Jôel 2:1 - Sră Goh 2018

¹ Uh tĕ kơlwòk tòm Siôn; ntas jơnau yal tơnggit hơđang mơnơm sàng goh Añ jê. Lòi jơh làng bol tòm lơgar rơm să, bơh ngai Yàng Jehôwa dê mòr tus, ngai hơ̆ neh tus rềp rau.

Jôel 2:1 Mawu Ofanana

I Yal Yau 15:28

Behơ̆, jơh Israel neh cèng Đài Ho Bal Yàng Jehôwa dê, bal mơ ală jơnau driau dờng hòn chò bal mơ ntas cau uh ngke be dam mơ ală kơlwòk, tur cing dềt pĕ mơ rơs ală kơñi.

Đơs Crih 119:120

Poac să añ rơm rngòt di Yàng, Kung rngòt di bơta cahrña Yàng dê sơl.

Đơs Crih 87:1

Kơnràñ neh bơt bơtào mơnàng ƀòn dờng hơđang mơnơm sàng goh.

Lik Ejiptơ 10:14

Bol gơ ơm bềng làm jơh tòm lơgar Ejiptơ, mơ gơ mù oă ngan ò git nđò hơđang jơh ală kơnhwàl tòm lơgar. Bơh yau òr òhềt tŭ lơi gơs dô bơta rung rài bơh srah nting behơ̆, mơ tơnơ̆ tai kung ò tŭ lơi rơp gơs ndròm behơ̆ tai.

Esai 13:6

Ñìm rac tĕ, bơh ngai Yàng Jehôwa dê neh rềp; ngai hơ̆ tus kung be bơta tơnroh bơh Bơtau Gơnap Gơnoar Làm Jơh.

Esai 13:9

Do, ngai Yàng Jehôwa dê tus, iơh rmơh, bal mơ bơta gơjrañ dờng mơ gơhào gơjrañ, nàng lơh plai ù in gơlik gơs dô bă tiah srau gòi, mơ tơnroh ală cau tồi glài tòm hơ̆.

Esai 2:12

Bơh Yàng Jehôwa Gơnap Gơnoar Dờng gơs dô ngai, tòmdră mơ jơh ală cau pơnhừ să mơ ală cau jòng să, mơ tòmdră mơ jơh ală cau yò tơngguh is să he;

Esai 66:2

Jơh ală bơta do la bơh tê Añ neh lơh gơs, mơ jơh ală bơta do gơrê mơ Añ.” Yàng Jehôwa đơs behơ̆. “Mơya do la cau mơ Añ sền dờng màng: hơ̆ la cau pơndêt să mơ gơs hwềng nùs jê sồt moat jrùng bơh tồi glài, mơ rơm să rngòt tòm tŭ kơno jơnau đơs Añ jê.

Esai 66:5

Iat tĕ jơnau Yàng Jehôwa dê, Ơ bol mê la cau kơno jơnau Kơnràñ dê mơ rngòt rơm să: “Làng bol bol mê dê gơjrañ di bol mê, mơ sang lòi bol mê tài bơh sơnđan Añ; mơ neh đơs lah: ‘Dan Yàng Jehôwa in geh gơklŏ, nàng bol hi in gŏ bơta hòn chò bol mê dê!’ Mơya bol khai la cau rơp kong ƀàssìl.”

Jeremi 16:10

Tŭ mê cèng jơnau do yal wơl làng bol in, bol khai ngan rơp lùp mê lah: ‘Ñchi bơh tài Yàng Jehôwa yal tơlik ală bơta rung rài do bol hi in taih? Bol hi gơs glài lơi? Tồi glài tòmdră lơi mơ bol hi neh tìs mơ Jehôwa Yàng Tom Trồ bol hi taih?’

Jeremi 16:7

Ò gơs cau lơi cèng phan sa cau ñìm ƀồc in nàng pơndòm pơniang bol khai; ò gơs cau lơi bơh bơta chơt cau bèp hala cau mè mơ dòp mơngàn tòmpà bơta moat jrùng.

