Jôel 2:17 - Sră Goh 2018

¹⁷ Ală cau gơnoar ơn phan duh khoai, la ală cau duh broă di đap Yàng Jehôwa, ñìm rac digùl mpồng hìu duh khoai mơ cơnòng duh khoai, mơ đơs lah: “Ơ Yàng Jehôwa, dan pơlai tĕ làng bol Kơnràñ dê, dan bañ lòi sre brê Kơnràñ dê kong cau sền òsơp, mơ kong ală lơgar ndai dơñŏ tơnhial. Ñchi bơh tài bol khai rgơi đơs digùl ală làng bol lah: ‘Ntềng đah Yàng Tom Trồ bol khai dê taih?’”

Jôel 2:17 Mawu Ofanana

I Ală Bơtau 6:3

Ƀlàng jơng mpồng di đap ơdŭ dờng hìu duh khoai dê gơ lòt jat gah ơnàng hìu duh khoai bàr jơt tal, mơ gơ gơs jơt tal ơnàng đah hơđap hìu duh khoai.

I Ală Bơtau 9:7

gen Añ rơp tă tơlik Israel bơh di ù tiah Añ neh ai bol khai in, mơ rơp tă tơlik bơh di đap mat Añ hìu mơ Añ neh ơn is sàng goh sơnđan Añ in, mơ Israel rơp gơlik gơs jơnau đơs pơnđik mơ bơta dơñŏ tơnhial digùl jơh ală làng bol.

II Yal Yau 7:20

gen Añ rơp tă tơlik Israel bơh di lơgar mơ Añ neh ai bol khai in, mơ rơp sang lòi hìu duh khoai mơ añ neh ơn is Sơnđan Añ in. Añ rơp lơh gơ in gơlik gơs dô jơnau dơñŏ tơnhial mơ dô nơm phan sền òsơp digùl jơh ală làng bol.

II Yal Yau 8:12

Gen Salômôn ơn ală phan ơn chu pơrguc Yàng Jehôwa in hơđang cơnòng duh khoai Yàng Jehôwa dê mơ khai neh bơt di đap ƀlàng jơng gùng hìu duh khoai dê,

Nehemi 9:36

Do, ngai do bol hi gơs dĭ; gơs dĭ tòm lơgar Kơnràñ neh ai mò pàng bol hi in nàng bol khai geh sa ală plai mơ ală cồng nha niam gơ dê.

Đơs Crih 115:2

Ñchi bơh tài ală làng bol đơs lah: “Ntềng đah Yàng Tom Trồ bol khai dê taih?”

Đơs Crih 42:10

Tòm tŭ ală cau sò tơm dơñŏ tơnhial mơ lùp sùm lah: “Ntềng đah Yàng Tom Trồ mê dê taih?” Gen bơta hơ̆ ò gơkrơi be bol khai lơh jê sồt di să añ.

Đơs Crih 42:11

Ơ hwềng soàn añ jê, ñchi bơh tài mê gơplơ̆ nùs mơ ò suk ơm taih? Gơn kơnòm tĕ di Yàng Tom Trồ, bơh añ rơp jòng ro Kơnràñ tai, La Bơtau dong kòl añ mơ la Yàng Tom Trồ añ jê.

Đơs Crih 42:3

Tòm tŭ cau lùp sùm lah: “Ntềng đah Yàng Tom Trồ mê dê taih?” Gen dà mat lơh gơs phan sa añ jê ngai mơ mang.

Đơs Crih 42:4

Tòm tŭ nùs añ moat jrùng jê sồt, añ kah wơl ală bơta do: Añ neh lòt bal mơ mpồl gal. Añ lam bol khai tus hơ hìu Yàng Tom Trồ; Bol khai driau chò mơ đơs chò jòng ro Yàng.

Đơs Crih 74:10

Ơ Yàng Tom Trồ, cau sò tơm rơp đơs bơtat bơtròh nđò jŏ taih? Cau sò tơm kư̆ đơs tràl sơrbil di sơnđan Kơnràñ sùm sùm ơ?

