Jôel 2:21 - Sră Goh 2018

²¹ Ơ ù tiah, bañ rngòt; chò hòp mơ hòn chò tĕ. Bơh Yàng Jehôwa neh lơh ală broă dờng.

Jôel 2:21 Mawu Ofanana

Sơnròp Gơlik Gơs 15:1

Tơnơ̆ mơ ală broă hơ̆, tòm dô bơta gơtơnggŏ gơs jơnau Yàng Jehôwa đơs mơ Abram lah: “Ơ Abram, bañ rngòt! Añ la khèl đo mê dê, phan ƀàn mê rơp dờng ngan.”

Đơs Crih 71:19

Ơ Yàng Tom Trồ, gơnap gơnoar mơ bơta song ring Kơnràñ dê jơnhoa tus di ală tap trồ. Kơnràñ la Bơtau neh lơh ală broă dờng ngan; Ơ Yàng Tom Trồ, ñcau rgơi ndròm be Kơnràñ taih?

Đơs Crih 98:8

Lòi ală hiòng dà tih tap tê, Ală mơnơm hòn chò đơs chò dô bă bal di đap Yàng Jehôwa,

Esai 35:1

Ƀlàng ngềt ngơt mơ tiah ro rañ rơp chò hòp; ƀlàng bràs rơp hòn chò mơ gơcat bơkào be bơkào Rmit.

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

Esai 44:23

Ơ ală tap trồ, đơs chò hòn chò tĕ, bơh Yàng Jehôwa neh lơh bơta hơ̆; Ơ ù tiah hơđơm, driau dờng tĕ! Ơ ală mơnơm, ală brê dơr bal mơ jơh ală chi che tòm hơ̆, pò tĕ jơnau mơ đơs chò! Bơh Yàng Jehôwa neh dong tơwài Jakôp. Kơnràñ ràng tơlik bơta gơklŏ Kơnràñ dê tòm Israel.

Esai 54:4

Bañ rngòt, bơh ai rơp ò kòl ƀàssìl. Bañ ruc wơl bơh ai rơp ò gơkòl sền òsơp; Ai rơp hŭi bơta ƀàssìl tŭ ai gam ơruh, mơ ò tai kah bơta sền òsơp tòm tŭ ai ơm bơnrau.

Esai 55:12

Bơh bol mê rơp lik lòt tòm bơta hòn chò, gen lam rê wơl tòm bơta lơngap lơngai. Ală mơnơm mơ ală dòr rơp ai jơnau đơs chò di đap bol mê, mơ jơh ală chi che tòm ƀlàng rơp tàp tê bol gơ dê.

Jeremi 33:3

‘Lùp tĕ Añ, Añ rơp ho wơl mê in; Añ rơp yal mê in ală broă dờng mơ ndơp ndơr, la ală broă mê òhềt tŭ lơi git.’

Sră Ôse 2:21

Yàng Jehôwa đơs: “Tòm ngai hơ̆, Añ rơp ho wơl, Añ rơp ho wơl mơ ală tap trồ, mơ ală tap trồ rơp ho wơl mơ ù tiah.

Jôel 2:20

Añ rơp lơh mpồl ling tus bơh đah đang pleh ngài bơh di bol mê, bơtrơh bol khai tus tòm tiah ro rañ ò rgơi tùc tam, bơh hơđap bol khai mut tòm dàlềng đah mattơngai lik, mơ đah ngkòi mut tòm dàlềng đah mattơngai mut. Ƀô ồm bol khai dê gơ par mơ ƀô ngir bol khai dê gơguh hơđang.” Ngan, Kơnràñ neh lơh ală broă dờng.

Jôel 2:26

Bol mê rơp sa tòm bơta tơngkah tơngkañ mơ geh hòm lai, mơ bol mê rơp jòng ro sơnđan Jehôwa Yàng Tom Trồ bol mê dê, La Bơtau neh lơh ală bơta crih crài bol mê in; Làng bol Añ jê rơp ò gơs tŭ lơi kong ƀàssìl tai.

Sacari 8:15

gen tŭ do Añ kung lơh nền gơwèt niam mơ Jerusalem mơ Juda sơl. Bañ rngòt rngơt!

Yal Wơl 4:32

Tŭ do lùp tĕ bơh ală ngai yau òr, jŏ jòng lài mơ pah rài bol mê dê, bơh ngai Yàng Tom Trồ neh crơng gơs kòn mơnus hơđang plai ù; lùp tĕ bơh dê jơng ală tap trồ do tus hơ đah ne.

I Samuel 12:16

Behơ̆ tŭ do, ntào tĕ tềng do mơ sền broă dờng mơ Yàng Jehôwa rơp lơh di đap mat bol mê dê.

I Samuel 12:24

Mìng duh rngòt tĕ Yàng Jehôwa mơ jơh nùs dòn song duh broă Kơnràñ dê; sền sơwì tĕ bơh ală broă dờng mơ Kơnràñ neh lơh bol mê in.