Jeremi 4:5

Yal tơlik tĕ tòm Juda, yal tơnggit tĕ tòm Jerusalem lah: “Uh tĕ kơlwòk làm lơgar, driau dờng tĕ mơ đơs lah: ‘Pơjum dô bă bal tĕ, mơ bol he lòt lă mut tòm ală ƀòn dờng kơ̆ cê!’

Jeremi 5:22

Yàng Jehôwa đơs: “Bol mê ò duh rngòt Añ, Bol mê ò rơm să di đap Añ ơ? Añ neh ai bràs lơh gơs nhàr dàlềng, Bơh gơnoar sồr gam sùm sùm, ò geh sơrlèt rlau. Ryà dàlềng bulah dờng, kung ò geh pha rlau; Bulah dàlềng nggồr ur ur, kung ò rgơi lòt rlau mơ gơ;

Ejekiel 12:23

Đơs tĕ mơ bol khai lah: ‘Yàng Jehôwa đơs be do: Añ rơp pơndut jơnau đơs pơnđik hơ̆, mơ bol khai ò đơs tai tòm Israel.’ Đơs tĕ mơ bol khai lah: ‘Ală ngai neh tus rềp tòm tŭ kòp bơta gơtơnggŏ rơp gơlik gơs di ngan.’

Ejekiel 21:12

Ơ kòn mơnus, driau nggà tĕ mơ ñìm rac, bơh hơ̆ la bơta tòmdră mơ làng bol Añ jê, tòmdră mơ jơh ală cau kwang at bồ Israel dê, bol khai kòl jào phi đào in bal mơ làng bol Añ jê. Behơ̆ tàng, tur tĕ ntơh bol mê dê!

Ejekiel 30:3

Bơh ngai hơ̆ tus rềp rau, ngai Yàng Jehôwa dê tus rềp rau, hơ̆ la ngai gơs oă mhwal, la tŭ tơngai bòl glar ală làng bol in.

Ejekiel 33:3

mơ dilah cau kơp gàr gŏ đào tus hơđang lơgar gen khai uh kơlwòk nàng yal tơnggit lài làng bol in,

Ejekiel 33:6

Mơya dilah cau drơng kơp gàr gŏ đào tus mơ ò uh kơlwòk nàng yal tơnggit lài làng bol in, mơ đào tus tơnroh bơta kis dô êt nă cau tòm bol khai, gen ală cau hơ̆ rơp kong chơt tài bơh tồi glài bol khai dê; mơya Añ rơp lùp mhàm bol khai tòm tê cau drơng kơp gàr.’

Ejekiel 7:10

Ngai hơ̆ neh tus! Gơ neh tus rau! Bơta rung rài neh gơlik gơs; gai lồng neh cat sơmbut, bơta jòng să neh lik bơkào!

Ejekiel 7:12

Tŭ jơ neh tus, ngai neh tus rềp. Bañ lòi cau blơi chò hòp hala cau tac moat jrùng, bơh gơs bơta gơjrañ dờng neh dùh hơđang jơh mpồl làng bol.

Daniel 6:26

Añ ai jơnau sồr lah tòm làm jơh lơgar añ, jơh tơl nă cau pal rơm să rngòt di đap Yàng Tom Trồ Daniel dê. Kơnràñ la Yàng Tom Trồ gam kis sùm sùm mơ gam gơs sùm sùm. Lơgar Kơnràñ dê ò gơs tŭ lơi roh, mơ gơnoar at bồ Kơnràñ dê ò gơs tŭ lơi lồi.

Daniel 9:16

Ơ Yàng, añ hòi dan mơ Yàng jat jơh ală bơta sồr lam song ring Kơnràñ dê, dan Yàng pơrlac sang bơta gơjrañ dờng Kơnràñ dê bơh dê Jerusalem la ƀòn dờng mơ la mơnơm sàng goh Kơnràñ dê. Tài bơh tồi glài bol hi dê mơ bơta iơh bơsak ồng pàng bol hi dê tàng Jerusalem mơ làng bol Kơnràñ dê pal kong bơta bơtat bơtròh bơh dê ală làng bol ơm gùt dar bol hi.