Đơs Crih 79:10

Ñchi bơh tài ală làng bol đơs lah: “Ntềng đah Yàng Tom Trồ bol khai dê taih?” Dan bơta sal tê bơh bơta gơhòr mhàm cau duh broă Yàng dê geh tơnggit digùl ală làng bol di đap mat bol hi.

Đơs Crih 79:4

Bol hi neh gơlik gơs bơta bơtat bơtròh di cau ơm rềp mơ hi, Ală cau ơm gùt dar bol hi dơñŏ tơnhial mơ sền òsơp di bol hi.

Đơs Crih 89:41

Jơh ală cau lơi lòt gan gen tòmpìt sơmbrơt khai; Khai neh gơlik gơs bơta mơ cau gơp ƀòn khai dê sền òsơp.

Đơs Crih 89:51

Ơ Yàng Jehôwa, hơ̆ la bơta mơ ală cau sò tơm di Yàng Bol khai ngui nàng dơñŏ tơnhial mơ bơtat bơtròh ală cơnđòa cau kong bong mơñà Yàng dê.

Lik Ejiptơ 34:9

Khai đơs lah: “Khoai Yàng Jehôwa, dilah añ geh bơta nđàc di đap Yàng, gen dan Yàng Jehôwa lòt bal mơ bol hi. Bulah làng bol do la dô nơm làng bol kơldang bồ, dan toh bơta iơh bơsak mơ tồi glài bol hi dê, mơ dan dòp bol hi lơh gơs sre brê Kơnràñ dê.”

Esai 22:12

Tòm ngai hơ̆ Yàng Jehôwa la Yàng Tom Trồ Gơnap Gơnoar Dờng neh hòi bol mê nàng ñìm rac mơ pơt wòl, nàng dŭi sŏ di bồ mơ soh ƀào sơnò kiat.

Esai 37:20

Tŭ do, khoai Jehôwa Yàng Tom Trồ bol hi dê, dan dong tă bol hi klàs bơh di tê khai dê, tồ jơh ală lơgar tòm plai ù rơp git mìng dô nă Kơnràñ lơm, khoai Yàng Jehôwa, la Yàng Tom Trồ.”

Ejekiel 20:9

Mơya tài bơh sơnđan Añ mơ Añ neh lơh broă tồ ò kòl sền òsơp di đap mat ală làng bol mơ bol khai neh ơm digùl hơ̆, di đap ală làng bol hơ̆ Añ neh yal tơlik să tòm Añ cau Israel in bơh añ neh cèng bol khai lik klàs bơh di lơgar Ejiptơ.

Ejekiel 8:16

Tơnơ̆ mơ hơ̆, Kơnràñ cèng añ mut tòm rơng đah dơlam hìu Yàng Jehôwa dê; mơ tềng hơ̆, di di gùng mut tòm hìu duh khoai Yàng Jehôwa, digùl mpồng rơng mơ cơnòng duh khoai, añ gŏ gơs pơgap bàr jơt pram nă cau klau. Bol khai wèt ngkòi hơ đah hìu duh khoai Yàng Jehôwa mơ wèt mat hơ đah mattơngai lik, bol khai cùn khoai mattơngai đah mattơngai lik.

Sră Ôse 14:2

Bol mê ai tĕ jơnau đơs mơ rê wơl hơ Yàng Jehôwa; đơs tĕ mơ Kơnràñ lah: “Dan toh jơh ală bơta tồi glài bol hi dê; mơ dòp rò tĕ bơta lơi la niam, behơ̆ bol hi rơp ơn jơnau jòng ro bơh sơndồi bol hi ala kơnrồ dam.

Jôel 1:13

Ơ ală cau gơnoar ơn phan duh khoai, soh tĕ ào bài sơnò kiat mơ ñìm rac. Ơ bol mê la cau duh broă di đap cơnòng duh khoai, ñìm rac ròc tĕ. Ơ bol mê la cau duh broă di đap Yàng Tom Trồ añ jê, tus tĕ soh ào bài sơnò kiat mang àng, bơh phan ơn mơ kòi mbo bal mơ phan ơn ñô ò gam tai tòm hìu Yàng Tom Trồ bol mê dê.

