Jôel 2:20 - Sră Goh 2018

²⁰ Añ rơp lơh mpồl ling tus bơh đah đang pleh ngài bơh di bol mê, bơtrơh bol khai tus tòm tiah ro rañ ò rgơi tùc tam, bơh hơđap bol khai mut tòm dàlềng đah mattơngai lik, mơ đah ngkòi mut tòm dàlềng đah mattơngai mut. Ƀô ồm bol khai dê gơ par mơ ƀô ngir bol khai dê gơguh hơđang.” Ngan, Kơnràñ neh lơh ală broă dờng.

Jôel 2:20 Mawu Ofanana

II Ală Bơtau 8:13

Hajael đơs: “Dĭ gơna ồng dê la ñchi, la be dô nơm so; mbe khai rgơi lơh ală bơta dờng behơ̆ taih?” Elise ho lah: “Yàng Jehôwa neh yal añ in la mê rơp lơh gơs bơtau cau Aram dê.”

Đơs Crih 126:3

Yàng Jehôwa neh lơh ală broă dờng bol hi in, Gen tàng bol hi hòn chò.

Lik Ejiptơ 10:19

Yàng Jehôwa tòmgơl càl mơ cèng tus dô ròs càl pràn ngan đah mattơngai mut, gơkhồm pơrdô jơh ală srah nting tus tòm Dàlềng Pơrhê. Ò gam dô nơm srah nting lơi tòm tiah Ejiptơ.

Lik Ejiptơ 8:14

Cau tơrgòm ală kit gơs ală gơnru dờng, mơ ƀô ồm làm jơh lơgar

Esai 34:3

Cau kong sreh tơnchơt bol khai dê rơp kòl sang sơrbì, ƀồc bol khai dê rơp ƀô ồm; ală mơnơm rơp hòr bơh mhàm bol khai dê.

Ejekiel 47:18

Đah mattơngai lik gen nhàr rơp gơ lòt bơh digùl Hauran mơ Damas lòt jat rò gah Jordan, digùl Galaat mơ lơgar Israel, tus di dàlềng đah mattơngai lik mơ lòt ngài tus di Tamar. Hơ̆ la nhàr đah mattơngai lik.

Amôs 4:10

“Añ neh sồr pluh plàng tus digùl bol mê kung be Añ neh lơh tòm Ejiptơ. Añ tơnchơt ală cau klau pơnu bol mê dê mơ đào; Añ neh kup cèng ală ơseh bol mê dê. Añ neh lơh ƀô ồm bơh tòm sàl bol mê dê gơmut tòm trồm muh bol mê dê, bulah behơ̆ bol mê kung ò rê wơl mơ Añ,” Yàng Jehôwa đơs behơ̆.

Sacari 14:8

Tòm ngai hơ̆, dà kis rơp hòr lik bơh Jerusalem, nggùl hòr tus hơ dàlềng đah mattơngai lik, nggùl hòr tus hơ dàlềng đah mattơngai mut, tòm kơnhai prang mơ tòm kơnhai noat mrềt.

Malaci 3:11

Añ rơp lah pơrhơng srah nting nàng gơ ò sa tơnroh ală plai đo bơh ù bol mê dê; mơ ală tòm ño tòm ală suơn bol mê dê rơp ò rung plai gơ dê lài mơ tŭ tus kơnhai pic plai,” Yàng Jehôwa Gơnap Gơnoar Dờng Làm Jơh đơs behơ̆.

Yal Wơl 11:24

Tiah lơi mpàng jơng bol mê jă gen rơp gơrê bal mơ bol mê. Ù tiah bol mê dê rơp bơh di ƀlàng ngềt ngơt tus hơ Liban, mơ bơh di hiòng Ơphrat tus hơ dàlềng đah mattơngai mut.