Jôel 3:16 - Sră Goh 2018

¹⁶ Yàng Jehôwa rơp ơluh ơhùm bơh Siôn; mơ lơh gơlik ntas sap Kơnràñ dê bơh Jerusalem; plai ù mơ ală tap trồ gơlơnggơr. Mơya Yàng Jehôwa la tiah kìng crŭ làng bol Kơnràñ dê, la theng kơ̆ cê làng bol Israel in.

Jôel 3:16 Mawu Ofanana

Đơs Crih 18:2

Yàng Jehôwa la pơnai lŭ añ jê, tiah kìng crŭ añ jê, Bơtau dong tă añ, Yàng Tom Trồ añ, tòm Kơnràñ añ rơp kìng crŭ să añ, la bơta pràn kơldang añ. Kơnràñ kung la khèl añ jê, la gơnoar pràn bơta dong klàs añ jê, mơ la tiah kìng crŭ kơ̆ cê añ jê.

Đơs Crih 29:11

Dan Yàng Jehôwa ai pràn kơldang làng bol Kơnràñ in; Dan Yàng Jehôwa ai bơta lơngap lơngai nàng ai lơngai làng bol Kơnràñ dê!

Đơs Crih 61:3

Bơh Kơnràñ la tiah kìng crŭ añ jê, La theng kơ̆ cê nàng klàs bơh di cau sò tơm.

Jơnau Pơnđik 18:10

Sơnđan Yàng Jehôwa ngan la dô nơm theng kơ̆ cê; Cau song ring ntoat tus tềng hơ̆, geh lơngap lơngai.

Esai 33:16

Bol khai rơp ơm tòm tiah jơnhoa; tiah kìng crŭ bol khai dê tòm tiah kơp gàr hơđang pơnai lŭ klềr; phan sa bol khai dê rơp geh ai bơtơl, mơ dà hùc bol khai dê rơp ò tŭ lơi siơ̆u.

Esai 33:21

Mơya bơta ryŭ ryơm Yàng Jehôwa ơm bal mơ bol he tềng hơ̆, la tiah gơs hiòng mơ croh dà dờng ơnàng, rơp ò gơs ơhò dờng mơ plung bềl yàl lòt gan.

Esai 42:13

Yàng Jehôwa rơp lik lòt hơđap be cau ling pràn kơldang, be dô nă cau ling jak chồl bơtrut nùs ngac ngar Kơnràñ dê, Kơnràñ driau dờng tòmlơh; mơ rơp pha lin rlau mơ ală cau sò tơm Kơnràñ dê.

Esai 51:16

Añ neh ơn ală jơnau đơs Añ jê tòm bơr bol mê, mơ neh pồn bol mê tòm mƀur mpàng tê Añ jê. Añ neh lì ală tap trồ, mơ neh lă ală mơnàng plai ù dê, mơ đơs mơ Siôn lah: ‘Bol mê la làng bol Añ jê.’”

Jeremi 16:19

Ơ Yàng Jehôwa, Kơnràñ la bơta pràn kơldang añ, theng kơ̆ cê añ, La tiah kìng crŭ añ jê tòm ngai bòl glar! Bơh tiah lồi plai ù Ală lơgar rơp tus hơ Kơnràñ, mơ đơs lah: “Ồng pàng bol he ò dòp ală phan lơi mìng jơnau ma blac, bơta roh lơm mơ ală phan ò kwơ dô êt lơi.

Jeremi 17:17

Dan bañ lơh añ in rngòt rngơt! Kơnràñ la tiah añ kìng crŭ tòm ngai rung rài,

Ejekiel 38:19

‘Tòm bơta ƀoah gơjrañ mơ bơta gơjrañ dờng duh hơng Añ jê, Añ yal loh lah: tòm ngai hơ̆ rơp gơs lơnggơr ù dờng ngan tòm lơgar Israel.

Sră Ôse 11:10

Bol khai rơp lòt jat Yàng Jehôwa, Kơnràñ rơp ơluh ơhùm be klìu triă: tòm tŭ Kơnràñ ơluh, ală kòn sau Kơnràñ dê rơp bơh đah mattơngai mut rơm să rngòt mơ tus.

