Jôel 2:32 - Sră Goh 2018

³² Gen cau lơi hòi dan di sơnđan Yàng Jehôwa rơp geh dong klàs; bơh hơđang mơnơm Siôn mơ tòm Jerusalem rơp gơs ală cau geh dong tă, jat be jơnau Yàng Jehôwa neh đơs: mơ digùl ală cau gam wơl, bol khai la ală cau rơp geh Yàng Jehôwa hòi.

Jôel 2:32 Mawu Ofanana

Sơnròp Gơlik Gơs 4:26

Set kung tơnggơs dô nă kòn klau sơnđan la Enôs. Bơh tŭ hơ̆, kòn mơnus rơp sơntòm hòi dê sơnđan Yàng Jehôwa.

Đơs Crih 50:15

Hòi dan tĕ mơ Añ tòm ngai bòl glar; Añ rơp dong tă mê, mơ mê rơp lơh gơklŏ Añ in.”

Esai 10:22

Ơ Israel, bulah làng bol mê dê be bràs di gah dàlềng, mìng ală cau gam wơl bol khai dê rơp rê wơl. Bơta tơnroh neh lơh nền, gơtras làm jơh mơ bơta song ring.

Esai 11:11

Tòm ngai hơ̆, Yàng Jehôwa rơp pò tê Kơnràñ dê dô dơ̆ tai nàng dòp wơl mpồl làng bol gam wơl Kơnràñ dê, bơh di Asiri, bơh Ejiptơ, bơh Patros, bơh Ethiôpi, bơh Elam, bơh Sinar, bơh Hamat, mơ bơh di ală bồt pơlào tòm dàlềng.

Esai 11:16

Behơ̆ rơp gơs dô nơm gùng me bơh Asiri làng bol gam wơl Kơnràñ dê, kung be neh gơs làng bol Israel in, tòm tŭ bol khai lik bơh lơgar Ejiptơ sơl.

Esai 4:2

Tòm ngai hơ̆, ntê Yàng Jehôwa dê rơp hàng mơnĕ mơ gơklŏ, plai đo ù tiah dê rơp lơh gơs bơta jòng să mơ bơta gơklŏ ală cau in gam kis tòm Israel dê.

Esai 46:13

Añ cèng bơta song ring Añ jê tus rềp, gơ ò ơm ngài; mơ bơta dong klàs Añ jê rơp ò lơh òbat nyà. Añ rơp ai bơta dong klàs Siôn in, bơta gơklŏ Añ jê Israel in.

Jeremi 31:7

Yàng Jehôwa đơs be do: “Đơs chò dờng tĕ chò hòp bơh Jakôp; Driau chò tĕ bơh cau lam bồ ală lơgar. Yal tơlik tĕ bơta jòng ro mơ đơs lah: ‘Khoai Yàng Jehôwa, dan dong klàs làng bol Kơnràñ, La làng bol gam wơl Israel dê.’

Jeremi 33:3

‘Lùp tĕ Añ, Añ rơp ho wơl mê in; Añ rơp yal mê in ală broă dờng mơ ndơp ndơr, la ală broă mê òhềt tŭ lơi git.’

Amôs 9:8

Mat Yàng Jehôwa dê ơn hơđang lơgar bềng tồi glài do. Añ rơp tơnroh gơ bơh di plai ù; mơya Añ rơp ò tơnroh jơh hir hìu Jakôp dê,” Yàng Jehôwa đơs behơ̆.

Apdia 1:17

Mơya hơđang mơnơm Siôn rơp gơs ală cau geh klàs, mơ gơ rơp la sàng goh; mơ hìu Jakôp dê rơp dòp geh sre brê bơh ală cau neh tă ai gơ.

Apdia 1:21

Ală cau neh geh dong tă rơp guh hơđang mơnơm Siôn nàng at bồ mơnơm Esau dê. Mơ lơgar bơtau rơp gơrê bal mơ Yàng Jehôwa.

Mice 5:3

Gen tàng Israel rơp gơkòl sang lòi jơl tus di tŭ cau ùr jê deh neh deh kòn mơ cau oh mi gam wơl Kơnràñ dê rơp rê wơl lơh gơs dô bă bal mơ kòn sau Israel dê.

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”

Jang 10:16

Añ gam gơs ală belàt ndai ò bal mơ wàng do; Añ pal lam gơrê sơl, belàt hơ̆ rơp kơno jơnau đơs Añ jê, mơ rơp gơs mìng dô mpồl mơ dô nă cau ê lơm.

Jang 4:22

Bol ai duh khoai bơtau bol ai ò git, bol hi duh khoai Bơtau bol hi git, tài bơh bơta dong klàs tus bơh cau Juda.

Broă 15:17

Tồ ală cau gam wơl in, Bal mơ jơh làng bol Bơdìh geh hòi mơ sơnđan Añ, rơp jòi jat Añ. Yàng, la Bơtau neh yal loh broă do bơh rài yau đơs behơ̆.

Broă 2:39

Bơh jơnau ho pơgon hơ̆ gơrê bal mơ ală oh mi mơ kòn sau ală oh mi dê, mơ gơrê bal mơ jơh tơl nă cau ơm ngài sơl, hơ̆ la ală cau mơ Yàng la Yàng Tom Trồ bol he dê rơp hòi sac.”

Rôma 11:26

behơ̆ gen jơh làng bol Israel rơp geh dong klàs, be neh cih lah: “Bơtau Dong Tă rơp tus bơh Siôn, Tă sang bơta ò duh rngòt bơh di Jakôp;”

Rôma 11:5

Ngai do kung behơ̆ sơl, gơs dô pơnah gam wơl jat bơta sac rwah bơh bơta nđàc.

Rôma 11:7

Behơ̆ gen mbe lơh taih? Bơta làng bol Israel jòi jat gen bol khai ò geh; ală cau geh sac rwah gen neh dòp geh, mơya ală cau gam wơl gơlik gơs kơldang nùs,

Rôma 9:24

ală gri hơ̆ la bol he, la cau Kơnràñ neh hòi sac, ò di mìng bơh tòm ală cau Juda lơm, mơya kung bơh tòm ală cau làng bol bơdìh sơl.

Rôma 9:27

Ai Esai đơs bơh làng bol Israel mơ hòi driau lah: “Bulah ntum khà kòn sau Israel be bràs tòm dàlềng, mơya mìng dô pơnah gam wơl rơp geh dong klàs;

I Kôrintô 1:2

pơyoa Hìu Jum Goh Yàng Tom Trồ in tòm Kôrintô, tus hơ ală cau neh gơlik gơs sàng goh tòm Yàng Jesu Krist, geh kòp la ală cau sàng goh, dô bă bal mơ jơh ală cau tòm kòp bă tiah hòi dan di sơnđan Yàng Jesu Krist, la Yàng bol khai dê mơ Yàng bol he dê sơl.

Hebrơ 12:22

Mơya oh mi neh tus hơ mơnơm Siôn, tus hơ ƀòn dờng Yàng Tom Trồ gam kis sùm, la Jerusalem hơđang trồ, tus hơ tơlak tơmàn cau gơnrơh jơnum bal,