Jôel 2:16 - Sră Goh 2018

¹⁶ Pơjum tĕ làng bol, ơn is tĕ mpồl jơnum; jà tĕ ală cau kwang kra pơjum bal, pơjum tĕ ală kòn dềt, la ală kòn gam pô toh. Lòi cau bơrtơu pa lik bơh di ơdŭ khai dê, mơ cau ƀan pa lik bơh di ơdŭ bic khai dê.

Jôel 2:16 Mawu Ofanana

II Yal Yau 20:13

Tòm tŭ jơh ală cau Juda ntào di đap Yàng Jehôwa bal mơ ală kòn dềt, mơ ală bau ùr mơ ală kòn sau bol khai dê.

II Yal Yau 29:5

mơ đơs mơ bol khai lah: “Ơ ală cau Lebi, iat tĕ añ! Lơh sàng goh tĕ să tòm bol mê mơ lơh sàng goh hìu duh khoai Yàng Jehôwa dê la Yàng Tom Trồ ală ồng pàng bol mê dê. Tă tơlik tĕ jơh ală phan ƀơ̆ ƀơl bơh di tiah sàng goh.

II Yal Yau 30:17

Tài bơh gơs oă cau tòm mpồl làng bol ò gŏ lơh sàng goh să tòm bol khai dê, gen ală cau Lebi pal hàl ală belàt kòn ơn tòm ngai wèr Lòt Gan ala jơh ală cau ò sàng goh in, nàng lơh sàng goh bol khai Yàng Jehôwa in.

II Yal Yau 30:19

neh wèt nùs jòi jat Yàng Tom Trồ, la Jehôwa Yàng Tom Trồ ală ồng pàng bol khai dê, bulah khai ò geh sàng goh jat be bơta boh lam bơh bơta lơh sàng goh dê.”

II Yal Yau 35:6

Hàl tĕ ală belàt kòn ngai wèr Lòt Gan, ơn is tĕ sàng goh să tòm bol mê dê mơ rcang ală belàt kòn ală oh mi gơp bơtiàn bol mê in, lơh tĕ jat be jơnau Yàng Jehôwa neh kơnòm di Môise.”

Sră Jop 1:5

Tòm tŭ ală ngai ñô sa hơ̆ neh tơl wềr bol khai dê rau, Jop sồr cau lòt rcang nàng lơh sàng goh bol khai in, khai guh gòñ bơh àng drim, mơ ơn ală phan chu duh khoai jat be khà jơh ală kòn khai dê, bơh Jop neh đơs lah: “Digơlan ală kòn añ jê neh tìs glài, mơ tòm nùs bol khai srat rma di Yàng Tom Trồ mòn!” Hơ̆ la bơta Jop òs lơh behơ̆ sùm.

Đơs Crih 19:5

Mattơngai kung be cau bơrtơu pa tòmbau lik bơh ơdŭ khai dê, Mơ kung be cau pràn kơldang ntoat pơrlòng hòn chò.

Lik Ejiptơ 19:10

Yàng Jehôwa đơs mơ Môise lah: “Lòt tĕ tus hơ làng bol mơ lơh bol khai in sàng goh ngai do mơ ngai hìng. Sồr bol khai pìh ồi ào bol khai dê,

Lik Ejiptơ 19:15

Mơ khai đơs mơ làng bol lah: “Rcang tĕ să tòm bol mê dê ngai dơ̆ pe in; bañ tìp să mơ cau ùr.”

Lik Ejiptơ 19:22

Tus di ală cau gơnoar ơn phan duh khoai kung pal lơh să tòm bol khai in gơs sàng goh tòm tŭ tus rềp mơ Yàng Jehôwa, ò behơ̆ gen Yàng Jehôwa kung rơp tòmdră mơ bol khai.”

Jôel 1:14

Lơh nền tĕ dô bơta ơt sa sàng goh, hòi jà tĕ dô bơta pơjum duh khoai, pơjum wơl tĕ ală cau kwang kra bal mơ jơh làng bol tòm lơgar tòm hìu Jehôwa Yàng Tom Trồ bol mê dê mơ rac dan mơ Yàng Jehôwa!

Mathiơ 21:16

mơ đơs mơ Kơnràñ lah: “Ồng kơno jơnau mpồl kơnòm do đơs sơl?” Yàng Jesu ho lah: “Kơno, behơ̆ bol mê òhềt sền jơnau: ‘Yàng neh geh jòng ro bơh bơr ală kơnòm dềt mơ ală kòn gam pô,’ ò ơ?”

Mathiơ 9:15

Yàng Jesu ho lah: “Tòm tŭ cau bơrtơu gam ơm mơ oh mi bơyô he, gen bol khai rgơi moat jrùng sơl? Mơya tus di tŭ cau bơrtơu geh cèng lik bơh bol khai, gen sồng bol khai ơt sa.

I Kôrintô 7:5

Bañ ò ròm bal, mìng dilah tòm bàr nă gơs bơta tòmbơyai bal, nàng lòi tŭ hòi dan mơ Yàng dô êt jŏ; gen rê wơl bal, rngòt cà Satan bơh bơta hơ̆ mơ ơniai oh mi mòn.

Jôsue 7:13

Guh tĕ, lơh sàng goh làng bol in, mơ đơs mơ bol khai lah: ‘Bol mê lơh tĕ să tòm he sàng goh tòm ngai hìng, bơh do la jơnau Jehôwa Yàng Tom Trồ Israel dê đơs lah: “Ơ Israel, ală phan pal tơnroh gam ơm digùl bol mê: bol mê ò rgơi tòmdră jai mơ ală cau sò tơm bol mê dê jơl tus di tŭ bol mê neh tă sang ală phan pal tơnroh hơ̆ bơh digùl bol mê.”

Jôsue 8:35

Ò gơs dô jơnau lơi tòm jơh ală jơnau Môise nting sồr mơ Jôsue ò sền di đap mpồl jơnum Israel dê, gơs ală cau ùr, cau kơnòm, mơ cau làng bơdìh ơm digùl bol khai.

I Samuel 16:5

Samuel ho lah: “Ơi, tòm bơta lơngap lơngai. Añ tus nàng ơn phan duh khoai Yàng Jehôwa in; lơh tĕ sàng goh să tòm bol mê mơ añ tòm bơta ơn phan duh khoai.” Gen khai lơh sàng goh Jese mơ ală kòn klau khai dê mơ jà bol khai tus hơ bơta ơn phan duh khoai.