Jôel 1:9

Phan ơn mơ kòi mbo bal mơ phan ơn ñô ò gam tai tòm hìu Yàng Jehôwa. Ală cau gơnoar ơn phan duh khoai ñìm rac, hơ̆ la ală cau duh broă Yàng Jehôwa dê.

Amôs 7:2

Tòm tŭ gơ neh sa jơh hir ñhơt tòm lơgar rau; añ hòi dan lah: “Ơ Jehôwa Yàng Tom Trồ, añ dan Kơnràñ toh glài! Mbe Jakôp rgơi ntào jai taih? Khai la dềt ngan!”

Amôs 7:5

Gen añ hòi dan lah: “Ơ Jehôwa Yàng Tom Trồ, añ dan Kơnràñ ơm dơh wơl! Mbe Jakôp rgơi ntào jai taih? Khai la dềt ngan!”

Mice 7:10

Gen cau sò tơm di añ rơp gŏ, mơ rơp kong bơta ƀàssìl jơm gòm khai la cau neh đơs mơ añ lah: “Ntềng đah Jehôwa Yàng Tom Trồ mê dê taih?” Mat añ rơp gŏ bơta gơplơ̆ khai dê; tŭ do khai rơp kong jă trơm hơđơm mpàng jơng kung be bŏ tòm ală gùng lòt.

Malaci 1:9

“Tŭ do rac dan tĕ mơ Yàng Tom Trồ, bơh hơ̆ digơlan Kơnràñ rơp kòñ nđàc di bol he. Bol mê neh tìs, mơ Kơnràñ rơp yal tơlik bơta kòñ nđàc mơ dô nă cau lơi tòm bol mê sơl ơ?” Yàng Jehôwa Gơnap Gơnoar Dờng Làm Jơh đơs behơ̆.

Khà Làng Bol 25:6

Tŭ hơ̆, dô nă cau klau Israel cèng tơmut tòm hìu nhă khai dê dô nă cau ùr Midian di đap mat Môise mơ jơh dô mpồl jơnum Israel dê, tòm tŭ bol khai ơm ñìm rac di tiah mpồng mut Sàl Tòm Mat dê.

Mathiơ 23:35

Tồ jơh ală mhàm cau song ring neh gơhòr hơđang ù gơtuh hơđang bol mê, bơh mhàm Abel la cau song ring, tus dê mhàm Sacari kòn Baraci dê mơ bol mê neh tơnchơt digùl Tiah Sàng Goh mơ cơnòng duh khoai.

Mathiơ 27:43

Khai dòn kơnòm di Yàng Tom Trồ; dilah Yàng Tom Trồ kòñ gơboh Khai, gen tŭ do lòi tĕ Kơnràñ dong klàs Khai, bơh Khai neh đơs lah: ‘Añ la Kòn Yàng Tom Trồ.’”

Yal Wơl 28:37

Bol mê rơp gơlik gơs dô nơm phan rngòt cù kìr mơ dô nơm tơnggume lah pơrhơng mơ dơñŏ tơnhial jơh ală ƀòn lơgar in mơ Yàng Jehôwa neh bơtrơh bol mê tus.

Yal Wơl 32:27

mơya Añ kìr ơmìr jơnau chồl bơchồt cau sò tơm dê, kìr ơmìr di cau sò tơm bol khai dê kơlôi tìs mơ đơs lah: ‘Tê bol hi dê neh pha lin rlau; Yàng Jehôwa neh ò lơh ală bơta hơ̆.’

Jôsue 7:9

Làng bol Kanaan mơ jơh ală làng bol ơm tòm lơgar rơp kơno bơh ală bơta hơ̆, mơ bol khai rơp gơrwàng bol hi mơ tơnroh sơnđan bol hi bơh di ù; gen ñchi Kơnràñ rơp lơh mơ sơnđan dờng Kơnràñ dê taih?”