Jôel 1:7 - Sră Goh 2018

⁷ Gơ neh sa tơrging ală tòm ño Añ jê, mơ koh rpot rpet ală chi ƀal Añ jê. Gơ neh klò kơmhò ală chi hơ̆ mơ sang sơrbì jơh, ală ntê gơ gơlik bò luh.

Jôel 1:7 Mawu Ofanana

Đơs Crih 105:33

Kơnràñ tơnroh suơn ño mơ chi ƀal, Lơh pă jơh chi che tòm kơnhwàl lơgar bol khai dê.

Lik Ejiptơ 10:14

Bol gơ ơm bềng làm jơh tòm lơgar Ejiptơ, mơ gơ mù oă ngan ò git nđò hơđang jơh ală kơnhwàl tòm lơgar. Bơh yau òr òhềt tŭ lơi gơs dô bơta rung rài bơh srah nting behơ̆, mơ tơnơ̆ tai kung ò tŭ lơi rơp gơs ndròm behơ̆ tai.

Lik Ejiptơ 10:15

Srah nting gơ jơm gòm làm jơh ù tiah tian gơs ù tiah gơlik jù. Bol gơ sa roh jơh ală phan gam wơl tơnơ̆ mơ mìu piar, jơh ală phan hòn tòm ală ƀlàng sre bal mơ ală plai hơđang ală chi. Ò gam nha tơlir hơđang chi che hala dô nơm tòm chi lơi tòm jơh lơgar Ejiptơ.

Esai 24:7

Tơrnòm neh soat jơh, tòm ño neh ro jrùh jơh; ală nùs hòn chò gơlik pơt wòl.

Esai 32:12

Tur tĕ ntơh bol ai dê, tài bơh ƀlàng sre brê ù niam, bơh ală tòm ño bềng plai.

Esai 5:6

Añ rơp lơh gơ in gơlik gơs tiah srau gòi, gơ rơp ò kòl koh crè, hala ò pŏ lơh lơbơn ù, tòm lò mơ lò mrơt rơp hòn tềng hơ̆. Añ rơp ai jơnau sồr mhwal bañ đùh mìu hơđang gơ.”

Jeremi 8:13

Yàng Jehôwa đơs: “Tòm tŭ Añ kòñ tơrgòm bol khai wơl. Ò gam plai ño hơđang chi ño; Ò gam plai ƀal hơđang chi ƀal; Tian gơs ală nha kung rơp ro jrùh; Mơ ală bơta Añ neh ai bol khai in, rơp kòl tă tơlik jơh bơh bol khai!”

Sră Ôse 2:12

Añ rơp tơnroh ală chi ño mơ chi ƀal khai dê, mơ khai đơs lah: ‘Ală chi do la jền tơngai mơ ală cau añ kòñ gơboh neh ai añ in.’ Añ rơp lơh ală chi hơ̆ gơlik be chi tòm dơr brê, mơ ală phan brê rơp sa loan gơ.

Jôel 1:12

Tòm ño neh ro: tòm chi ƀal neh pă; tòm chi lừu, tòm chi gòl tơô, tòm chi tăo mơ jơh ală tòm chi tòm ƀlàng neh ro jơh. Ngan la bơta hòn chò kòn mơnus di ò gam tai.

Amôs 4:9

“Añ neh pù lơh bol mê bơh bơta ro rañ, mơ but bơsềt; Añ neh lòi srau gòi ală suơn, mơ ală suơn ño bol mê dê; srah nting sa loan chi ƀal mơ chi ôlibe bol mê dê, mơya bol mê kung ò rê wơl mơ Añ.” Yàng Jehôwa đơs behơ̆.

Habakuk 3:17

Bulah chi ƀal rơp ò cat sơmbut mơ rơp ò gơs plai hơđang ntê ño; bulah chi ôlibe ò gơlik plai mơ ƀlàng sre ò tơnggơs phan sa; bulah ò gơs belàt tòm ƀlàng mơ ò gơs kơnrồ tòm wàng,

Malaci 3:11

Añ rơp lah pơrhơng srah nting nàng gơ ò sa tơnroh ală plai đo bơh ù bol mê dê; mơ ală tòm ño tòm ală suơn bol mê dê rơp ò rung plai gơ dê lài mơ tŭ tus kơnhai pic plai,” Yàng Jehôwa Gơnap Gơnoar Dờng Làm Jơh đơs behơ̆.