Jôna 2:2 - Sră Goh 2018

² Bơh tòm kơndul ka Jôna neh hòi dan mơ Jehôwa Yàng Tom Trồ khai dê.

Jôna 2:2 Mawu Ofanana

II Yal Yau 33:12

Tòm bơta bòl glar kalke khai dê, khai jòi jat bơta nđàc sơngit Jehôwa Yàng Tom Trồ khai dê mơ jơh nùs tơnliah să khai di đap Yàng Tom Trồ ală ồng pàng khai dê.

Đơs Crih 116:3

Bơta chơt be dă pơt gùt dar añ, añ gơtìp bơta jê sồt lơgar Làng ƀồc dê; Añ kong bơta bòl glar mơ bơta moat jrùng ò git lơh.

Đơs Crih 120:1

Tòm tŭ jê sồt bòl glar añ rac dan mơ Yàng Jehôwa, Gen Kơnràñ ho jơnau añ.

Đơs Crih 16:10

Bơh Yàng rơp ò sang hwềng soàn añ tòm lơgar Làng ƀồc, Kung ò lòi cau dòn song Yàng dê gŏ bơtô ƀồc.

Đơs Crih 22:24

Bơh Kơnràñ ò di sền òsơp, ò di sền ngkòr ngkàc di bơta dồn sa cau dồn sa dê. Kơnràñ kung ò pồn mat di khai, Mơya tòm tŭ khai hòi dan mơ Kơnràñ, gen Kơnràñ dòp jơnau.

Đơs Crih 34:6

Cau dồn sa rƀah do hòi dan, gen Yàng Jehôwa dòp jơnau khai dê, Mơ dong khai klàs di jơh ală bơta bòl glar khai dê.

Đơs Crih 4:1

Ơ Yàng Tom Trồ la bơta song ring añ jê, tòm tŭ añ hòi dan, dan ho jơnau añ jê. Tòm tŭ añ gơtìp bơta bòl glar, Kơnràñ ơn añ tòm tiah dờng ơnàng. Dan kòñ nđàc di añ mơ iat jơnau hòi dan añ jê.

Đơs Crih 61:2

Tòm tŭ añ bòl glar òsô, bơh di tiah lồi dut plai ù añ hòi dan mơ Kơnràñ. Dan lam añ tus hơ lŭ klềr jơnhoa rlau mơ añ,

Đơs Crih 65:2

Ơ Bơtau iat jơnau hòi dan, Jơh ală kòn mơnus rơp lòt tus hơ Kơnràñ.

Đơs Crih 86:13

Bơh bơta kòñ gơboh kơ̆ dơn Yàng dê gơwèt mơ añ la dờng ngan; Yàng neh dong tă hwềng soàn añ klàs bơh tiah jrô lơgar Làng ƀồc dê.

Esai 14:9

Lơgar làng ƀồc hơđơm jrô neh rcang nggồr nggàc nàng tìp mat mê tòm tŭ mê tus, gơ pơrlai hwềng ală cau làng ƀồc nàng wă rò mê, hơ̆ la ală cau bơtau ală lơgar; gơlơh bol khai in ñă ntào bơh di sơbàn bol khai dê, jơh ală cau bơtau ală lơgar dê.

Ñìm Rac 3:55

“Ơ Yàng Jehôwa, añ hòi di sơnđan Kơnràñ bơh di tiah trồm jrô.

Ejekiel 26:20

gen Añ rơp tơmù mê bal mơ ală cau mù tòm brong jrô, tus mơ làng bol yau òr. Añ rơp lơh mê in ơm sùm tòm tiah liah hơđơm ù, kung be ală tiah kong tơnroh bơh yau òr, bal mơ ală cau mù tòm brong jrô, mơ mê ò geh rê wơl ơm tòm ù tiah cau kis dê.

Ejekiel 31:14

Behơ̆, bơh tŭ do ò gơs tòm chi lơi hòn di gah dà rgơi hòn dờng jơnhoa, hala ơn cồng gơ digùl ală mhwal, mơ ò gơs chi geh tuh oă dà behơ̆ rgơi guh tus hơ tiah jơnhoa behơ̆. Jơh ală bol gơ neh kòl jào bơta chơt in tòm tiah hơđơm plai ù, bal mơ kòn mơnus, bal mơ ală cau hơ̆ mù tòm trồm jrô.’

Mathiơ 12:40

Be Jôna neh ơm tòm kơndul ka dờng tòm pe ngai mơ pe mơnang, Kòn mơnus kung rơp ơm tòm kơnàng ù tòm pe ngai mơ pe mơnang behơ̆ sơl.

Luka 11:10

Bơh dilah cau lơi dan gen geh, cau lơi jòi gen bàn, mơ cau lơi teh gen geh pò khai in.

Luka 22:44

Tòm bơta jê sồt bòl glar ngan Kơnràñ hòi dan sơlo rac ròc, kơlhề gơlik gơs be ntòc mhàm dờng rung di tiah.]

Broă 2:27

Tài bơh Yàng ò sang hwềng soàn añ tòm lơgar Làng ƀồc, Kung ò ai Bơtau sàng goh Kơnràñ dê gŏ bơta ồm lề ò.

Hebrơ 5:7

Yàng Jesu Krist tòm tŭ gam kis hơđang ù, neh hòi driau dờng, ñìm rac nàng hòi dan mơ rac dan mơ Yàng Tom Trồ la Bơtau rgơi dong tă Kơnràñ bơh bơta chơt, mơ bơh nùs duh rngòt song ngan Kơnràñ dê, gen geh Yàng Tom Trồ dòp jơnau.

I Samuel 1:16

Bañ sền di cau dĭ ùr ồng dê be dô nă cau ùr ơlă ơlai; bơh añ pal yal tơlik bơta dơrcul mơ moat jrùng dờng ngan añ jê tòm tŭ do.”

I Samuel 30:6

Dabit ơm tòm bơta sơbơng roh ngan, tài bơh ală làng bol tòmbơyai cơm lŭ di khai, bơh bol khai sràt bơtang ngan tòm nùs tài bơh ală kòn klau mơ ală kòn ùr bol khai dê. Mơya Dabit geh pràn kơldang tòm Jehôwa Yàng Tom Trồ khai dê.