Jơnau Niam Jat Mak 1:13 - Sră Goh 2018

¹³ Kơnràñ ơm tòm ƀlàng ngềt ngơt hơ̆ poan jơt ngai, kong cà Satan ơniai, ơm bal mơ ală phan poan jơng tòm brê, mơ gơs ală cau gơnrơh duh broă Kơnràñ.

Jơnau Niam Jat Mak 1:13 Mawu Ofanana

Lik Ejiptơ 24:18

Môise guh hơđang mơnơm gen khai mut tòm mhwal. Mơ khai ơm hơđang mơnơm tòm poan jơt ngai mơ poan jơt mang.

Lik Ejiptơ 34:28

Môise ơm tềng hơ̆ bal mơ Yàng Jehôwa tòm poan jơt ngai mơ poan jơt mang, ò sa piang lă hala hùc dà. Mơ Yàng Jehôwa cih hơđang ală mpàn lŭ ală jơnau bơta ho bal dê, hơ̆ la Jơt Bơta Sồr Lam.

Mathiơ 26:53

Mê kơlôi lah Añ ò rgơi dan mơ Bèp Añ, gen Kơnràñ sồr mo rlau jơt bàr mpồl cau gơnrơh tus mơ Añ ò ơ?

Mathiơ 4:1

Tŭ hơ̆, Yàng Hwềng lam Yàng Jesu tus tòm ƀlàng ngềt ngơt, nàng kong cà ràk ơniai.

Luka 4:1

Yàng Jesu bềng lìu Yàng Hwềng Goh, bơh hiòng Jordan rê wơl, gen geh Yàng Hwềng lam tus hơ ƀlàng ngềt ngơt,

Yal Wơl 9:11

Tus di lồi poan jơt ngai mơ poan jơt mang gen Yàng Jehôwa neh ai añ in bàr nơm mpàn lŭ, la ală mpàn lŭ bơta ho bal dê.

Yal Wơl 9:18

Lồc behơ̆, dô dơ̆ tai añ cùn khoai di đap Yàng Jehôwa tòm poan jơt ngai mơ poan jơt mang; añ ò sa piang lă kung ò hùc dà sơl, tài bơh jơh ală bơta tồi glài mơ bol mê neh lơh tìs, lơh bơta iơh bơsak di đap mat Yàng Jehôwa mơ bơrcek Kơnràñ gơhào gơjrañ.

Yal Wơl 9:25

Añ cùn khoai di đap Yàng Jehôwa tòm poan jơt ngai mơ poan jơt mang hơ̆, tài bơh Yàng Jehôwa neh đơs lah Kơnràñ rơp tơnroh bol mê.

I Timôthe 3:16

Cau lơi kung dòp lah bơta ndơp ndơr bơta duh rngòt dê la dờng ngan: Bơtau neh geh yal tơlik tòm poac să, Neh geh Yàng Hwềng kòp la song ring, Neh geh cau gơnrơh sền gŏ, Neh geh bơto yal ală làng bol in, Neh geh dunnia dòn dòp, Neh geh cèng tơngguh tòm bơta gơklŏ.

Hebrơ 4:15

Bơh bol he ò gơs cau gơnoar dờng lam bồ ơn phan duh khoai ò rgơi git làm bơta lơbơn lơño bol he dê, mơya bol he gơs dô nă cau gơnoar dờng lam bồ ơn phan duh khoai neh kong ơniai tòm jơh ală bơta, kung be bol he mơya ò tìs glài.