Jôel 2:11 - Sră Goh 2018

¹¹ Yàng Jehôwa lơh gơlik sap Kơnràñ dê di đap mpồl ling Kơnràñ dê, mpồl ling Kơnràñ dê la gal ngan ò rgơi kòp, mơ ală cau lơh jat jơnau sồr Kơnràñ dê ò rgơi kòp. Ngan, ngai Yàng Jehôwa dê la dờng ngan mơ kìr rngòt ngan, Ñcau rgơi kong jai taih?

Jôel 2:11 Mawu Ofanana

Đơs Crih 18:14

Kơnràñ pañ kam mơ lơh gơprah ală cau sò tơm di añ, tơlik oă puhlèp mơ lơh bol khai in rngòt mơ dô gơprah.

Đơs Crih 46:6

Ală làng bol lơh nggồr nggàc, ală lơgar tơrluh tơrlơm; Yàng tơlik jơnau ntas, gen ù lề jơh.

Đơs Crih 68:18

Ơ Yàng, Kơnràñ neh guh hơđang mơnơm jòng, tề lam ală cau neh kòl jàm tòm rơndeh ồs Kơnràñ dê; Kơnràñ neh dòp phan ơn bơh digùl ală cau, tian gơs kung bơh digùl cau tòmdră di Yàng Jehôwa sơl, Jehôwa Yàng Tom Trồ rgơi ơm tềng hơ̆.

Esai 13:4

Iat tĕ, gơs jơnau ntas hơđang ală mơnơm gơlơh be jơnau ntas bơh oă làng bol! Iat tĕ, gơs jơnau ntas nggồr digùl ală lơgar, gơlơh be ală làng bol pơjum bal! Yàng Jehôwa Gơnap Gơnoar Dờng pơjum tơrgòm dô mpồl ling nàng tòmlơh.

Esai 42:13

Yàng Jehôwa rơp lik lòt hơđap be cau ling pràn kơldang, be dô nă cau ling jak chồl bơtrut nùs ngac ngar Kơnràñ dê, Kơnràñ driau dờng tòmlơh; mơ rơp pha lin rlau mơ ală cau sò tơm Kơnràñ dê.

Esai 7:18

Tòm ngai hơ̆, Yàng Jehôwa rơp hwac hòi ală rhài bơh ală tồ dà Ejiptơ dê, mơ ală òng bơh lơgar Asiri.

Jeremi 25:30

“Gen tàng mê ai tĕ ală jơnau do đơs hwơr tòmdră mơ bol khai, mơ đơs lah: ‘Yàng Jehôwa rơp rơnđơh bơh hơđang; Bơh tiah ơm sàng goh Kơnràñ tơlik sap đơs; Kơnràñ rơp rơnđơh pràn ngan tòmdră mơ mpồl belàt; Ai jơnau driau kung be ală cau pat plai ño, Tòmdră mơ jơh ală làng bol tòm plai ù.

Jeremi 30:7

Bòl glar ngan! Ngai hơ̆ cù kìr dờng ngan, Tian gơs òhềt gơs dô ngai lơi tòm toh behơ̆. Hơ̆ la tŭ bòl glar Jakôp dê! Mơya khai rơp geh dong klàs bơh bơta hơ̆.’

Jeremi 50:34

Bơtau Dong tơwài bol khai la pràn kơldang, sơnđan Kơnràñ la Yàng Jehôwa Gơnap Gơnoar. Nền ngan, Kơnràñ rơp dong tò bol khai, nàng Kơnràñ ai jơh lơgar in geh rlô, mơya lơh bòl glar làng bol Babilôn.”

Ejekiel 22:14

Bơta khin cha ai dê rơp ơm kơ̆ hala tê ai dê rgơi gam pràn tòm ngai Añ cahrña ai sơl? Añ, Yàng Jehôwa, neh đơs behơ̆ mơ Añ rơp lơh bơta hơ̆.

Jôel 1:15

Ơ hơh! Bơh ngai hơ̆, bơh ngai Yàng Jehôwa dê neh tus rềp! Gơ rơp tus kung be bơta tơnroh gơprah gơpring tus bơh Bơtau Gơnar Dờng.

Jôel 1:6

Dô nơm làng bol pràn kơldang mơ gal ngan, neh tus tòmpìt lơgar Añ jê; gơ gơs sề kung be sề klìu triă, mơ gơnèng kung be gơnèng klìu triă me dê.

Jôel 2:1

Uh tĕ kơlwòk tòm Siôn; ntas jơnau yal tơnggit hơđang mơnơm sàng goh Añ jê. Lòi jơh làng bol tòm lơgar rơm să, bơh ngai Yàng Jehôwa dê mòr tus, ngai hơ̆ neh tus rềp rau.