Daniel 9:20

Tòm tŭ añ gam đơs mơ hòi dan, yal glài añ jê mơ glài làng bol Israel añ jê, jơh nùs rac dan mơ Jehôwa Yàng Tom Trồ añ jê, tài bơh mơnơm sàng goh Yàng Tom Trồ añ jê

Sră Ôse 5:8

Uh tĕ kơwào tòm Gibea, uh tĕ kơlwòk tòm Rama. Driau dờng yal tơnggit tĕ tòm Bet Aben, Ơ Benjamin sền rmê tĕ bơh đah ngkòi mê.

Sră Ôse 8:1

Ơn tĕ kơlwòk di sơndồi mê! Cau sò tơm gơlơh be klàng bung neh tus hơđang hìu Yàng Jehôwa dê, tài bơh bol khai neh sang lòi bơta ho bal Añ jê, mơ neh lòt rlau ir mơ bơta boh lam Añ jê.

Jôel 1:15

Ơ hơh! Bơh ngai hơ̆, bơh ngai Yàng Jehôwa dê neh tus rềp! Gơ rơp tus kung be bơta tơnroh gơprah gơpring tus bơh Bơtau Gơnar Dờng.

Jôel 2:11

Yàng Jehôwa lơh gơlik sap Kơnràñ dê di đap mpồl ling Kơnràñ dê, mpồl ling Kơnràñ dê la gal ngan ò rgơi kòp, mơ ală cau lơh jat jơnau sồr Kơnràñ dê ò rgơi kòp. Ngan, ngai Yàng Jehôwa dê la dờng ngan mơ kìr rngòt ngan, Ñcau rgơi kong jai taih?

Jôel 2:15

Uh tĕ kơlwòk tòm Siôn, yal tơnggit tĕ bơta ơt sa sàng goh, hòi jà tĕ dô bơta pơjum dờng màng.

Jôel 2:31

Mattơngai rơp gơlik klam jơngo, mat kơnhai gơlik gơs mhàm, lài mơ tŭ tus ngai dờng mơ rngòt rngơt Yàng Jehôwa dê.

Jôel 3:14

Oă ngan làng bol, oă ngan làng bol tòm thòng bơta lơh nền! Bơh ngai Yàng Jehôwa neh tus rềp tòm thòng bơta lơh nền.

Jôel 3:17

Behơ̆, bol mê rơp git Añ la Jehôwa Yàng Tom Trồ bol mê dê, ơm tòm Siôn, mơnơm sàng goh Añ jê. Jerusalem rơp gơlik gơs sàng goh, làng bol rơp ò gơs tŭ lơi tòmpìt gơ tai.

Amôs 3:6

Dô nơm kơlwòk uh tòm ƀòn dờng, gen làng bol ò rngòt ơ? Tòm tŭ bơta rung rài gơdùh tòm dô nơm ƀòn dờng, mìng la Yàng Jehôwa neh lơh gơlik gơs ò ơ?

Amôs 5:18

“Bòl glar ngan bol mê in la cau kơp gơn ngai Yàng Jehôwa dê! Ñchi bơh tài bol mê kơp gơn ngai Yàng Jehôwa dê taih? Ngai hơ̆ rơp la klam jơngo, ò gơs bơta àng;

Amôs 8:2

Kơnràñ lùp lah: “Ơ Amôs, ñchi mê gŏ taih?” Añ ho lah: “Dô nơm bài ơn plai chi kơnhai prang duh dê.” Gen Yàng Jehôwa đơs tai mơ añ lah: “Bơta lồi dut neh tus hơđang làng bol Israel Añ jê; Añ rơp ò lòi rlau bol khai in tai.

Apdia 1:15

Bơh ngai Yàng Jehôwa dê neh rềp la ngai tòmdră mơ jơh ală làng bol. Ñchi mê neh lơh gen rơp lơh wơl mê in; ală broă lơh mê dê rơp tuh wơl hơđang bồ tòm mê dê.

