Jôel 2:24 - Sră Goh 2018

²⁴ Ală làn kòi rơp bềng lìu kòi, ală yang dờng rơp bềng lìu tơrnòm mơ mơñà.

Jôel 2:24 Mawu Ofanana

Ejekiel 36:8

Mơya bol mê, ơ ală mơnơm Israel dê, bol mê rơp cat ală ntê mơ gơlik plai làng bol Israel Añ in; bơh gam dô êt tai gen bol khai rơp rê hìu.

Jôel 3:13

Ơn tĕ mơ̆, bơh kơnhai toès neh tus. Tus tĕ pat plai ño, bơh mpal pat tơrnòm neh bềng, mơ ală thùng dờng neh bềng, bơh bơta iơh bơsak bol khai dê dờng ngan.

Jôel 3:18

Tòm ngai hơ̆, ală mơnơm rơp gơhòr tơrnòm lơngồt, mơ ală dòr rơp gơcat dà toh; jơh ală croh Juda dê rơp gơhòr dà. Dô nơm croh dà rơp hòr lik bơh di hìu Yàng Jehôwa dê mơ tuh làm tòm Thòng Sitim.

Lebi 25:19

Gen ù tiah rơp tơnggơs ală plai đo gơ dê, mơ bol mê rơp sa hòm mơ kis ring lơngai.

Lebi 26:10

Tòm tŭ bol mê gam sa phan neh toès nam lài gen bol mê pal tă cèng ơn gơ tiah ndai, lòi tiah nàng cèng prap phan pa toès.

Amôs 9:13

Yàng Jehôwa đơs lah: “Ală ngai rơp tus, tòm tŭ cau lơòr rơp jat bàn cau toès, cau pơrjă plai ño jat bàn cau tam ño. Tơrnòm pa rơp ñhat bơh di ală mơnơm, mơ hòr lik bơh di ală dòr.

Malaci 3:10

Cèng tĕ jơh ală pơnah jơt tơmut tòm hìu đam, tồ gơs phan sa tòm hìu Añ. Lòng tĕ Añ tòm bơta do,” Yàng Jehôwa Gơnap Gơnoar Dờng Làm Jơh đơs behơ̆. “Mơ sền dilah Añ ò pò ală mpồng dềt hơđang trồ bol mê in, mơ tuh bơta lơngai lơngò oă ngan bol mê in, tian gơs ò tang tiah prap tai!