Jôel 2:19 - Sră Goh 2018

¹⁹ Yàng Jehôwa rơp ho wơl mơ bol khai lah: “Do, Añ rơp ai bol mê in: kòi mbo, tơrnòm pa, mơ mơñà, tơl nàng bol mê in geh hòm lai wil tơl; mơ Añ ò tai lơh bol mê in gơlik gơs dô jơnau cau dơñŏ tơnhial digùl ală làng bol.

Jôel 2:19 Mawu Ofanana

Jeremi 31:12

Bol khai rơp tus mơ driau chò hơđang ală tiah jơnhoa Siôn dê; bol khai rơp àng gơcrà tòm bơta lơngai niam Yàng Jehôwa dê, Bơh kòi mbo, tơrnòm pa, mơ mơñà, Ală belàt kòn mơ kơnrồ kòn; Bơta kis bol khai dê rơp be dô nơm suơn tuh dà sùm, Mơ bol khai rơp ò gam lơbơn òsô tai.

Ejekiel 34:29

Añ rơp rcang ai bol khai in ù tiah tùc tam bơh plai đo pơnro niam, bol khai rơp ò tai kong jơgloh tòm lơgar, hala kong ală lơgar bơtat bơtròh tai.

Ejekiel 36:15

Añ rơp ò tŭ lơi lòi mê kơno ală jơnau lah sơrpah ală lơgar dê tai; mê rơp ò gam kong bơta bơtat bơtròh ală làng bol dê tai, mơ ò tai lơh lơgar mê dê gơkòl tơnroh, Jehôwa Yàng Tom Trồ đơs behơ̆.”

Ejekiel 36:29

Añ rơp dong tă bol mê klàs bơh di ală bơta ƀơ̆ iơh bol mê dê. Añ rơp ai kòi mbo mơ lơh gơ in gơlik gơs oă, mơ rơp ò tơndùh bơta jơgloh rung hơđang bol mê.

Ejekiel 36:30

Añ rơp ai bơtơl oă plai hơđang ală chi mơ oă kòi mbo hơđang ală mìr sre tồ bol mê in ò tai kong sền òsơp digùl ală làng bol tài bơh bơta jơgloh rung.

Ejekiel 39:29

Añ rơp ò tŭ lơi pồn mat Añ tai bơh di bol khai, tòm tŭ Añ rơp tuh Hwềng Añ hơđang hìu Israel, Jehôwa Yàng Tom Trồ đơs behơ̆.”

Sră Ôse 2:15

Añ rơp jào wơl ală suơn ño khai in, mơ rơp lơh thòng Akôr gơlik gơs dô nơm mpồng gơn kơnòm. Tềng hơ̆ khai rơp đơs chò kung be tòm ngai khai gam kơnòm să, mơ kung be tòm ngai khai lik klàs bơh lơgar Ejiptơ.

Sră Ôse 2:21

Yàng Jehôwa đơs: “Tòm ngai hơ̆, Añ rơp ho wơl, Añ rơp ho wơl mơ ală tap trồ, mơ ală tap trồ rơp ho wơl mơ ù tiah.

Sră Ôse 2:22

Ù tiah rơp ho wơl mơ kòi mbo, mơ tơrnòm pa, mơ mơñà, mơ bol gơ rơp ho wơl mơ Jejreel.

Jôel 1:10

Ală ƀlàng sre gơkòl phà tơnroh, ù tiah rañ rsơh, kòi mbo gơkòl tơnroh, tơrnòm pa neh soat, mơ mơñà neh jơh.

Jôel 2:24

Ală làn kòi rơp bềng lìu kòi, ală yang dờng rơp bềng lìu tơrnòm mơ mơñà.

Lebi 26:5

Kơnhai pơrjòt kòi bol mê dê rơp pơnjat tus kơnhai pic plai ño, mơ kơnhai pic plai ño rơp pơnjat tus di kơnhai tam gơ, mơ bol mê rơp sa jơh ală phan sa bol mê kòñ mơ ơm kis lơngap lơngai tòm lơgar bol mê dê.

Sacari 8:12

“Bơh rơp gơs dô nă cau sih bơta ring lơngai; gar sơntìl rơp hòn niam, tòm ño rơp tơnggơs plai gơ dê, ù tiah rơp tơnggơs plai đo, ală tap trồ rơp dùh dà mơryuh. Añ rơp ai jơh ală bơta do lơh gơs sre brê ală cau gam wơl tòm làng bol do.

Mathiơ 6:33

Mơya lài ngan, jòi jat tĕ lơgar Yàng Tom Trồ mơ bơta song ring Kơnràñ dê, gen Kơnràñ rơp ai bơtơl jơh ală bơta hơ̆ bol mê in.

Yal Wơl 11:14

gen Kơnràñ rơp dùh mìu hơđang lơgar bol mê dê di kơnhai sơnam gơ dê, mìu tòm kơnhai jrùh nha mơ mìu tòm kơnhai bơkào chi che tồ bol mê rgơi toès prap kòi mbo, tơrnòm pa mơ mơñà bol mê dê.

Rutơ 1:6

Gen Naômi mơ bàr nă ƀan khai dê sơntòm lik bơh lơgar Môap, bơh khai neh kơno lah Yàng Jehôwa neh wèt sền làng bol Kơnràñ dê mơ neh ai bol khai in phan sa.