Jôel 3:2 - Sră Goh 2018

² Añ rơp pơjum bal jơh ală làng bol, mơ cèng bol khai mù tòm thòng Jehôsaphat, Añ rơp cahrña bol khai tềng hơ̆, sơwì làng bol Añ jê mơ sre brê Añ jê cau Israel, tài bơh bol khai neh lơh nrah nring làng bol Israel digùl ală lơgar. Bol khai neh tòmpà ù tiah Añ jê,

Jôel 3:2 Mawu Ofanana

II Yal Yau 20:26

Tòm ngai poan, bol khai pơjum bal tòm thòng Beraka, tềng hơ̆ bol khai jòng ro Yàng Jehôwa. Tài bơh hơ̆ tàng bol khai sơnđan thòng hơ̆ la Beraka jơl tus di ngai do.

Esai 66:16

Yàng Jehôwa rơp ai ồs lơh gơs bơta cahrña Kơnràñ dê; mơ đào hơđang jơh ală poac să, mơ oă ngan cau rơp kong sreh tơnchơt bơh Yàng Jehôwa.

Esai 66:18

Bơh Añ git ală broă lơh bol khai dê mơ ală bơta kơlôi sơnơng bol khai dê; Añ rơp tus mơ pơjum tơrgòm jơh ală làng bol mơ ală jơnau đơs; bol khai rơp tus mơ gŏ bơta gơklŏ Añ jê.

Jeremi 12:14

Yàng Jehôwa đơs be do: “Ală cau gơp ƀòn iơh Añ jê, la cau tòmpìt sre brê mơ Añ neh ai làng bol Añ in, la Israel, lơh gơs phan jơtài: Añ rơp dus bol khai bơh digùl ù tiah bol khai dê, mơ rơp dus hìu Juda bơh digùl bol khai.

Jeremi 25:31

Jơnau nggồr rơp tus làm plai ù; bơh Yàng Jehôwa lơh nền glài tòmdră mơ ală lơgar, Bơh Yàng Jehôwa cahrña jơh ală poac să, mơ ală cau tìs glài Kơnràñ phi pềs tà in.’ Yàng Jehôwa đơs behơ̆.

Jeremi 49:1

Bơh kòn sau Ammôn, Yàng Jehôwa đơs be do: “Israel ò gơs kòn klau ơ? Ò gơs cau pơrdòn jơtài ơ? Gen ñchi bơh tài Milkôm ai Gat lơh gơs sre brê, mơ làng bol khai ơm tòm ală ƀòn Gat dê taih?”

Jeremi 50:17

Israel la dô mpồl belàt tìs nrah, gơkòl klìu triă ting jat. Lài ngan bơtau Asiri neh brồ kup sa loan gơ; lồi dut Nebukatnessar, bơtau Babilôn, neh kơnjah ntìng gơ.”

Ejekiel 25:8

Jehôwa Yàng Tom Trồ đơs be do: “Tài bơh Môap mơ Seir neh đơs lah: ‘Sền ne, hìu Juda neh gơlik gơs kung be jơh ală lơgar ndai,’

Ejekiel 34:6

Belàt Añ jê lòt nrah nring, bol gơ lòt lềng làng hơđang jơh ală mơnơm mơ tòm kòp nơm dòr jơnhoa, belàt Añ jê gơprah gơpring hơđang làm jơh plai ù, ò gơs dô nă cau lơi jòi, ò gơs cau jat bol gơ.’

Ejekiel 35:10

Tài bơh mê neh đơs lah: “Bàr làng bol hơ̆ mơ bàr nơm lơgar hơ̆ rơp gơrê bal mơ bol hi, mơ bol hi rơp dòp bol gơlơh gơs phan tòm,” bulah Yàng Jehôwa neh ơm tềng hơ̆;’

Ejekiel 36:1

Ơ kòn mơnus, đơs hwơr tĕ bơh ală mơnơm Israel dê mơ đơs lah: “Ơ ală mơnơm Israel, iat tĕ jơnau Yàng Jehôwa dê!

Ejekiel 36:5

Gen tàng Jehôwa Yàng Tom Trồ đơs be do: ‘Añ neh đơs tòm bơta ƀoah pơrhiat dờng Añ jê, tòmdră mơ ală làng bol gam wơl, tòmdră mơ jơh Edôm, la ală cau neh jơh nùs hòn chò sền òsơp, neh tòmpìt ù tiah Añ jê lơh gơs phan tòm bol khai dê, nàng tòmpìt ai ƀlàng ñhơt gơ dê.’

