Jôel 2:26 - Sră Goh 2018

²⁶ Bol mê rơp sa tòm bơta tơngkah tơngkañ mơ geh hòm lai, mơ bol mê rơp jòng ro sơnđan Jehôwa Yàng Tom Trồ bol mê dê, La Bơtau neh lơh ală bơta crih crài bol mê in; Làng bol Añ jê rơp ò gơs tŭ lơi kong ƀàssìl tai.

Jôel 2:26 Mawu Ofanana

Sơnròp Gơlik Gơs 33:11

Dan bi dòp tĕ phan añ ai bi in bơh Yàng Tom Trồ ai añ in bơta nđàc, mơ bơh añ gơs tơl.” Khai kư̆ pơnđơl gen Esau dòp gơ.

Nehemi 9:25

Bol khai brồ ai ală ƀòn kơ̆ cê, ală mìr sre niam ngan, dòp geh ală hìu lìu làc ală phan niam. Ală tơrlung neh geh tò, ală suơn ño, ală suơn ôlibe, mơ oă ngan chi gơs plai. Behơ̆ bol khai sa gơs hòm, gơlik lơmă, mơ hừh nùs tòm bơta lơbơn niam Kơnràñ dê.

Đơs Crih 103:5

Kơnràñ lơh mê in hừh hơh bơh ală phan niam tòm jơh rài kis mê dê, Nàng mê in geh wơl pràn kơldang be gam pơnu, kung be bơta pràn kơldang klàng bung dê.

Đơs Crih 116:7

Ơ hwềng soàn añ jê, rê wơl tĕ di tiah rlô bol mê dê, Tài bơh Yàng Jehôwa neh gơwèt niam mơ mê.

Đơs Crih 13:6

Añ rơp đơs chò jòng ro Yàng Jehôwa, tài bơh Kơnràñ neh lơh bơta nđàc añ in ò git nđò.

Đơs Crih 22:26

Cau rƀah rơp sa mơ geh hòm lai; Ală cau jòi Yàng Jehôwa rơp jòng ro Kơnràñ! Dan nùs ală bol mê geh kis gam sùm sùm.

Đơs Crih 37:19

Tòm ngai bòl glar bol khai ò gơkòl ƀàssìl, Tòm ngai jơgloh rung bol khai geh hòm lai.

Đơs Crih 67:5

Ơ Yàng Tom Trồ, ală làng bol pal jòng ro Kơnràñ, Jơh ală làng bol pal jòng ro Kơnràñ!

Đơs Crih 72:18

Pal jòng ro Yàng Jehôwa la Yàng Tom Trồ Israel dê, mìng dô nă Kơnràñ lơm lơh ală broă crih crài.

Jơnau Pơnđik 13:25

Cau song ring geh sa hòm tơl phan bơkah; Ai klung cau iơh ơm jơgloh.

Đơs Chò 5:1

Ơ oh ùr añ, bau ùr pa añ jê, añ neh mut tòm suơn añ rau! Añ neh pic tơrgòm cài trŭ mơ chi ƀô bơlhu añ jê, Añ sa sìng lơwe mơ dà lơwe añ jê, añ ñô tơrnòm mơ dà toh añ jê. Ơ ală cau bơyô, sa tĕ; ơ ală cau bơyô đềt mềr, ñô bơñul tĕ bơta kòñ gơboh!

Esai 25:1

Ơ Yàng Jehôwa, Kơnràñ la Yàng Tom Trồ añ jê; añ rơp yò tơngguh bơta gơklŏ Kơnràñ dê, mơ jòng ro sơnđan Kơnràñ, bơh Kơnràñ neh lơh ală bơta crih crài krơi is, la ală bơta neh lơh nền bơh yau òr, dô bă dòn song mơ song ngan.

Esai 29:22

Behơ̆ tàng, Yàng Jehôwa neh đơs, la Bơtau neh dong tơwài Abraham, neh đơs bơh hìu Jakôp be do: “Jakôp rơp ò gam ƀàssìl tai, muh mat bol khai dê rơp ò pàl tai.

Esai 45:17

Mơya Israel rơp geh Yàng Jehôwa dong klàs, mơ bơta dong klàs gam sùm sùm ò lồi; Mê rơp ò tŭ lơi gơkòl tòm bơta ƀàssìl hala gơkòl sền òsơp jơl tus jơh ală rài.

Esai 49:23

Ală cau bơtau rơp lơh gơs bèp ròng bol mê dê, ală bơtau ùr bol khai dê rơp lơh gơs mè siam mơ tơmpô bol mê. Bol khai rơp tơmbic să blup mat tòm ù di đap bol mê; bol khai rơp liap kơmbuh ù di jơng bol mê. Gen mê rơp git lah Añ la Yàng Jehôwa; ală cau gơn kơnòm di Añ rơp ò ƀàssìl.

Esai 54:4

Bañ rngòt, bơh ai rơp ò kòl ƀàssìl. Bañ ruc wơl bơh ai rơp ò gơkòl sền òsơp; Ai rơp hŭi bơta ƀàssìl tŭ ai gam ơruh, mơ ò tai kah bơta sền òsơp tòm tŭ ai ơm bơnrau.

Esai 55:2

Ñchi bơh tài bol mê tơm jền nàng blơi phan ò di la piang lă, mơ kong bòl glar lơh broă nàng geh phan ò lơh hòm klung taih? Kơrhia tĕ, Iat tĕ Añ! Mơ sa tĕ phan niam, mơ lơh să tòm bol mê hòn chò bơh phan bơkah rlau jơh.

Lebi 25:19

Gen ù tiah rơp tơnggơs ală plai đo gơ dê, mơ bol mê rơp sa hòm mơ kis ring lơngai.

