Jôel 2:31 - Sră Goh 2018

³¹ Mattơngai rơp gơlik klam jơngo, mat kơnhai gơlik gơs mhàm, lài mơ tŭ tus ngai dờng mơ rngòt rngơt Yàng Jehôwa dê.

Jôel 2:31 Mawu Ofanana

Jeremi 4:28

Tài bơh hơ̆, ù do rơp moat jrùng ñìm ƀồc, mơ ală tap trồ hơđang gơlik jù cik; Bơh Añ neh đơs, Añ neh lơh nền, Añ rơp ò tòmgơl nùs, hala Añ kung ò tòmgơl jơnau.”

Ejekiel 32:7

Tòm tŭ Añ tơnroh mê gen añ rơp jơm ală tap trồ mơ lơh jơngo ală sơmañ gơ dê; Añ rơp ai mhwal cang kìng mattơngai, mơ mat kơnhai rơp ò tai pơnđàng bơta àng gơ dê.

Jôel 2:1

Uh tĕ kơlwòk tòm Siôn; ntas jơnau yal tơnggit hơđang mơnơm sàng goh Añ jê. Lòi jơh làng bol tòm lơgar rơm să, bơh ngai Yàng Jehôwa dê mòr tus, ngai hơ̆ neh tus rềp rau.

Jôel 2:10

Ù gơlơnggơr di đap bol gơ, ală tap trồ wañ lơnggơh, mattơngai mơ mat kơnhai gơlik klam jơngo, ală sơmañ ò àng tai.

Jôel 2:11

Yàng Jehôwa lơh gơlik sap Kơnràñ dê di đap mpồl ling Kơnràñ dê, mpồl ling Kơnràñ dê la gal ngan ò rgơi kòp, mơ ală cau lơh jat jơnau sồr Kơnràñ dê ò rgơi kòp. Ngan, ngai Yàng Jehôwa dê la dờng ngan mơ kìr rngòt ngan, Ñcau rgơi kong jai taih?

Jôel 2:2

Dô ngai klam jơngo, mơ ngềt ngơt, dô ngai bềng mhwal mơ jơngo cik. Be bơta jơngo jù cik gòm hơđang ală mơnơm, dô mpồl ling dờng mơ pràn kơldang lòt tus; bơta behơ̆ bơh rài yau òhềt tŭ lơi gơs, mơ kung rơp ò tŭ lơi gơs behơ̆ tòm rài tơnơ̆ rơp tus sơl.

Jôel 3:1

“Behơ̆ gen, tòm ală ngai hơ̆ mơ tòm tŭ hơ̆, Añ rơp cèng brê wơl ală cau gơkòl kup cèng Juda mơ Jerusalem dê,

Jôel 3:15

Mattơngai mơ mat kơnhai rơp gơlik klam jơngo, ală sơmañ ruc wơl bơta àng gơ dê.

Sacari 14:6

Tòm ngai hơ̆ rơp ò gơs bơta àng, ò noat hala mrềt.

Malaci 4:1

“Sền tĕ, ngai hơ̆ rơp tus, gơ sa hơng kung be bơnhă ồs. Jơh ală cau pơnhừ să bal mơ cau lơh bơta iơh bơsak rơp kung be rhe, mơ ngai hơ̆ rơp tus be ồs sa pơrguc bol khai,” Yàng Jehôwa Gơnap Gơnoar Dờng Làm Jơh đơs behơ̆. “Gen tàng rơp ò gam dô nơm ryas hala dô nơm ntê lơi lòi wơl bol khai in.

Malaci 4:5

Ne, Añ rơp sồr cau gơnoar hwơr Eli tus mơ bol mê lài mơ tŭ tus ngai dờng mơ rngòt rngơt Yàng Jehôwa dê.

Mathiơ 24:29

“Tơnơ̆ mơ ală ngai rung rài, gen tŭ hơ̆ mo mattơngai gơlik klam jơngo, kơnhai ò àng tai, ală sơmañ bơh đang trồ dùh, mơ ală gơnoar trồ gơlơnggơr.

Mathiơ 27:45

Bơh jơt bàr jơ gùl ngai gơlik klam jơngo làm ù jơl tus di pe jơ mho

Luka 21:25

Rơp gơs ală tềl krơi tòm mattơngai, kơnhai mơ ală sơmañ; ai tòm ù gen ală làng bol jê sồt bòl glar, ò git mbe kòñ lơh bơh dàlềng mơ ryà gơ nggồr ur ur.

Broă 2:20

Mattơngai rơp gơlik gơs klam jơngo, Kơnhai rơp gơlik gơs mhàm lơm, Lài mơ tŭ tus ngai dờng mơ gơklŏ Yàng dê.

Yal Tơlik 8:12

Cau gơnrơh dơ̆ poan uh kơlwòk, gen dô pơnah pe mattơngai, dô pơnah pe mat kơnhai, dô pơnah pe ală sơmañ kong pòng pù, tồ dô pơnah pe ală bơta àng hơ̆ gơlik jơngo, mơ trồ ngai roh dô pơnah pe bơta àng, mơ trồ mang kung behơ̆ sơl.