Jôel 2:2

Dô ngai klam jơngo, mơ ngềt ngơt, dô ngai bềng mhwal mơ jơngo cik. Be bơta jơngo jù cik gòm hơđang ală mơnơm, dô mpồl ling dờng mơ pràn kơldang lòt tus; bơta behơ̆ bơh rài yau òhềt tŭ lơi gơs, mơ kung rơp ò tŭ lơi gơs behơ̆ tòm rài tơnơ̆ rơp tus sơl.

Jôel 2:25

Añ rơp tơm wơl bol mê in bơh ală sơnam neh kong srah nting sa roh, srah nting dờng, srah nting dềt, srah nting ndai la mpồl ling dờng mơ Añ neh sồr tus digùl bol mê.

Jôel 2:31

Mattơngai rơp gơlik klam jơngo, mat kơnhai gơlik gơs mhàm, lài mơ tŭ tus ngai dờng mơ rngòt rngơt Yàng Jehôwa dê.

Jôel 3:14

Oă ngan làng bol, oă ngan làng bol tòm thòng bơta lơh nền! Bơh ngai Yàng Jehôwa neh tus rềp tòm thòng bơta lơh nền.

Jôel 3:16

Yàng Jehôwa rơp ơluh ơhùm bơh Siôn; mơ lơh gơlik ntas sap Kơnràñ dê bơh Jerusalem; plai ù mơ ală tap trồ gơlơnggơr. Mơya Yàng Jehôwa la tiah kìng crŭ làng bol Kơnràñ dê, la theng kơ̆ cê làng bol Israel in.

Amôs 1:2

Khai đơs lah: “Yàng Jehôwa ơluh bơh di Siôn. Kơnràñ lơh nggồr ntas bơh Jerusalem. Ală ƀlàng ñhơt cau ê belàt dê rơp ro rañ, bồ mơnơm Karmel rơp ñòp ro.”

Amôs 5:18

“Bòl glar ngan bol mê in la cau kơp gơn ngai Yàng Jehôwa dê! Ñchi bơh tài bol mê kơp gơn ngai Yàng Jehôwa dê taih? Ngai hơ̆ rơp la klam jơngo, ò gơs bơta àng;

Amôs 5:20

Ngai Yàng Jehôwa dê ò di la ngai klam jơngo cik ò àng, mơ bơta jơngo ò gơs bơta àng pơnđàng dô êt lơi tòm gơ ò ơ?

Apdia 1:15

Bơh ngai Yàng Jehôwa dê neh rềp la ngai tòmdră mơ jơh ală làng bol. Ñchi mê neh lơh gen rơp lơh wơl mê in; ală broă lơh mê dê rơp tuh wơl hơđang bồ tòm mê dê.

Nahum 1:6

Ñcau rgơi ntào jai di đap bơta gơhào gơjrañ Kơnràñ dê taih? Ñcau rgơi kong jai bơta gơhào khuh gơjrañ Kơnràñ dê taih? Bơta gơjrañ dờng Kơnràñ dê gơhòr lik be ồs; ală pơnai lŭ bơcah lề di đap Kơnràñ.

Malaci 3:2

Mơya, ñcau rơp kong jai tòm ngai Kơnràñ tus taih? Ñcau rgơi ntào jai tòm tŭ Kơnràñ tơlik să taih? Bơh Kơnràñ kung be ồs cau chài tŏ tiar goh, kung be ‘kơmbuh pìh’ cau chài pìh goh.

Khà Làng Bol 24:23

Gen khai đơs jơnau đơs hwơr khai dê lah: “Ơ hơh, ñcau rgơi kis tòm tŭ Yàng Tom Trồ lơh gơlik gơs bơta do taih? Ñcau la ală cau pơjum tơrgòm đah đang taih?

I Tesalônika 4:16

Bơh să tòm Yàng rơp mù bơh đang trồ bal mơ jơnau driau sồr mơ jơnau hòi cau gơnrơh dờng rlau jơh dê, bal mơ ntas kơlwòk Yàng Tom Trồ dê, gen ală cau chơt tòm Bơtau Krist rơp kis wơl lài.

Yal Tơlik 18:8

Gen tàng ală bơta rung rài khai dê tus bal tòm dô ngai, hơ̆ la bơta pluh plàng, bơta ñìm rac, mơ bơta jơgloh rung, mơ khai rơp kong ồs sa pơrguc jơh; bơh Yàng la Yàng Tom Trồ Gơnap Gơnoar pràn la Bơtau cahrña khai.”

Yal Tơlik 6:17

Bơh ngai dờng bơta gơjrañ dờng Kơnràñ dê neh tus, ñcau rgơi ntào jai taih?”