Jôel 2:28 - Sră Goh 2018

²⁸ Tơnơ̆ mơ hơ̆, Añ rơp tuh Hwềng Añ hơđang jơh ală poac să. Kòn klau mơ kòn ùr bol mê dê rơp đơs hwơr, Ală cau kra bol mê dê rơp gŏ bơta mpau, ală cau pơnu bol mê rơp gŏ bơta gơtơnggŏ.

Jôel 2:28 Mawu Ofanana

Jơnau Pơnđik 1:23

Iat tĕ jơnau añ lah pơrhơng; Añ rơp tuh bơta kơlôi sơnơng añ jê bol mê in; Añ rơp lơh bol mê in git ală jơnau đơs añ jê.

Esai 32:15

Jơl tus di tŭ Hwềng bơh tiah jơnhoa tuh hơđang bol he, mơ ƀlàng ngềt ngơt gơlik gơs sre bềng plai, mơ sre bềng plai gơlik gơs be dơr brê.

Esai 40:5

Gen bơta gơklŏ Yàng Jehôwa dê rơp geh yal tơlik, jơh tơl nă kòn mơnus rơp sền gŏ bơta hơ̆, bơh bơr Yàng Jehôwa dê neh đơs behơ̆.”

Esai 44:3

Bơh Añ rơp tuh dà hơđang ù rañ rsơh, ai ală croh dà tòm tiah ro rañ. Añ rơp tuh Hwềng Añ hơđang jơi bơtiàn mê dê, mơ bơta lơngai lơngò hơđang ală kòn sau mê dê.

Esai 49:26

Añ rơp lơh ală cau neh rồn bơklơn bol mê sa is poac tòm bol khai dê; bol khai rơp bơñul is bơh mhàm tòm bol khai dê, kung be bơñul bơh tơrnòm. Gen jơh ală jơi kòn mơnus rơp git lah Añ, Yàng Jehôwa, la Bơtau Dong Klàs mê dê, la Bơtau Dong Tơwài mê dê, hơ̆ la Bơtau Gơnap Gơnoar Dờng Làm Jơh Jakôp dê!”

Esai 49:6

Kơnràñ đơs lah: “Hơ̆ la dô nơm broă dềt rhền mơ mê geh lơh gơs cau duh broă Añ jê nàng bơtào wơl ală jơi bơtiàn Jakôp dê, mơ cèng brê wơl ală cau Israel gam kis. Añ rơp lơh mê in gơs dô bơta àng ală làng bol in, tồ mê in cèng bơta dong klàs Añ jê tus hơ ală tiah lồi dut plai ù.”

Esai 54:13

Jơh ală kòn klau ai dê rơp geh Yàng Jehôwa bơto sồr, mơ bơta lơngap lơngai pas gơs kòn sau ai dê rơp dờng ngan.

Jeremi 23:25

Añ neh kơno bơta ală cau gơnoar hwơr do đơs, bol khai ai sơnđan Añ mơ đơs hwơr ma blac lah: ‘Añ neh mpau; ngan añ neh mpau!’

Jeremi 23:28

Lòi cau gơnoar hwơr lơi gơs mpau yal tĕ mpau; ai cau lơi neh dòp leng jơnau Añ, yal wơl tĕ jơnau Añ dô bă dòn song! Rhe ngan gơs pơnah bal mơ kòi mi ơ?” Yàng Jehôwa đơs behơ̆.

Ejekiel 36:27

Añ rơp ơn Hwềng Añ tòm bol mê, mơ lơh bol mê in lòt jat bơta sồr lam Añ jê, mơ kơrhia prap gàr ală bơta boh lam Añ jê.

Ejekiel 37:14

Añ rơp ơn Hwềng Añ tòm bol mê mơ bol mê rơp kis. Añ rơp ơn bol mê tòm ù tòm bol mê dê. Gen bol mê rơp git Añ la Yàng Jehôwa neh đơs mơ rơp lơh, Yàng Jehôwa đơs behơ̆.’”

Ejekiel 39:29

Añ rơp ò tŭ lơi pồn mat Añ tai bơh di bol khai, tòm tŭ Añ rơp tuh Hwềng Añ hơđang hìu Israel, Jehôwa Yàng Tom Trồ đơs behơ̆.”