Ejekiel 38:22

Añ rơp ngui bơta kòp jê pluh plàng mơ bơta gơhòr mhàm nàng cahrña tòmdră mơ khai; Añ rơp dùh mìu dờng, mìu piar, mơ ồs siau sa roh hơđang khai, hơđang ală mpồl ling khai dê, mơ hơđang ală làng bol lòt bal mơ khai.

Ejekiel 39:11

“‘Tòm ngai hơ̆, Añ rơp ai Gok in dô bă tiah tơp ƀồc tòm Israel, tòm thòng ală cau lòt gùng hơ đah mattơngai lik tus hơ dàlềng. Tiah tơp ƀồc hơ̆ rơp kơryan ală cau lòt gùng tài bơh Gok mơ jơh ală mpồl làng bol khai dê rơp tơp tềng hơ̆. Behơ̆ gơ rơp geh sơnđan la Thòng Hamon Gok dê

Jôel 3:12

Lòi tĕ ală làng bol ñă ntào, lòi tĕ bol khai lòt tus tòm thòng Jehôsaphat, bơh tềng hơ̆ Añ rơp nggui nàng cahrña jơh ală làng bol ơm gùt dar.

Jôel 3:14

Oă ngan làng bol, oă ngan làng bol tòm thòng bơta lơh nền! Bơh ngai Yàng Jehôwa neh tus rềp tòm thòng bơta lơh nền.

Amôs 1:11

Yàng Jehôwa đơs be do: “Bơh tồi glài Edôm dê, oă rlau mơ pe, poan dơ̆, Añ rơp ò jùt sang bơta lơh glài Añ jê, tài bơh khai neh ting jat oh mi he mơ đào, sang lòi jơh ală bơta kòñ nđàc, khai prap lòi bơta gơjrañ sùm sùm, mơ prap gàr bơta gơjrañ kơuềng khai dê ò jơh.

Mice 4:12

Mơya bol khai ò git bơta kơlôi sơnơng Yàng Jehôwa dê, bol khai ò wă wơng bơta rơndap Kơnràñ dê, bơh Kơnràñ neh tơrgòm bol khai kung be ală cap kòi cèng tòm làn pơrjòt kòi.

Sôphôni 3:8

Gen tàng, Yàng Jehôwa đơs lah: “Kơp gơn tĕ Añ, jơl tus ngai Añ rơp ñă ntào nàng lơh cơng sơnio glài. Bơh Añ neh lơh nền pơjum tơrgòm ală làng bol mơ pơjum bal ală lơgar, mơ tuh tơlik bơta gơjrañ dờng Añ jê hơđang bol khai, la jơh ală bơta gơjrañ duh hơng Añ jê. Bơh jơh plai ù rơp kong chu pơrguc tòm ồs bơta gơjrañ ƀoah pơrñat Añ jê.

Yal Tơlik 11:18

Ală làng bol gơhào gơjrañ, mơya bơta gơjrañ dờng Kơnràñ dê neh tus. Do la tŭ ală cau chơt kong cahrña, la tŭ ai phan ƀàn ală dĭ gơna Kơnràñ dê la ală cau gơnoar hwơr, ală cau sàng goh mơ ală cau in duh rngòt di sơnđan Kơnràñ, ală cau dềt mơ ală cau dờng; mơ la tŭ tơnroh ală cau tơnroh plai ù.”

Yal Tơlik 16:14

Bol gơ la hwềng ală cà dê, lơh ală tềl krơi, lik lòt tus hơ ală cau bơtau tòm làm jơh dunnia, nàng pơjum bol khai tòm bơta kơlìn tòm ngai dờng Yàng Tom Trồ dê, la Bơtau Gơnoar Dờng Làm Jơh.

Yal Tơlik 16:16

Ală hwềng cà pơjum ală cau bơtau hơ̆ tòm dô bă tiah, jat jơnau Hebrơ sơnđan la Armagedôn.

Yal Tơlik 16:6

Bơh bol khai neh lơh gơhòr mhàm ală cau sàng goh mơ ală cau gơnoar hwơr dê, gen Kơnràñ neh ai bol khai in hùc mhàm, la di pal ngan!”

Yal Tơlik 20:8

gen gơlik lòt nàng pơrlồm ală làng bol ơm tòm poan đah plai ù, hơ̆ la Got mơ Magot, nàng pơjum bol khai tồ tòmlơh; ntum khà bol khai dê be bràs dàlềng.