Jôel 2:23 - Sră Goh 2018

²³ Ơ làng bol Siôn, hòn chò mơ chò hòp tĕ tòm Jehôwa Yàng Tom Trồ bol mê dê; bơh Kơnràñ neh ai bol mê in mìu gòñ bồ sơnam bol mê in, Kơnràñ tuh mìu lìu làc bol mê in, mìu bồ sơnam mơ lồi sơnam, jat bơta kơ̆ dơn Kơnràñ dê, tơndùh bol mê in be lài.

Jôel 2:23 Mawu Ofanana

I Ală Bơtau 8:36

gen dan Yàng ơm đang trồ iat tĕ, toh glài ală dĭ gơna Yàng, mơ làng bol Israel Kơnràñ in, tòm tŭ Yàng bơto bol khai in gùng niam hơ̆ la gùng bol khai pal lòt, mơ ai mìu hơđang ù tiah Yàng dê mơ Kơnràñ neh ai làng bol Kơnràñ in lơh gơs sre brê.

Sră Jop 33:23

Behơ̆ gen, dilah gơs dô nă tòm bol khai la cau gơnrơh, Dô nă cau đơng kừh, dô nă tòm dô rbô nă, la dô nă cau yal loh dô nă cau song ring,

Sră Jop 37:13

Kơnràñ sồr ală mhwal lơh gơs bơta lơh glài tơmàl, hala tuh ù tiah Kơnràñ in, hala bơh bơta kòñ gơboh.

Đơs Crih 104:34

Dan bơta kơlôi sơnơng añ jê geh niam nùs Kơnràñ, Bơh añ chò hòp tòm Yàng Jehôwa.

Đơs Crih 147:8

Kơnràñ jơm ală tap trồ mơ mhwal, Rcang dà mìu ù in, Mơ lơh ñhơt in hòn hơđang dòr.

Đơs Crih 149:2

Lòi Israel in hòn chò di Bơtau crơng gơs khai, Lòi kòn sau Siôn dê chò hòp di Bơtau at bồ bol khai dê!

Đơs Crih 28:7

Yàng Jehôwa la bơta pràn kơldang mơ la khèl añ jê; Nùs añ neh dòn kơnòm di Kơnràñ mơ geh dong kòl; Tài behơ̆ nùs añ gơs hòn chò ngan, Mơ añ ai bơta đơs chò nàng ưnngài Kơnràñ.

Đơs Crih 32:11

Ơ ală cau song ring, chò hòp mơ hòn chò tĕ tòm Yàng Jehôwa! Ơ ală cau gơs nùs song ngan, driau dờng mơ hòn chò tĕ!

Đơs Crih 84:6

Tòm tŭ lòt gan sơndiang ñìm rac, Bol khai lơh sơndiang hơ̆ gơlik tiah gơs dà cat, Mìu bồ sơnam kung jơm gòm gơ mơ dà.

Jơnau Pơnđik 16:15

Kơnòm di muh mat àng gơcrà bơtau dê gen geh bơta kis; bơta niam nùs khai ò gơkrơi be dô puk mhwal cèng mìu bồ sơnam.

Esai 30:21

Bulah bol mê pơrlac đah ma hala đah kiau, tồr bol mê rơp kơno gơs sap đơs đah ngkòi bol mê lah: “Do la gùng, lòt tĕ tòm hơ̆!”

Esai 30:23

Yàng rơp sồr mìu dùh hơđang gar sơntìl bol mê neh sih tòm ù; phan sa bơh ù tơnggơs rơp gơs oă mơ tơngkah tơngkañ. Tòm ngai hơ̆ phan poan jơng bol mê dê rơp sa ñhơt tòm ƀlàng dờng ơnàng.

Esai 41:16

Mê rơp tòmpơr gơ, càl rơp cèng pơrdô gơ, càl rbut dờng rơp rsìh bol gơ roh jơh. Mơya mê rơp hòn chò tòm Yàng Jehôwa, geh gơklŏ tòm Bơtau Sàng Goh Israel dê.

Esai 61:10

Añ rơp chò hòp ngan tòm Yàng Jehôwa, hwềng soàn Añ rơp hừh hơh tòm Yàng Tom Trồ Añ jê; bơh Kơnràñ neh tơnsoh Añ in ală ào bơta dong klàs mơ jơm gòm Añ mơ ào jrùh bơta song ring dê be cau bơrtơu bơka să khai mơ sơgơn bơkào; mơ be dô nă ƀan bơka să khai mơ ală lŭ màng khai dê.

Jeremi 3:3

Behơ̆ tàng mìu nhàc neh kòl krơ̆ wơl, mơ mìu bồ sơnam kung ò tus. Mơya mê gam pò bìng liang kung be cau ùr dri tơlàr; Ò git ƀàssìl.

Jeremi 5:24

Bol khai ò đơs tòm nùs lah: ‘Bol he duh rngòt tĕ Jehôwa Yàng Tom Trồ he Hơ̆ la Bơtau ai mìu jat kơnhai sơnam Ai mìu bồ sơnam mơ mìu lồi sơnam, Mơ prap gàr bol he in Prap lòi ală poh lơh nền kơnhai toès in.’