Daniel 7:1

Tòm nam dơ̆ sơnròp rài Belsassar, bơtau lơgar Babilôn dê, Daniel bic mang hơđang cơnòng gen gŏ bơta mpau mơ ală bơta gơtơnggŏ tòm dơngoh khai. Khai cih wơl bơta mpau mơ yal wơl ală bơta gơtơnggŏ hơ̆.

Sacari 12:10

“Mơ Añ rơp tuh tơlik Hwềng bơta nđàc mơ bơta rac dan hơđang hìu Dabit mơ hơđang làng bol Jerusalem. Bol khai rơp sền gŏ Bơtau mơ bol khai neh srơp, mơ bol khai rơp ñìm rac bơh Kơnràñ kung be cau ñìm rac bơh dô nă kòn dùl, mơ ñìm rac sràt bơtang bơh Kơnràñ, kung be cau moat jrùng jê sồt bơh dô nă kòn klau tơnhoa he dê.

Khà Làng Bol 11:17

Añ rơp mù tus mơ tòmbơhbơr mơ mê tềng hơ̆, mơ Añ rơp ai Hwềng neh ơm hơđang mê mơ ơn Hwềng hơ̆ hơđang bol khai. Bol khai rơp dong kòl mê àñ ơnòng kơnjơ̆ làng bol dê tồ mê rơp ò àñ ơnòng is mìng dô nă mê lơm.

Khà Làng Bol 12:6

Kơnràñ đơs lah: “Iat tĕ jơnau Añ: Tòm tŭ dô nă cau gơnoar hwơr Yàng Jehôwa dê ơm digùl bol mê, Añ yal tơlik să tòm Añ khai in tòm ală bơta gơtơnggŏ, Añ đơs mơ khai tòm ală bơta mpau.

Luka 1:67

Chòp Sacari, bèp kòn hơ̆, geh bềng lìu Yàng Hwềng Goh mơ đơs hwơr lah:

Luka 3:6

Mơ kòp jơi kòn mơnus rơp gŏ bơta dong klàs Yàng Tom Trồ dê.”

Jang 7:39

Kơnràñ đơs bơta hơ̆ la sơnio bơh Yàng Hwềng mơ ală cau dòn Kơnràñ rơp dòp geh; bơh Yàng Hwềng òhềt mù, tài bơh Yàng Jesu òhềt geh gơklŏ.

Broă 2:33

Behơ̆, tơnơ̆ mơ tŭ Kơnràñ neh geh yò tơngguh đah ma Yàng Tom Trồ, mơ neh dòp geh jơnau ho ai Yàng Hwềng Goh bơh di Bèp, gen Kơnràñ tuh tơlik Yàng Hwềng Goh be ală oh mi gŏ mơ kơno.

Broă 2:39

Bơh jơnau ho pơgon hơ̆ gơrê bal mơ ală oh mi mơ kòn sau ală oh mi dê, mơ gơrê bal mơ jơh tơl nă cau ơm ngài sơl, hơ̆ la ală cau mơ Yàng la Yàng Tom Trồ bol he dê rơp hòi sac.”

Broă 21:9

Khai gơs poan nă kòn ơruh gơs bơta nđàc đơs hwơr.

Galati 3:28

Ò tai gơs cau Juda hala cau Grek; ò tai gơs cau dĭ hala cau geh khat gơboh; ò tai gơs cau klau hala cau ùr; bơh tòm Yàng Krist Jesu jơh ală oh mi gơlik gơs dô bă bal lơm.

Hebrơ 1:1

Tòm rài yau, Yàng Tom Trồ neh ngui ală cau gơnoar hwơr nàng đơs oă dơ̆, oă bơta mơ ală ồng pàng bol he dê,

I Samuel 19:20

Behơ̆ Sol sồr cau lòt kup Dabit; mơya tòm tŭ bol khai gŏ dô mpồl cau gơnoar hwơr ơm đơs hwơr, gơs Samuel ntào tềng hơ̆ at bồ mpồl hơ̆; gen Hwềng Yàng Tom Trồ dê mù hơđang ală cau Sol neh sồr, mơ bol khai kung đơs hwơr.

I Samuel 19:21

Cau yal Sol in bơta hơ̆, gen khai sồr cau ndai tai, mơ bol khai kung đơs hwơr sơl. Sol sồr cau dơ̆ pe tai mơ bol khai kung đơs hwơr.

I Samuel 28:6

Khai hòi lùp Yàng Jehôwa, mơya Yàng Jehôwa ò ho wơl khai in bơh bơta mpau, hala bơh Urim, hala bơh ală cau gơnoar hwơr.