Amôs 1:2

Khai đơs lah: “Yàng Jehôwa ơluh bơh di Siôn. Kơnràñ lơh nggồr ntas bơh Jerusalem. Ală ƀlàng ñhơt cau ê belàt dê rơp ro rañ, bồ mơnơm Karmel rơp ñòp ro.”

Amôs 3:8

Tòm tŭ klìu triă ơluh ơhùm gen ñcau rơp ò rngòt taih? Tòm tŭ Jehôwa Yàng Tom Trồ neh đơs gen ñcau rgơi ò đơs hwơr taih?

Nahum 1:7

Yàng Jehôwa la niam, la theng kơ̆ cê tòm ngai bòl glar. Kơnràñ sền gàr ală cau in kìng crŭ di Kơnràñ.

Sră Age 2:6

Bơh Yàng Jehôwa Gơnap Gơnoar Dờng Làm Jơh dê đơs be do: ‘Tòm dô êt jŏ, dô dơ̆ tai Añ rơp lơh lơnggơr ală tap trồ mơ plai ù, dàlềng mơ ù rañ rsơh.

Sră Age 2:7

Añ rơp lơh lơnggơr jơh ală lơgar, mơ ală phan màng jơh ală lơgar dê rơp tus tềng do, mơ Añ rơp lơh hìu do in bềng lìu bơta gơklŏ,’ Yàng Jehôwa Gơnap Gơnoar Dờng Làm Jơh đơs behơ̆.

Sacari 10:12

Añ rơp ai bol khai in bơta pràn kơldang tòm Yàng Jehôwa, mơ bol khai rơp lòt tòm sơnđan Kơnràñ dê,” Yàng Jehôwa đơs behơ̆.

Sacari 10:6

“Añ rơp bơtơl pràn hìu Juda in, mơ dong tă hìu Jôsep dê. Añ rơp cèng bol khai rê wơl tài bơh Añ nđàc sơngit di bol khai. Bol khai rơp ơm kung be Añ neh ò sang lòi bol khai, bơh Añ la Jehôwa Yàng Tom Trồ bol khai dê, mơ Añ rơp ho wơl bol khai in.

Sacari 9:12

Ơ ală cau ơm jàm gơs bơta gơn kơnòm, rê wơl tĕ hơ theng kơ̆ cê bol mê dê; ngai do Añ yal tơnggit lah Añ rơp rcang ai wơl mê in bàr dơ̆ rlau.

Hebrơ 12:26

Tòm tŭ hơ̆ jơnau Bơtau hơ̆ neh lơnggơr ù tiah, mơya tòm tŭ do Kơnràñ ho pơgon lah: “Gam dô dơ̆ tai, Añ ò di mìng lơh lơnggơr ù tiah, mơya kung lơh lơnggơr trồ sơl.”

Yal Tơlik 11:13

Di di jơ hơ̆ gơs dô bơta lơnggơr ù dờng ngan, dô pơnah jơt ƀòn dờng tơrlah; poh rbô nă cau chơt tòm bơta lơnggơr ù hơ̆, ai ală cau gam kis gen rngòt ngan mơ jòng ro Yàng Tom Trồ hơđang trồ.

Yal Tơlik 11:19

Chòp hìu duh khoai Yàng Tom Trồ ơm hơđang trồ geh pò tơlik, lòi cau in gŏ tòm hìu duh khoai hơ̆ gơs Đài Bơta Ho Bal Kơnràñ dê; gen gơs puhlèp, jơnau ntas dờng, ntơr kơnàs, lơnggơr ù mơ mìu piar dờng.

Yal Tơlik 16:18

Gen gơs ală puhlèp, jơnau ntas dờng, ntơr kơnàs mơ lơnggơr ù dờng ngan, tian gơs bơh di tŭ gơs jơi kòn mơnus hơđang ù kung òhềt gơs bơta lơnggơr ù lơi dờng mơ pràn ngan behơ̆.

I Samuel 15:29

Rlau mơ hơ̆ tai bơta Gơklŏ Israel dê ò ruc wơl mơ tòmgơl nùs Kơnràñ dê, bơh Kơnràñ ò di la kòn mơnus nàng Kơnràñ tòmgơl nùs Kơnràñ dê.”