Ñìm Rac 4:2

Ală kòn sau kas màng Siôn dê, kwơ màng kung be màh ngan, mbe lơh bol khai kong sền òsơp kung be ală gri lơh mơ ù kơnàng la broă lơh bơh tê cau chài mòn ù dê!

Ejekiel 34:26

Añ rơp ai lơngai bol gơ in bal mơ tiah gùt dar dòr añ jê. Añ rơp đùh mìu di di kơnhai gơ dê, hơ̆ rơp la mìu lơngai lơngò.

Sră Ôse 6:3

Lòi bol he đal git tĕ Yàng Jehôwa; bol he pơnđơl tĕ đal git Kơnràñ. Bơta tơlik mat Kơnràñ dê la nền cê ngan be rìng àng drim, Kơnràñ rơp tus hơ bol he kung be trồ mìu nhàc, be mìu kơnhai phàng tơnsùh ù tiah.”

Lebi 26:4

Añ rơp đùh mìu bol mê in tòm toh kơnhai, ù tiah rơp gơlik kòi mbo mơ ală chi gơlik plai đo gơ dê.

Amôs 4:7

“Añ kung neh ò bài tơndùh mìu bol mê in, tòm tŭ gam pe kơnhai sồng tus di kơnhai toès. Añ neh đùh mìu hơđang dô nơm ƀòn do, mơya ò đùh mìu hơđang dô nơm ƀòn ndai. Dô lồ sre do neh geh mìu, dô lồ ndai ò geh mìu dô êt lơi mơ gơlik ro rañ.

Sacari 10:1

Dan tĕ Yàng Jehôwa dùh mìu tòm kơnhai bơkào chi che; Yàng Jehôwa la Bơtau lơh gơs ală mhwal càl rbut. Kơnràñ dùh mìu dờng ală bol mê in, mơ ai biap hòn tòm ƀlàng kòp nă cau in.

Sacari 10:7

Cau Epraim rơp gơlik gơs kung be ală cau ling jak tòmlơh, mơ nùs bol khai rơp chò hòp kung be cau ñô tơrnòm. Kòn sau bol khai rơp gŏ bơta hơ̆ mơ chò hòp; nùs bol khai dê rơp geh hừh hơh tòm Yàng Jehôwa.

Sacari 9:13

Añ rơp wàr Juda kung be Añ wàr àtak Añ jê mơ ơn Epraim kung be kam gơ dê; Ơ Siôn, Añ rơp bơtào tơngguh ală kòn klau mê dê tòmdră mơ ală kòn klau Grek dê mơ Añ rơp ngui mê gơlik kung be dô nơm đào tòm tê pràn cau tòmlơh dê.

Sacari 9:9

Ơ kòn ùr Siôn, hòn chò hừh hơh tĕ! Ơ kòn ùr Jerusalem, driau dờng tĕ! Ne, Bơtau ai dê tus mơ ai, Kơnràñ la Bơtau pha lin mơ ai bơta pha lin rlau, pơndêt să mơ hào hơđang dô nơm alàng, dô nơm alàng kòn, kòn alàng me dê.

Broă 14:17

bulah behơ̆ Kơnràñ kư̆ lơh cơng sùm bơh să tòm he, pà bơta lơngai lơngò, ai mìu bơh đang trồ, pà ai sơnam kơnhai gơs oă plai đo, phan sa tơngkah tơngkañ, lơh nùs oh mi bềng lìu bơta hòn chò.”

Yal Wơl 11:14

gen Kơnràñ rơp dùh mìu hơđang lơgar bol mê dê di kơnhai sơnam gơ dê, mìu tòm kơnhai jrùh nha mơ mìu tòm kơnhai bơkào chi che tồ bol mê rgơi toès prap kòi mbo, tơrnòm pa mơ mơñà bol mê dê.

Yal Wơl 28:12

Yàng Jehôwa rơp pò ală tap trồ la đam jàr lìu làc Kơnràñ dê nàng tơndùh mìu hơđang ù tiah bol mê dê di di kơnhai mơ nàng ai lơngai hơđang jơh ală broă tê bol mê lơh. Bol mê rơp ai oă làng bol in càn mơya bol mê rơp ò càn bơh di dô nơm lơgar lơi.

Yal Wơl 32:2

Dan jơnau bơto sồr añ jê gơdùh be mìu, mơ ală jơnau đơs añ jê gơ mù be dà mơryuh, kung be mìu nhàc hơđang ñhơt pa hòn, kung be mìu dờng hơđang ƀlàng ñhơt.

Philip 3:1

Lồi tơnơ̆, ơ oh mi añ jê, hòn chò tĕ tòm Yàng! Añ ò dil cih tai ală broă do oh mi in bơh hơ̆ la lơngap lơngai ală oh mi in.

Philip 3:3

Bơh să tòm bol he la cau kong siat gơltau ngan, la cau kơnòm di Yàng Hwềng Yàng Tom Trồ dê mơ duh khoai, jòng să tòm Yàng Krist Jesu, mơ ò dòn kơnòm dê poac să.

Philip 4:4

Hòn chò tĕ tòm Yàng sùm sùm. Añ đơs wơl tai: Hòn chò tĕ!