Jơnau Niam Jat Mak 11:13 - Sră Goh 2018

¹³ Kơnràñ gŏ bơh ngài dô đòm chi ƀal gơs nha, gen tus lòng jòi sền gơs plai lơi sơl, mơ dơ̆ neh tus rềp rau gen gŏ gơs mìng nha lơm, bơh tŭ hơ̆ ò di la kơnhai plai ƀal.

Jơnau Niam Jat Mak 11:13 Mawu Ofanana

Esai 5:2

Khai tò ù mơ tă sang jơh ală lŭ, mơ tam tềng hơ̆ ală tòm ño niam rlau jơh. Khai bơt dô nơm theng kơp gàr tòm hơ̆, mơ tò dô nơm trồm pat ño tòm hơ̆. Gen khai kơp gơn gơlik oă plai ño niam, mơya gơ gơlik plai ño brê.

Esai 5:7

Suơn ño Yàng Jehôwa Gơnap Gơnoar Dờng dê, hơ̆ la hìu Israel, mơ làng bol Juda la ală chi tam Kơnràñ kòñ gơboh. Kơnràñ kơp gơn bơta song ngan, mơya neh gŏ bơta lơh gơhòr mhàm; kơp gơn bơta song ring, mơya neh kơno jơnau nggà ñìm jê sồt bòl glar.

Mathiơ 21:19

Kơnràñ gŏ dô tòm chi ƀal di gah gùng, lòt tus rềp mơya ò gŏ plai lơi, mìng nha lơm, gen Kơnràñ đơs mơ gơ lah: “Bơh do jơl hìng nau mê ò gơs tŭ lơi gơlik plai tai ò!” Tŭ hơ̆ chi ƀal ro mo.

Jơnau Niam Jat Mak 11:12

Àng drim ngai tơnơ̆, tòm tŭ bol khai neh lik bơh Bethani rau, gen Yàng Jesu jơgloh.

Jơnau Niam Jat Mak 11:14

Gen Yàng Jesu ai jơnau đơs mơ gơ lah: “Bơh do jơl hìng nau ò gơs tŭ lơi cau sa plai mê dê tai ò!” Ală Cau bơtê kơno jơnau hơ̆.

Luka 10:31

Gơs dô nă cau gơnoar ơn phan duh khoai kung lòt tòm gùng hơ̆, gŏ cau hơ̆ gen pleh đah ne mơ lòt gan.

Rutơ 2:3

Behơ̆ khai lòt mơ khai neh tus dòñ kòi tòm ƀlàng sre, jat bơh ngkòi ală cau toès. Tŭ hơ̆ khai dòñ kòi tòm sre gơrê bal mơ Bôô, tòm mpồl hìu nhă Elimelek dê.

I Samuel 6:9

Mơya kơp sền tĕ, dilah gơ lòt guh hơ đah lơgar tòm gơ dê hơ̆ la đah Bet Semes, gen hơ̆ la Yàng Jehôwa neh đùh bơta rung rài dờng do hơđang bol he. Mơya dilah ò di behơ̆ gen bol he rơp git la ò di tê Kơnràñ neh lơh glài bol he, bơta hơ̆ neh tus is gơ dê lơm.”