Sôphôni 1:14

“Ngai dờng Yàng Jehôwa dê neh tus rềp, neh tus rềp mơ tus mhar. Ntas sap ñìm sràt bơtang tòm ngai Yàng Jehôwa dê, ală cau ling tòmlơh driau dờng tềng hơ̆.

Sôphôni 1:16

dô ngai ntas uh kơlwòk mơ jơnau driau dờng tòmlơh tòmdră mơ ală ƀòn dờng kơ̆ cê mơ ală theng jơnhoa di mum ƀòn dờng.

Sôphôni 1:7

Ơm tĕ mŏ mŏ di đap Jehôwa Yàng Tom Trồ, bơh ngai Yàng Jehôwa dê neh tus rềp. Yàng Jehôwa neh rcang sir dô nơm phan ơn duh khoai; Kơnràñ neh ơn is ală cau neh geh jà.

Sôphôni 3:11

Tòm ngai hơ̆, bol mê rơp ò gam ƀàssìl, tài bơh ală broă lơh mơ bol mê neh pơrlơ̆ dră di Añ, tài bơh hơ̆ Añ rơp tă sang bơh digùl bol mê ală cau jòng să, hừh nùs, mơ mê rơp ò gam jòng să hơđang mơnơm sàng goh Añ jê.

Sacari 14:1

Do, ngai Yàng Jehôwa dê rơp tus tòm tŭ ală phan phà kup rơp tòmpà digùl bol mê.

Sacari 8:3

Yàng Jehôwa đơs be do: “Añ rơp rê wơl hơ Siôn, mơ ơm sùm digùl Jerusalem; Jerusalem rơp geh sơnđan la Ƀòn Dờng dòn song, mơ mơnơm Yàng Jehôwa Gơnap Gơnoar Dờng Làm Jơh dê rơp geh sơnđan la Mơnơm Sàng Goh.”

Malaci 4:1

“Sền tĕ, ngai hơ̆ rơp tus, gơ sa hơng kung be bơnhă ồs. Jơh ală cau pơnhừ să bal mơ cau lơh bơta iơh bơsak rơp kung be rhe, mơ ngai hơ̆ rơp tus be ồs sa pơrguc bol khai,” Yàng Jehôwa Gơnap Gơnoar Dờng Làm Jơh đơs behơ̆. “Gen tàng rơp ò gam dô nơm ryas hala dô nơm ntê lơi lòi wơl bol khai in.

Khà Làng Bol 10:2

“Lơh tĕ bàr nơm kơlwòk mơ priă klơn lơho, mơ ngui gơ nàng hòi pơjum mpồl jơnum mơ sồr bol khai lik lòt.

Khà Làng Bol 10:3

Tòm tŭ cau uh jơh bàr nơm gen jơh dô mpồl jơnum pal pơjum bal di đap mê di tiah mut Sàl Tòm Mat dê.

I Kôrintô 14:8

Bơh dilah uh kơlwòk sơlồng sơlàng, mbe cau git rcang nàng lòt tòmlơh taih?

Philip 2:12

Behơ̆ gen, ơ ală cau đềt mềr añ jê, be oh mi neh dòn bơr sùm sùm, ò di mìng tòm tŭ gơs añ lơm ò, mơya tòm tŭ do añ neh ngkòi, gen oh mi pal sơlo dòn bơr rlau tai, ai tĕ nùs rngòt rơm să nàng lơh gơs bơta dong klàs oh mi dê.

I Tesalônika 5:2

bơh să tòm oh mi git loh ngan lah ngai Yàng dê rơp tus be cau kơñau tòm trồ mang.

Jakơ 5:8

Oh mi kung behơ̆ kong ơt tĕ mơ kơ̆ nùs, bơh bơta tus wơl Yàng dê neh rềp rau.

I Pier 4:7

Bơta lồi dut jơh ală phan neh rềp rau, behơ̆ ngac mat tĕ, mơ drơng kơp tòm bơta hòi dan.

Yal Tơlik 6:17

Bơh ngai dờng bơta gơjrañ dờng Kơnràñ dê neh tus, ñcau rgơi ntào jai taih?”