Lebi 26:26

Tòm tŭ Añ ò tai rcang ai phan sa bol mê in, jơt nă cau ùr rơp rgơi gơm piang bal mìng hơđang dô nơm bơnhă ồs lơm, bol khai rơp kơr phan sa ai bol mê in; bol mê rơp sa mơya ò hòm.

Lebi 26:5

Kơnhai pơrjòt kòi bol mê dê rơp pơnjat tus kơnhai pic plai ño, mơ kơnhai pic plai ño rơp pơnjat tus di kơnhai tam gơ, mơ bol mê rơp sa jơh ală phan sa bol mê kòñ mơ ơm kis lơngap lơngai tòm lơgar bol mê dê.

Mice 6:14

Mê rơp sa mơya ò geh hòm; klung mê dê rơp gam jơgloh tòm să mê. Mê rơp prap lòi phan mơna mơya ò geh klàs, bơh phan lơi mê prap lòi gen Añ rơp jào gơ đào in.

Sôphôni 3:11

Tòm ngai hơ̆, bol mê rơp ò gam ƀàssìl, tài bơh ală broă lơh mơ bol mê neh pơrlơ̆ dră di Añ, tài bơh hơ̆ Añ rơp tă sang bơh digùl bol mê ală cau jòng să, hừh nùs, mơ mê rơp ò gam jòng să hơđang mơnơm sàng goh Añ jê.

Sacari 9:15

Yàng Jehôwa Gơnap Gơnoar Dờng Làm Jơh rơp rcang gàr bol khai, mơ bol khai rơp sa loan mơ jă tơnlề ală cau pañ sơna mơ lŭ. Bol khai rơp lơh gơtuh mhàm cau sò tơm bol khai dê kung be cau bơñul; bol khai rơp geh bềng kung be dô nơm jơrlŭ dà ngui nàng rsìh hơđang ală mum cơnòng duh khoai dê.

Sacari 9:17

Bơta niam mơnĕ mơ hàng mơnĕ Kơnràñ dê ò git nđò! Kòi mbo rơp lơh ală klau pơnu in bơtào dờng mơ tơrnòm pa lơh cau ơruh in chò hòp.

Rôma 10:11

Sră Goh đơs lah: “Cau lơi dòn di Kơnràñ gen rơp ò roh bơta gơn kơnòm.”

Rôma 5:5

Mơ bơta gơn kơnòm ò lơh ƀàssìl, bơh bơta kòñ gơboh Yàng Tom Trồ dê neh tuh tòm nùs bol he la bơh Yàng Hwềng Goh la Bơtau mơ Yàng Tom Trồ neh ai gòi bol he in.

Rôma 9:33

be neh cih lah: “Do Añ lòi di Siôn dô nơm pơnai lŭ gơtup jơng, dô nơm pơnai lŭ gơtup pừ; Cau lơi dòn di lŭ hơ̆ gen rơp ò gơs ƀàssìl.”

Yal Wơl 11:15

Kơnràñ rơp rcang gơs ñhơt tòm ală ƀlàng ală phan poan jơng bol mê in, mơ bol mê rơp sa mơ geh hòm lai.

Yal Wơl 12:12

Mơ tềng hơ̆ hòn chò tĕ di đap Jehôwa Yàng Tom Trồ bol mê dê, bol mê, ală kòn klau mơ kòn ùr bol mê dê, ală cau klau cau ùr duh broă bol mê dê, mơ ală cau Lebi bơh di ală ƀòn dờng bol mê dê, la ală cau ò geh tòmpà ù tiah hala sre brê lơh gơs phan tòm bol khai dê.

Yal Wơl 12:18

Gơpơrlơ̆ wơl, bol mê pal sa ală phan hơ̆ di đap mat Jehôwa Yàng Tom Trồ bol mê dê tòm dô bă tiah mơ Jehôwa Yàng Tom Trồ bol mê dê rơp sac rwah, bol mê, ală kòn klau mơ ală kòn ùr bol mê dê, ală cau klau mơ ală cau ùr duh broă bol mê dê, mơ ală cau Lebi bơh di ală ƀòn dờng bol mê dê, mơ bol mê rơp hòn chò di đap Jehôwa Yàng Tom Trồ bol mê dê bơh jơh ală phan mơ tê bol mê neh lơh gơs.

Yal Wơl 12:7

Tềng hơ̆, di đap mat Jehôwa Yàng Tom Trồ bol mê dê, bol mê mơ ală hìu nhă bol mê dê rơp sa mơ rơp hòn chò bơh jơh ală phan mơ tê bol mê neh lơh gơs, tài bơh Yàng Jehôwa neh ai lơngai bol mê in.

Yal Wơl 8:10

Behơ̆, bol mê rơp sa hòm lai, mơ jòng ro Jehôwa Yàng Tom Trồ bol mê dê. Tài bơh lơgar hàng mơnĕ mơ Kơnràñ neh ai bol mê in.

I Timôthe 6:17

Bơto tĕ kràñ cê cau pas gơs ơm tòm dunnia do bañ pơnhừ să mơ bañ ơn nùs gơn kơnòm di phan mơna ò kơ̆ nền, mơya pal ơn tĕ nùs gơn kơnòm di Yàng Tom Trồ, la Bơtau ai gòi jơh ală phan lìu làc bol he in dòp geh dô bă hòn chò.

I Jang 2:28

Behơ̆ tòm tŭ do, ơ ală kòn añ jê, ơm tĕ sùm tòm Kơnràñ, nàng tòm tŭ Kơnràñ tơlik mat, gen bol he gơs nùs khin cha, ò gơs ƀàssìl di đap Kơnràñ tòm tŭ Kơnràñ tus wơl.