Jôel 3:5 - Sră Goh 2018

⁵ Bơh bol mê neh ai priă mơ ai màh Añ jê, neh cèng phan kas màng Añ jê tơmut tòm ală hìu bơmồng bol mê dê.

Jôel 3:5 Mawu Ofanana

II Ală Bơtau 12:18

gen Jôas, bơtau Juda, ai jơh ală phan ơn Jôsaphat dê, Jôram mơ Acasia, ală ồng pàng khai dê, la bơtau Juda, neh ơn is sàng goh, bal mơ ală phan goh he dê, mơ jơh ală màh tòm đam jàr hìu duh khoai Yàng Jehôwa dê bal mơ tòm gơlang bơtau sơl, mơ pơyoa Hajael in, bơtau Aram; gen tàng Hajael neh lik bơh Jerusalem.

II Ală Bơtau 16:8

Ahas kung ai màh mơ priă tòm hìu duh khoai Yàng Jehôwa mơ tòm đam jàr gơlang bơtau, pơyoa lơh gơs phan ơn bơtau Asiri in.

II Ală Bơtau 24:13

Nebukatnessar tùng cèng jơh ală phan kas màng tòm hìu duh khoai Yàng Jehôwa mơ ală phan kas màng tòm gơlang bơtau dê, khai pòng bơcah jơh ală phan ngui mơ màh tòm hìu Yàng Jehôwa dê mơ Salômôn, bơtau Israel neh lơh, jơh ală bơta do neh gơlik tòm toh be jơnau Yàng Jehôwa neh yal.

Esai 11:11

Tòm ngai hơ̆, Yàng Jehôwa rơp pò tê Kơnràñ dê dô dơ̆ tai nàng dòp wơl mpồl làng bol gam wơl Kơnràñ dê, bơh di Asiri, bơh Ejiptơ, bơh Patros, bơh Ethiôpi, bơh Elam, bơh Sinar, bơh Hamat, mơ bơh di ală bồt pơlào tòm dàlềng.

Jeremi 23:7

Yàng Jehôwa đơs: “Behơ̆ gen ală ngai tus, tŭ hơ̆ cau ò gam đơs lah: ‘Ngan kung be Yàng Jehôwa kis gam sùm sùm, la Bơtau neh cèng làng bol Israel lik klàs bơh lơgar Ejiptơ.’

Jeremi 50:28

Iat tĕ sap đơs ală cau ntoat dô, la sap ală cau neh dô klàs bơh lơgar Babilôn, nàng yal tơlik tòm Siôn bơta sal tê Yàng Jehôwa Yàng Tom Trồ bol he dê, sal tê bơh hìu duh khoai Kơnràñ dê.

Jeremi 51:11

Mòn sơmplàñ tĕ kam, tơmbềng tĕ ding kam! Yàng Jehôwa neh chồl nùs ală cau bơtau tòm Medi, bơh Kơnràñ neh lơh nền tơnroh Babilôn. Bơh do la bơta sal tê Yàng Jehôwa dê, Kơnràñ sal tê bơh hìu duh khoai Kơnràñ dê.

Ejekiel 37:12

Behơ̆, đơs hwơr tĕ mơ đơs mơ bol khai lah: ‘Jehôwa Yàng Tom Trồ đơs lah: Ơ làng bol Añ jê, Añ rơp pò ală bơtô ƀồc bol mê dê, mơ cèng tơngguh bol mê bơh di tiah hơ̆; Añ rơp cèng bol mê rê wơl tòm lơgar Israel.

Daniel 11:38

Khai ò dòn duh ală yàng hơ̆, mìng dòn duh yàng ală ƀòn dờng kơp gàr dê; khai rơp ai màh, priă, lŭ màng, mơ ală phan ơn kas màng nàng dòn duh yàng mơ ồng pàng khai ò git.

Apdia 1:17

Mơya hơđang mơnơm Siôn rơp gơs ală cau geh klàs, mơ gơ rơp la sàng goh; mơ hìu Jakôp dê rơp dòp geh sre brê bơh ală cau neh tă ai gơ.