Jôel 2:2 - Sră Goh 2018

² Dô ngai klam jơngo, mơ ngềt ngơt, dô ngai bềng mhwal mơ jơngo cik. Be bơta jơngo jù cik gòm hơđang ală mơnơm, dô mpồl ling dờng mơ pràn kơldang lòt tus; bơta behơ̆ bơh rài yau òhềt tŭ lơi gơs, mơ kung rơp ò tŭ lơi gơs behơ̆ tòm rài tơnơ̆ rơp tus sơl.

Jôel 2:2 Mawu Ofanana

Đơs Crih 10:6

Khai kơlôi lah: “Añ rơp ò wañ lơnggơh; Tòm jơh ală rài añ rơp ò gơtìp bơta bòl glar lơi.”

Đơs Crih 97:2

Mhwal mơ bơta klam jơngo ơm gùt dar Kơnràñ; Bơta song ring mơ bơta song ngan lơh gơs mơnàng sơbàn Kơnràñ dê.

Lik Ejiptơ 10:14

Bol gơ ơm bềng làm jơh tòm lơgar Ejiptơ, mơ gơ mù oă ngan ò git nđò hơđang jơh ală kơnhwàl tòm lơgar. Bơh yau òr òhềt tŭ lơi gơs dô bơta rung rài bơh srah nting behơ̆, mơ tơnơ̆ tai kung ò tŭ lơi rơp gơs ndròm behơ̆ tai.

Lik Ejiptơ 10:6

Bol gơ rơp mut bềng tòm ală hìu mê dê, tòm ală hìu jơh ală cau kwang duh broă mê dê, mơ tòm jơh ală hìu tum cau Ejiptơ dê; hơ̆ la dô bơta mơ mè bèp mơ ồng pàng bol mê dê kung òhềt tŭ lơi gŏ bơh tŭ bol khai neh ơm tòm lơgar do jơl tus di ngai do.’” Gen Môise wơlke mơ lik lòt bơh di Pharaôn.

Lik Ejiptơ 20:21

Làng bol kư̆ ơm bơh ngài, tòm tŭ Môise tus rềp di puk mhwal lơut ngan gơs Yàng Tom Trồ ơm.

Esai 5:30

Tòm ngai hơ̆, bol khai rơp driau dờng tòmdră mơ gơ ò gơkrơi be nggồr dàlềng. Mơ dilah gơs cau sền tòm lơgar, mìng gŏ klam jơngo mơ bòl glar; bulah bơta àng kung rơp gơlik jơngo bơh ală puk mhwal.

Esai 8:22

hala bol khai rơp sền di ù, mơya mìng gŏ bơta jê sồt bòl glar mơ klam jơngo mơ bơta rngòt rngơt, mơ bol khai rơp kong bơtrơh tơmut tòm bơta klam jơngo cik.

Jeremi 13:16

Ơn tĕ bơta gơklŏ Jehôwa Yàng Tom Trồ bol mê in, Lài mơ tŭ Kơnràñ òhềt sồr bơta klam jơngo tus, Lài mơ tŭ jơng bol mê òhềt gơtup hơđang ală mơnơm tŭ trồ mòr jơngo. Tŭ bol mê gơn bơta àng, Mơya Kơnràñ rơp tòmgơl gơ gơlik gơs mƀur bơta chơt, Gơlik gơs mƀur jơngo cik.

Jeremi 13:6

Tơnơ̆ mơ hơ̆ jŏ ngai, Yàng Jehôwa đơs mơ añ lah: “Tŭ do, lòt tĕ hơ hiòng Ơphrat, tă tĕ che but mơ Añ neh sồr mê pồn tềng hơ̆.”

Ñìm Rac 1:12

Ò gơs bơta lơi bol mê in! Ơ bol mê la ală cau lòt gan? Sền mơ rmê tĕ dilah gơs bơta moat jrùng lơi be bơta moat jrùng añ jê, la ală bơta neh cèng tus hơđang añ, hơ̆ la bơta Yàng Jehôwa neh lơh glài añ in tòm ngai Kơnràñ gơhào gơjrañ.

Ejekiel 32:7

Tòm tŭ Añ tơnroh mê gen añ rơp jơm ală tap trồ mơ lơh jơngo ală sơmañ gơ dê; Añ rơp ai mhwal cang kìng mattơngai, mơ mat kơnhai rơp ò tai pơnđàng bơta àng gơ dê.

Ejekiel 34:12

Be cau ê lòt jòi mpồl belàt khai dê, tòm tŭ bol khai neh ơm digùl ală belàt nrah nring khai dê, behơ̆ Añ rơp lòt jòi mpồl belàt Añ jê. Añ rơp dong tă bol gơ bơh di jơh ală tiah bol gơ neh lòt nrah nring tòm dô ngai gơs mhwal mơ jơngo cik.

Ejekiel 38:9

Mê mơ jơh ală mpồl ling mê dê, mơ mpồl oă làng bol bal mơ mê rơp guh mơ lòt hơđap kung be càl rbut; mê rơp kung be dô puk mhwal jơm gòm jơh lơgar.’”

