Jôel 3:8 - Sră Goh 2018

⁸ Añ rơp tac ală kòn klau mơ ală kòn ùr bol mê dê ală cau Juda in, mơ ală cau Juda rơp tac bol khai cau Seba in, la làng bol ơm tòm tiah ngài ngan.” Yàng Jehôwa neh đơs behơ̆.

Jôel 3:8 Mawu Ofanana

Sră Jop 1:15

gen cau Seba brồ tus tòmpìt jơh, mơ ai đào sreh tơnchơt ală cau duh broă, mìng dô nă añ geh klàs nàng yal ồng in.”

Đơs Crih 72:10

Dan lòi cau bơtau Tarsi mơ cau bơtau ală bồt pơlào dê boh dia khai in, Lòi bơtau Saba mơ Seba cèng phan ai gòi khai in.

Esai 60:14

Ală kòn sau ală cau rồn bơklơn mê rơp tus kun tơnliah di đap mê; jơh ală cau sền òsơp di mê rơp cùn khoai di jơng mê, mơ mê rơp geh sơnđan la Ƀòn Dờng Yàng Jehôwa dê, la Siôn gơrê mơ Bơtau Sàng Goh Israel dê.

Jeremi 30:16

Gen tàng ală cau loan mê rơp kong loan; Jơh ală cau sò tơm mê, kòp nă rơp kong kup cèng gơs dĭ; Ală cau phà kơñau bol mê rơp kong phà kơñau, Ai ală cau ơn dòm mê, Añ kung rơp lơh khai in kong ơn dòm.’

Jeremi 6:20

Behơ̆, ñchi kwơ cèng kơlhô tus bơh Seba Añ in, Chi ƀô lơngồt tus bơh lơgar ngài? Phan ơn chu bol mê dê ò geh dòp, Phan ơn pơdơng bol mê ò niam nùs Añ.”

Ejekiel 23:42

Ntas ur ur bơh mpồl oă cau ală alai ơm gùt dar khai; ală cau Sabe bal mơ ală cau ò dă ò diơng, geh cèng tus bơh tòm ƀlàng ngềt ngơt, bol khai tơndò kòng di tê cau ùr mơ oh ùr khai dê mơ tơndau sơgơn hàng mơnĕ hơđang bồ bol khai.

Ejekiel 38:13

Seba mơ Dedan mơ ală cau kă bro Tarsi dê bal mơ jơh ală ƀòn dềt bol khai dê, rơp đơs mơ mê lah: ‘Mê neh tus nàng phà kup sơl ơ? Mê neh pơjum mpồl ling mê dê nàng tòmpìt, nàng tă cèng priă mơ màh, nàng kơñau ală phan poan jơng mơ phan mơna, mơ ai oă phan phà kup sơl ơ?’

Yal Wơl 32:30

Dô nă cau mbe rgơi ting bơtrơh dô rbô nă, hala bàr nă cau mbe rgơi ting bơtrơh jơt rbô nă ntoat dô; mìng dilah Pơnai Lŭ bol khai dê neh tac bol khai, mơ Yàng Jehôwa neh sang lòi bol khai?

Ală Kwang Cahrña 2:14

Behơ̆, bơta gơjrañ Yàng Jehôwa dê neh gơhào khuh tòmdră mơ Israel, Kơnràñ lòi bol khai gơkòl phà kơñau tòm tê ală cau phà kơñau bol khai, mơ tac bol khai tòm gơnoar ală cau sò tơm ai phan mơna bol khai dê. Kơnràñ tac bol khai tòm gơnoar ală cau sò tơm ơm gùt dar bol khai; gen tàng bol khai ò rgơi ntào jai tòmdră mơ ală cau sò tơm bol khai dê.

Ală Kwang Cahrña 4:2

Behơ̆ Yàng Jehôwa tac bol khai tòm tê Jabin bơtau Kanaan at bồ tòm Hajor. Cau kwang at bồ mpồl ling khai dê la Sisera ơm tòm Harôset Hagôim.

Ală Kwang Cahrña 4:9

Gen Debôra đơs lah: “Di sơl, añ rơp lòt bal mơ mê, mơya tòm gùng lòt tòmlơh do, bơta gơklŏ ò gơrê mơ mê, bơh Yàng Jehôwa rơp jào Sisera tòm tê dô nă cau ùr.” Gen Debôra ñă lòt bal mơ Barak tus hơ Kades.