Jôna 2:9 - Sră Goh 2018

⁹ Ală cau duh khoai ală yàng rùp ràk ò kwơ, sang lòi bơta dòn song song ngan bol khai dê.

Jôna 2:9 Mawu Ofanana

Sơnròp Gơlik Gơs 35:3

Gen bol hi ñă, lòt tus hơ Betel, tềng hơ̆ añ rơp lơh dô nơm cơnòng duh khoai Yàng Tom Trồ in, la Bơtau neh ho jơnau añ dan, tòm tŭ añ tìp bơta bòl glar, mơ neh ơm bal mơ añ tòm tŭ lòt gùng.”

II Samuel 15:7

Lồi poan nam Apsalôm đơs mơ cau bơtau lah: “Dan ai gơnoar añ in lòt tus hơ Hebrôn nàng tơm sir jơnau ho mơ añ neh ho mơ Yàng Jehôwa.

Sră Jop 22:27

Ồng rơp hòi dan mơ Kơnràñ, Kơnràñ rơp iat ồng, Mơ ồng rơp tơm sir ală jơnau ho pơgon ồng dê.

Đơs Crih 107:22

Lòi bol khai ơn phan duh khoai ưnngài Yàng, Mơ ai bơta đơs chò hòn chò tồ yal ală broă Kơnràñ dê!

Đơs Crih 27:1

Yàng Jehôwa la Bơtau ai bơta àng mơ la bơta dong klàs añ jê. Añ rơp rngòt dê ñcau taih? Yàng Jehôwa la tiah kìng crŭ kơ̆ cê bơta kis añ jê. Añ rơp rngòt dê ñcau taih?

Đơs Crih 3:8

Bơta dong klàs gơrê bal mơ Yàng Jehôwa, Dan bơta lơngai Kơnràñ dê mù hơđang làng bol Kơnràñ dê.

Đơs Crih 50:14

Ai tĕ bơta ưnngài lơh gơs phan ơn duh khoai Yàng Tom Trồ in, Mơ tơm bơta ho pơgon mê dê Bơtau Hơđang Rlau Jơh in.

Đơs Crih 50:23

Cau lơi ai bơta ưnngài lơh gơs phan ơn duh khoai la dòn duh Añ; Ai cau lơi lòt jat gùng song, Añ rơp sơnio khai in bơta dong klàs Yàng Tom Trồ dê.

Đơs Crih 68:20

Yàng Tom Trồ bol hi dê la Yàng Tom Trồ dong klàs bol hi, kơnòm di Jehôwa Yàng Tom Trồ mơ jơi kòn mơnus pleh klàs bơh di bơta chơt.

Đơs Crih 95:2

Bol he ai tĕ jơnau ưnngài mơ lòt tus di đap Yàng; Bol he ai tĕ jơnau ntas dờng hòn chò mơ đơs chò jòng ro Kơnràñ!

Esai 45:17

Mơya Israel rơp geh Yàng Jehôwa dong klàs, mơ bơta dong klàs gam sùm sùm ò lồi; Mê rơp ò tŭ lơi gơkòl tòm bơta ƀàssìl hala gơkòl sền òsơp jơl tus jơh ală rài.

Jeremi 33:11

gen cau rơp kơno sap driau chò mơ hòn chò, sap cau bơrtơu pa mơ sap cau ƀan pa, sap ală cau đơs chò kung be bol khai cèng phan ơn pơdơng tòm hìu Yàng Jehôwa dê: “Ưnngài tĕ Yàng Jehôwa Gơnap Gơnoar, Bơh Yàng Jehôwa la niam, Bơta kòñ gơboh kơ̆ dơn Kơnràñ dê gam sùm sùm!” Bơh Añ rơp bơtào wơl lơgar do in be lài òr,’ Yàng Jehôwa đơs behơ̆.

Sră Ôse 14:2

Bol mê ai tĕ jơnau đơs mơ rê wơl hơ Yàng Jehôwa; đơs tĕ mơ Kơnràñ lah: “Dan toh jơh ală bơta tồi glài bol hi dê; mơ dòp rò tĕ bơta lơi la niam, behơ̆ bol hi rơp ơn jơnau jòng ro bơh sơndồi bol hi ala kơnrồ dam.

Jang 4:22

Bol ai duh khoai bơtau bol ai ò git, bol hi duh khoai Bơtau bol hi git, tài bơh bơta dong klàs tus bơh cau Juda.

Broă 4:12

Ò gơs bơta dong klàs tòm bơtau lơi ndai ò; bơh ơm tòm tiah trồ do, ò gơs sơnđan lơi ndai tai Yàng Tom Trồ ai jơi kòn mơnus in, tồ bol he in kơnòm tềng hơ̆ nàng geh dong klàs.”

Rôma 12:1

Behơ̆, ơ oh mi, añ ai ală bơta kòñ nđàc Yàng Tom Trồ dê nàng bơto tơngkah oh mi ơn tĕ să jan he lơh gơs phan ơn duh khoai kis mơ sàng goh, niam nùs Yàng Tom Trồ, hơ̆ la bơta duh khoai di ngan oh mi dê.

Yal Wơl 23:18

Bol mê bañ cèng jền cau ùr dri hala cau klau dri lơh gơs mơ tơmut gơtòm hìu Jehôwa Yàng Tom Trồ bol mê dê nàng tơm dô jơnau srat să ho nền lơi, tài bơh Jehôwa Yàng Tom Trồ bol mê dê cù kìr di bàr bơta jền tơngai hơ̆.

Hebrơ 13:15

Behơ̆ bol he kơnòm tĕ di Yàng Jesu, mơ kư̆ ơn sùm phan ơn duh khoai la jơnau jòng ro Yàng Tom Trồ bơh bơr sơndồi yal tơlik sơnđan Kơnràñ la Yàng.

Yal Tơlik 7:10

mơ hòi driau dờng lah: “Bơta dong klàs gơrê bal mơ Yàng Tom Trồ bol he dê, la Bơtau nggui hơđang sơbàn, mơ gơrê bal mơ Belàt Kòn.”

I Samuel 12:21

Bañ wèt jat ală rùp ràk ò kwơ; bol gơ ò lơh bơta lơi niam bol mê in, hala dong tă bol mê, tài bơh bol gơ la ò kwơ.