Jôel 2:3 - Sră Goh 2018

³ Ồs sa loan di đap bol khai, đah ngkòi bol khai gơs lơmpiat ồs chu pơrguc. Di đap bol khai ù tiah kung be suơn Eden, đah ngkòi bol khai dô nơm ƀlàng ngềt ngơt srau gòi, ò gơs phan lơi klàs bơh gơ.

Jôel 2:3 Mawu Ofanana

Sơnròp Gơlik Gơs 13:10

Gen Lot tơnggòr, sền gŏ làm jơh ƀlàng hiòng Jordan, la tiah gơs dà hòr làm tus hơ Soar, lài mơ tŭ Yàng Jehôwa òhềt tơnroh Sôdôm mơ Gômôrơ, ƀlàng hơ̆ kung be suơn Yàng Jehôwa dê mơ be lơgar Ejiptơ.

Sơnròp Gơlik Gơs 2:8

Gen Jehôwa Yàng Tom Trồ lơh gơs dô nơm suơn tòm Eden, đah mattơngai lik, mơ ơn kòn mơnus tềng hơ̆ mơ Kơnràñ neh crơng gơs.

Đơs Crih 50:3

Yàng Tom Trồ bol he dê tus mơ ò ơm mŏ mŏ; Di đap Kơnràñ gơs ồs chu pơrguc, Gùt dar Kơnràñ gơs càl rbut dờng.

Đơs Crih 97:3

Ồs lòt di đap Kơnràñ, Mơ chu pơrguc ală cau sò tơm Kơnràñ bơh kòp đah.

Lik Ejiptơ 10:15

Srah nting gơ jơm gòm làm jơh ù tiah tian gơs ù tiah gơlik jù. Bol gơ sa roh jơh ală phan gam wơl tơnơ̆ mơ mìu piar, jơh ală phan hòn tòm ală ƀlàng sre bal mơ ală plai hơđang ală chi. Ò gam nha tơlir hơđang chi che hala dô nơm tòm chi lơi tòm jơh lơgar Ejiptơ.

Lik Ejiptơ 10:5

Bol gơ rơp jơm gòm ù tian gơs cau ò rgơi sền gŏ ù tai. Bol gơ rơp sa roh jơh ală phan mìu piar lòi wơl; bal mơ ală chi hòn tòm ƀlàng sre bol mê dê.

Esai 14:17

la cau neh lơh lơgar dunnia gơlik gơs ƀlàng ngềt ngơt, la cau neh tuh tơlup ală ƀòn dờng, mơ ò lòi ală cau khai neh kup geh rê hìu ò ơ?”

Esai 15:6

Ală dà tòm Nimrim neh soat jơh, ñhơt neh ro, ñhơt bơnung ò gam tai, ò gam chi tơlir tai.

Esai 33:4

Ơ ală lơgar, phan kup geh bol mê dê rơp kòl tơrgòm be ală tu kòng kìm; cau brồ tus hơđang gơ be dô mpồl srah nting.

Esai 51:3

Bơh Yàng Jehôwa rơp pơndòm pơniang Siôn; Kơnràñ rơp pơndòm pơniang jơh ală tiah rhàng srau gơ dê. Kơnràñ rơp lơh ƀlàng ngềt ngơt gơ dê gơlik be suơn Eden, ƀlàng bràs gơ dê gơlik gơs be suơn Yàng Jehôwa dê, bơta hòn chò mơ bơta chò hòp rơp geh jòi bàn tòm gơ, bal mơ bơta ưnngài mơ sap bơta đơs chò.

Esai 9:18

Ngan, bơta iơh bơsak sa hơng be ồs, gơ sa roh lò mrơt mơ ală lò, gơ sa pơrguc ală chi tòm brê, tian gơs ñhŭ gơguh jòng hơđang.

Esai 9:19

Ù tiah rơp kong chu pơrguc bơh bơta gơjrañ dờng Yàng Jehôwa Gơnap Gơnoar Dờng dê, làng bol gơlik gơs be phan sing ồs; ò gơs cau lơi rơp nđàc pơlai oh mi he,

Jeremi 5:17

Bol khai rơp sa loan plai đo mơ ƀañ mê dê, Bol khai rơp sa kòn klau kòn ùr mê; Bol khai rơp sa mpồl belàt mơ mpồl kơnrồ mê, bol khai rơp sa chi ño mơ chi ƀal mê dê. Bol khai rơp ai đào tơnroh ală ƀòn dờng kơ̆ cê mê dê, la tiah mơ mê gơn kơnòm!”

Ejekiel 36:35

Bol khai rơp đơs lah: “Ù tiah lòi srau do neh gơlik gơs kung be suơn Eden; ală ƀòn dờng tơrlah tơrlơm, sang lòi ngềt ngơt, mơ gơkòl tơnroh, tŭ do neh geh bơtào kơ̆ mơ gơs làng bol ơm!”

Amôs 7:4

Do la bơta Jehôwa Yàng Tom Trồ sơnio añ in: Jehôwa Yàng Tom Trồ neh hòi mìu ồs nàng lơh glài; gơ sa jơh thòng dờng jrô mơ sa jơh lơgar.

Habakuk 1:6

Bơh Añ rơp chồl cau Babilôn, la làng bol iơh bơsak mơ rhung rhang, bol khai lòt làm jơh plai ù, tòmpìt ai ală tiah ơm ò gơrê bal mơ bol khai.

Sacari 7:14

Mơ Añ neh rsìh bol khai bơh dô nơm càl wac brồng digùl ală lơgar mơ bol khai òhềt tŭ lơi git. Ù tiah bol khai lòi wơl rơp gơkòl sang lòi ngềt ngơt tian gơs ò gơs cau lơi rgơi lòt rê, mơ dô nơm lơgar niam mơnĕ neh gơlik gơs lơgar sang lòi ngềt ngơt.”