Jôel 2:30 - Sră Goh 2018

³⁰ Añ rơp lơh tềl sơnio ală bơta crih crài hơđang ală tap trồ mơ hơđang plai ù, hơ̆ la mhàm, ồs, mơ ală jrong ñhŭ.

Jôel 2:30 Mawu Ofanana

Sơnròp Gơlik Gơs 19:28

Khai tơnggòr sền đah Sôdôm mơ Gômôrơ, mơ làm lơgar tòm ƀlàng, gen khai gŏ ñhŭ bơh tòm tiah hơ̆ guh hơđang, kung be ñhŭ ồs bơh tòm bơnhă dờng.

Đơs Chò 3:6

Cau ne la ñcau, tus bơh tòm ƀlàng ngềt ngơt, be jrong ñhŭ, ƀô bơlhu cài trŭ mơ kơlhô, bal mơ ală kơmbuh chi ƀô bơlhu cau kă bro dê taih?

Jeremi 4:28

Tài bơh hơ̆, ù do rơp moat jrùng ñìm ƀồc, mơ ală tap trồ hơđang gơlik jù cik; Bơh Añ neh đơs, Añ neh lơh nền, Añ rơp ò tòmgơl nùs, hala Añ kung ò tòmgơl jơnau.”

Sacari 14:6

Tòm ngai hơ̆ rơp ò gơs bơta àng, ò noat hala mrềt.

Mathiơ 24:29

“Tơnơ̆ mơ ală ngai rung rài, gen tŭ hơ̆ mo mattơngai gơlik klam jơngo, kơnhai ò àng tai, ală sơmañ bơh đang trồ dùh, mơ ală gơnoar trồ gơlơnggơr.

Luka 21:11

rơp gơs lơnggơr ù dờng, oă tiah gơs jơgloh rung mơ pluh plàng; kung gơs ală broă rngòt cù kìr mơ tềl krơi dờng bơh trồ.

Jôsue 8:20

Ală cau Ahi wơlke sền gŏ ñhŭ bơh ƀòn guh hơ trồ; mơya bol khai ò rgơi dô hơ đah do hala đah ne, tài bơh cau Israel neh dô đah ƀlàng ngềt ngơt tơrwơl lơh ală cau ting jat bol khai.

Yal Tơlik 18:18

sền gŏ ñhŭ ồs sa khai, gen driau dờng lah: “Gơs ƀòn lơi ndròm be ƀòn dờng ne sơl!”

Yal Tơlik 18:9

Ală cau bơtau hơđang ù, la cau neh tìs glài rềs àr bơrnàn mơ lơh gơlềng gơlàng bal mơ khai, dơ̆ bol khai gŏ ñhŭ ồs sa khai gen bol khai rơp ñìm rac mơ pơt wòl tài bơh khai.

Yal Tơlik 8:7

Cau gơnrơh sơnròp uh kơlwòk, gen gơs mìu piar, mơ ồs bơcă bal mơ mhàm dùh tòm plai ù. Dô pơnah pe chi che kong ồs sa, mơ jơh ală ñhơt tơlir kong ồs sa sơl.

Ală Kwang Cahrña 20:38

Tŭ do bơta gơs dô nùs bal digùl cau Israel mơ ală cau ơm kơp òm, hơ̆ la tòm tŭ bol khai tơlik dô puk ñhŭ guh boh di ƀòn dờng,

Ală Kwang Cahrña 20:40

Mơya tòm tŭ jrong ñhŭ sơntòm guh bơh di ƀòn, cau Benjamin wèt sền bơh ngkòi bol khai, mơ gŏ jơh dô ƀòn gơs ñhŭ ồs guh hơ trồ.