Jôel 2:27 - Sră Goh 2018

²⁷ Gen bol mê rơp git lah Añ ơm digùl Israel, Mơ git Añ la Jehôwa Yàng Tom Trồ bol mê dê, mơ ò gơs bơtau lơi ndai tai rlau mơ Añ; làng bol Añ jê rơp ò gơs tŭ lơi kong ƀàssìl tai.

Jôel 2:27 Mawu Ofanana

Đơs Crih 46:5

Yàng Tom Trồ ơm digùl ƀòn hơ̆, ƀòn hơ̆ ò wañ lơnggơh; Rìng àng drim Yàng Tom Trồ dong kòl gơ.

Đơs Crih 68:18

Ơ Yàng, Kơnràñ neh guh hơđang mơnơm jòng, tề lam ală cau neh kòl jàm tòm rơndeh ồs Kơnràñ dê; Kơnràñ neh dòp phan ơn bơh digùl ală cau, tian gơs kung bơh digùl cau tòmdră di Yàng Jehôwa sơl, Jehôwa Yàng Tom Trồ rgơi ơm tềng hơ̆.

Jơnau Pơnđik 1:23

Iat tĕ jơnau añ lah pơrhơng; Añ rơp tuh bơta kơlôi sơnơng añ jê bol mê in; Añ rơp lơh bol mê in git ală jơnau đơs añ jê.

Esai 12:6

Ơ làng bol Siôn, hòi driau dờng tĕ mơ đơs chò hòn chò! Bơh Bơtau Sàng Goh Israel dê la dờng digùl bol mê.”

Esai 44:3

Bơh Añ rơp tuh dà hơđang ù rañ rsơh, ai ală croh dà tòm tiah ro rañ. Añ rơp tuh Hwềng Añ hơđang jơi bơtiàn mê dê, mơ bơta lơngai lơngò hơđang ală kòn sau mê dê.

Esai 44:8

Bañ rơm să, bañ rngòt. Añ ò di neh yal mơ mê bơh yau òr mơ yal tơnggit gơ ò ơ? Bol mê la cau lơh cơng Añ jê. Gơs Yàng Tom Trồ lơi ndai tai rlau mơ Añ sơl? Ò gơs pơnai lŭ lơi ndai; Añ git ò gơs dô nơm lơi ndai!”

Esai 45:18

Bơh Yàng Jehôwa la Bơtau neh crơng gơs ală tap trồ, Kơnràñ la Yàng Tom Trồ; Kơnràñ neh mòn mơ lơh gơs plai ù, Kơnràñ neh bơt bơtào gơ: Kơnràñ ò di neh crơng gơs gơ la ngềt ngơt ò gơs cau ơm, mơya neh lơh gơs nàng làng bol in ơm, Kơnràñ đơs be do: “Añ la Yàng Jehôwa, ò gơs yàng lơi ndai tai ò!

Esai 45:5

Añ la Yàng Jehôwa, ò gơs bơtau lơi ndai; rlau mơ Añ ò gơs Yàng Tom Trồ lơi ndai tai. Bulah mê neh ò git Añ, Añ rơp bơtơl pràn mê in,

Esai 45:6

tồ bol khai rgơi git bơh di đah mattơngai lik tus di đah mattơngai mut ò gơs yàng lơi ndai tai rlau mơ Añ. Añ la Yàng Jehôwa, ò gơs bơtau lơi ndai tai.

Esai 46:9

Kah tĕ ală bơta bơh yau òr; Añ la Yàng Tom Trồ, mơ ò gơs yàng lơi ndai tai; Añ la Yàng Tom Trồ, mơ ò gơs cau lơi ndròm bal be Añ.

Esai 49:23

Ală cau bơtau rơp lơh gơs bèp ròng bol mê dê, ală bơtau ùr bol khai dê rơp lơh gơs mè siam mơ tơmpô bol mê. Bol khai rơp tơmbic să blup mat tòm ù di đap bol mê; bol khai rơp liap kơmbuh ù di jơng bol mê. Gen mê rơp git lah Añ la Yàng Jehôwa; ală cau gơn kơnòm di Añ rơp ò ƀàssìl.

Esai 53:6

Bol he jơh tơl nă kung be belàt lòt tìs nrah, kòp nă neh lòt jat gùng is he dê; mơ Yàng Jehôwa neh ơn tồi glài jơh tơl nă bol he dê hơđang Kơnràñ.

Ejekiel 37:6

Añ rơp ơn ară tòm bol mê, mơ lơh gơs poac tus hơđang bol mê mơ gòm bol mê mơ gơltau. Añ rơp ơn nhơm tă tòm bol mê, mơ bol mê rơp kis. Gen bol mê rơp git Añ la Yàng Jehôwa.’”

Ejekiel 39:22

Hìu Israel rơp git Añ la Jehôwa Yàng Tom Trồ bol khai dê, bơh ngai hơ̆ tus di ală ngai rơp tus.

