ Añ in git ngui jơnau mbe lơi nàng yò đo cau bòl glar gơplơ̆ nùs. Kơnràñ pơrlai Añ kòp àng drim, Wàs tồr Añ nàng iat kung be dô nă cau geh bơto sồr.

Mathiơ 10:17

Kơrhia tĕ dê cau, bơh bol khai rơp bơtào bol mê di đap Mpồl Kwang Tơrña, mơ pù lơh bol mê tòm ală hìu jum.

Jơnau Niam Jat Mak 13:12

Oh mơ mi rơp bơtào bal nàng tơnchơt bal mơ gơp, bèp rơp bơtào kòn, ală kòn rơp tòmdră mơ mè bèp mơ tơnchơt bol khai.

Jơnau Niam Jat Mak 13:9

Ai bol mê gen kơrhia tĕ să he, bơh bol khai rơp bơtào bol mê tòm Mpồl Kwang Tơrña, pù lơh bol mê tòm ală hìu jum; mơ tài bơh Añ tàng bol mê rơp ntào di đap ală cau kwang đơng lơgar mơ ală cau bơtau nàng lơh cơng bol khai in.

Luka 21:12

Mơya lài mơ tŭ gơs ală bơta hơ̆, cau rơp ai tê kup bol mê mơ kup kơryan bol mê, bơtào tòm hìu jum, tơmut tòm hìu jàm, hwài bol mê tus di đap ală cau bơtau mơ ală cau kwang đơng lơgar tài bơh sơnđan Añ.

Jang 3:27

Jang ho lah: “Dilah ò di bơh đang trồ ai gen ò gơs cau lơi dòp geh bơta lơi.

Broă 2:4

Jơh tơl nă geh bềng lìu Yàng Hwềng Goh, rơp sơntòm đơs ală jơnau đơs lơgar ndai, jat be Yàng Hwềng ai bol khai in đơs.

Broă 3:13

Yàng Tom Trồ Abraham, Isak mơ Jakôp dê, Yàng Tom Trồ ồng pàng bol he dê neh lơh gơklŏ Cau Duh Broă Kơnràñ dê la Yàng Jesu, la Bơtau mơ ală oh mi neh bơtào mơ pơndang sang di đap Pilat, tòm tŭ khai neh lơh nền kòñ hồ Kơnràñ.

Broă 4:31

Tòm tŭ neh jơh hòi dan rau, gen tòm tiah pơjum hơ̆ gơlơnggơr ung; jơh tơl nă geh bềng lìu Yàng Hwềng Goh mơ bơto yal jơnau Yàng Tom Trồ dê dô bă khin cha.

Broă 6:10

Mơya bol hơ̆ ò rgơi tòmdră mơ bơta jak chài khai dê bal mơ Yàng Hwềng Goh sơl la Bơtau ai khai in ală jơnau đơs hơ̆,

Broă 6:15

Jơh ală cau nggui tòm Mpồl Kwang Tơrña sền trol di Etien, gŏ muh mat khai be muh mat dô nă cau gơnrơh dê.

Broă 7:55

Mơya Etien gơs bềng lìu Yàng Hwềng Goh, tơnggòr sền hơđang trồ, gŏ bơta gơklŏ Yàng Tom Trồ dê, mơ Yàng Jesu ntào đah ma Yàng Tom Trồ;

I Kôrintô 2:13

Bol he kung bơto yal ală bơta hơ̆, ò di bơh jơnau bơta jak chài kòn mơnus bơto sồr, mơya bơh jơnau Yàng Hwềng bơto sồr; ngui jơnau đah hwềng nàng yal tơlik ală bơta đah hwềng.

Ephesô 3:5

tòm ală rài yau òhềt geh yal tơlik jơi kòn mơnus in git ală bơta ndơp ndơr, mơya tŭ do Yàng Tom Trồ neh kơnòm dê Yàng Hwềng yal tơlik ală cau gơnoar bơto dờng mơ ală cau gơnoar hwơr sàng goh Kơnràñ in.

Jakơ 1:5

Dilah tòm oh mi gơs cau lơi siơ̆u bơta jak chài, dan tĕ mơ Yàng Tom Trồ, gen Kơnràñ rơp ai, bơh Yàng Tom Trồ la Bơtau ai gòi tơl nă cau in dô bă ơnàng, ò lah pơrhơng cau lơi.

I Pier 1:12

Yàng Tom Trồ neh yal tơlik bol khai in lah, ò duh broă să tòm he in, mơya la duh broă oh mi in; be ală bơta bol khai neh bơto mơ oh mi neh kơno tŭ do, bơh ală cau bơto yal Jơnau Niam oh mi in neh kơnòm di gơnap gơnoar Yàng Hwềng Goh geh sồr bơh đang trồ; do kung la ală bơta mơ cau gơnrơh kung kơp kòñ git wă.