Daniel 12:1

“Tòm tŭ tơngai hơ̆, Mikael la cau gơnrơh dờng, cau sền gàr làng bol mê dê rơp guh. Rơp gơs dô tŭ tơngai jê sồt bòl glar tian gơs bơh tŭ pa bơtào gơs ală lơgar tus di tŭ tơngai hơ̆ kung ò gơs tŭ lơi gơs behơ̆. Mơya tòm tŭ hơ̆, làng bol mê dê cau lơi geh cih sơnđan mat tòm sră gen rơp geh dong klàs.

Daniel 9:12

Kơnràñ neh lơh gơlik gơs ală jơnau neh đơs tòmdră mơ bol hi mơ ală cau kwang at bồ bol hi dê, mơ đùh bơta rung rài dờng hơđang bol hi. Làm jơh tòm tiah trồ do, ò gơs bơta neh gơlik gơs ndròm be bơta neh gơlik gơs hơđang Jerusalem.

Jôel 1:6

Dô nơm làng bol pràn kơldang mơ gal ngan, neh tus tòmpìt lơgar Añ jê; gơ gơs sề kung be sề klìu triă, mơ gơnèng kung be gơnèng klìu triă me dê.

Jôel 2:25

Añ rơp tơm wơl bol mê in bơh ală sơnam neh kong srah nting sa roh, srah nting dờng, srah nting dềt, srah nting ndai la mpồl ling dờng mơ Añ neh sồr tus digùl bol mê.

Jôel 2:31

Mattơngai rơp gơlik klam jơngo, mat kơnhai gơlik gơs mhàm, lài mơ tŭ tus ngai dờng mơ rngòt rngơt Yàng Jehôwa dê.

Jôel 2:5

Bol gơ ntoat be rơndeh ơseh sơnđoh hơđang ală bồ mơnơm, gơs sap be ntas ồs sa rhe, kung be mpồl ling pràn kơldang brồ tus tòm tiah tòmlơh.

Jôel 3:4

Ơ Tirơ mơ Sidôn, mơ jơh ală kơnhwàl lơgar Philistin dê, ñchi bơta bol mê tơm wơl Añ in taih? Bol mê kòñ sal wơl di Añ bơh ală broă Añ neh lơh ơ? Dilah bol mê sal wơl di Añ, Añ rơp sơrbac sơrbang mơ mhar tuh wơl hơđang bồ bol mê ală bơta bol mê neh lơh.

Amôs 4:13

Kơnràñ la Bơtau neh lơh gơs ală mơnơm, neh crơng gơs càl mơ yal tơlik bơta kơlôi sơnơng Kơnràñ dê kòn mơnus in, la Bơtau neh lơh àng drim gơlik klam jơngo, mơ cơnđòa lòt hơđang ală tiah jòng ù dê; Jehôwa Yàng Tom Trồ Gơnap Gơnoar Dờng Làm Jơh la sơnđan Kơnràñ.

Sôphôni 1:7

Ơm tĕ mŏ mŏ di đap Jehôwa Yàng Tom Trồ, bơh ngai Yàng Jehôwa dê neh tus rềp. Yàng Jehôwa neh rcang sir dô nơm phan ơn duh khoai; Kơnràñ neh ơn is ală cau neh geh jà.

Sacari 14:6

Tòm ngai hơ̆ rơp ò gơs bơta àng, ò noat hala mrềt.

Mathiơ 24:21

Bơh tŭ hơ̆ rơp gơs bơta rung rài dờng, tian gơs bơh tŭ crơng gơs jơl tus di tŭ do òhềt gơs, mơ kung rơp ò tŭ lơi gơs behơ̆.

Jơnau Niam Jat Mak 13:19

Bơh tòm ală ngai hơ̆ rơp gơs bơta rung rài, tian gơs bơh sơnròp Yàng Tom Trồ crơng gơs trồ tiah jơl tus di tŭ do òhềt gơs behơ̆, mơ kung rơp ò tŭ lơi gơs behơ̆ sơl.

Yal Wơl 32:7

Kah wơl tĕ ală ngai yau òr, kơlôi tĕ bơh ală rài neh rlau jŏ rau. Lùp tĕ bèp bol mê dê mơ khai rơp yal bol mê in, Lùp tĕ ală cau kwang kra bol mê dê gen bol khai rơp yal tơlik bol mê in.

Hebrơ 12:18

Mơ tai, oh mi ò di lòt tus hơ dô nơm mơnơm cau rgơi ƀư mơ gơs ồs sa hơng, kung ò tus hơ mhwal jù, klam jơngo, càl rbut,

Jude 1:13

Bol khai la ryà dàlềng lơnggac dờng ngan, kơmbuh bơta ƀàssìl ƀàsso bol khai dê; bol khai kung be ală sơmañ lòt gơlềng gơlàng, mơ bơta klam jơngo cik neh geh prap lòi sùm sùm bol khai in.

Yal Tơlik 9:2

Sơmañ hơ̆ pò brong jrô hùt hung, gen gơs ñhŭ gơguh be ñhŭ dô nơm bơnhă ồs dờng; mattơngai mơ pah gòi gơlik gơs jơngo bơh ñhŭ guh bơh bơtô hơ̆.