Ejekiel 39:28

Gen bol khai rơp git Añ la Jehôwa Yàng Tom Trồ bol khai dê, tài bơh Añ neh cèng pơrdô bol khai tơmut digùl ală lơgar, mơ Añ rơp pơjum tơrgòm bol khai tòm lơgar tòm bol khai dê. Añ rơp ò sang lòi dô nă cau lơi tòm bol khai bơh ngkòi.

Ejekiel 39:29

Añ rơp ò tŭ lơi pồn mat Añ tai bơh di bol khai, tòm tŭ Añ rơp tuh Hwềng Añ hơđang hìu Israel, Jehôwa Yàng Tom Trồ đơs behơ̆.”

Jôel 2:26

Bol mê rơp sa tòm bơta tơngkah tơngkañ mơ geh hòm lai, mơ bol mê rơp jòng ro sơnđan Jehôwa Yàng Tom Trồ bol mê dê, La Bơtau neh lơh ală bơta crih crài bol mê in; Làng bol Añ jê rơp ò gơs tŭ lơi kong ƀàssìl tai.

Jôel 3:17

Behơ̆, bol mê rơp git Añ la Jehôwa Yàng Tom Trồ bol mê dê, ơm tòm Siôn, mơnơm sàng goh Añ jê. Jerusalem rơp gơlik gơs sàng goh, làng bol rơp ò gơs tŭ lơi tòmpìt gơ tai.

Jôel 3:21

Añ rơp sal wơl mhàm bol khai dê, mơ Añ rơp ò jùt glài iơh bơsak bol khai dê. Bơh Yàng Jehôwa ơm sùm tòm Siôn!

Sôphôni 3:11

Tòm ngai hơ̆, bol mê rơp ò gam ƀàssìl, tài bơh ală broă lơh mơ bol mê neh pơrlơ̆ dră di Añ, tài bơh hơ̆ Añ rơp tă sang bơh digùl bol mê ală cau jòng să, hừh nùs, mơ mê rơp ò gam jòng să hơđang mơnơm sàng goh Añ jê.

Sôphôni 3:17

Jehôwa Yàng Tom Trồ ai dê ơm digùl ai; Kơnràñ la cau ling jak ai bơta pha lin. Kơnràñ rơp hòn chò bơh ai mơ bơta chò hòp, Kơnràñ rơp lơh pa wơl ai in, tòm bơta kòñ gơboh Kơnràñ dê; Mơ Kơnràñ rơp bơh ai, mơ hòn chò driau dờng.

Sacari 2:9

tŭ do, sền tĕ Añ rơp pò tê tòmdră mơ bol khai tian gơs bol khai rơp kong phà tơnroh bơh ală cau dĭ bol khai dê. Gen bol mê rơp git lah Yàng Jehôwa Gơnap Gơnoar Dờng Làm Jơh neh sồr añ lòt tus.”

Khà Làng Bol 11:29

Mơya Môise ho wơl lah: “Bol mê gơjrañ kơuềng ala añ sơl ơ? Añ kơp kòñ jơh làng bol Yàng Jehôwa dê la ală cau gơnoar hwơr mơ Yàng Jehôwa rơp ơn Hwềng Kơnràñ dê hơđang bol khai!”

Khà Làng Bol 23:21

Ò jòi gŏ bơta tồi glài tòm Jakôp, ò jòi bàn bơta dồn sa rƀah tòm Israel. Jehôwa Yàng Tom Trồ bol khai dê ơm bal mơ bol khai; jơnau driau dờng jòng ro Bơtau ơm digùl bol khai.

II Kôrintô 6:16

Hìu duh khoai Yàng Tom Trồ dê geh tòm rsò bal mơ rùp ràk sơl ơ? Bơh bol he la hìu duh khoai Yàng Tom Trồ gam kis sùm dê, be Yàng Tom Trồ neh đơs lah: “Añ rơp ơm tòm bol khai, lòt rê digùl bol khai; Añ rơp lơh gơs Yàng Tom Trồ bol khai dê, Mơ bol khai rơp lơh gơs làng bol Añ jê”

Yal Wơl 23:14

Bơh Jehôwa Yàng Tom Trồ bol mê dê lòt digùl tiah sơntơp sàl ơm bol mê dê nàng sền gàr bol mê mơ jào phi ală cau sò tơm bol mê dê bol mê in. Tiah sơntơp sàl ơm bol mê dê pal gơs sàng goh tồ Kơnràñ ò gŏ phan lơi ò goh digùl bol mê mơ pơrlac bơh di bol mê.

I Pier 2:6

Bơh Sră Goh neh cih lah: “Do, añ ơn tòm Siôn dô nơm pơnai lŭ bồ mum hìu neh geh sac rwah mơ màng ngan, Cau lơi dòn di lŭ hơ̆ rơp ò gơs ƀàssìl.”

Yal Tơlik 21:3

Añ kơno dô jơnau dờng lik bơh di sơbàn, đơs lah: “Ne, tiah ơm Yàng Tom Trồ dê ơm digùl jơi kòn mơnus. Kơnràñ rơp ơm bal mơ bol khai, mơ bol khai rơp lơh gơs làng bol Kơnràñ dê, să tòm Yàng Tom Trồ rơp ơm bal mơ bol khai, mơ lơh gơs Yàng Tom Trồ bol khai dê.