Jôel 1:19 - Sră Goh 2018

¹⁹ Ơ Yàng Jehôwa, añ hòi dan mơ Kơnràñ, bơh ồs neh sa jơh ală ƀlàng ñhơt tòm brê, lơmpiat ồs neh sa jơh ală chi che tòm ƀlàng.

Jôel 1:19 Mawu Ofanana

Đơs Crih 50:15

Hòi dan tĕ mơ Añ tòm ngai bòl glar; Añ rơp dong tă mê, mơ mê rơp lơh gơklŏ Añ in.”

Đơs Crih 91:15

Tòm tŭ khai hòi dan di Añ, gen Añ rơp dòp jơnau khai dê; Añ rơp ơm bal mơ khai tòm tŭ khai tìp bơta bòl glar, Añ rơp dong tă khai mơ lơh khai in geh jòng ro.

Jeremi 14:4

Tài bơh ù neh dàng jơh, Tài bơh ò gơs mìu dùh tòm lơgar, Cau troă lơòr rngòt rngơt; bol khai gòm bồ wơl.

Jeremi 3:9

Tài bơh khai sền òsơp bơta rềs àr bơrnàn he, gen lơh ƀơ̆ ƀơl ù tiah, rềs àr tòmtir mơ lŭ mơ chi.

Jeremi 9:10

Añ rơp ñìm rac pơt wòl bơh ală mơnơm, mơ ñìm rac ròc moat jrùng bơh ƀlàng ñhơt ƀlàng ngềt ngơt dê, Tài bơh gơ neh kong sang lòi srau gòi, tian gơs ò gơs cau lơi lòt gan, mơ ò gam kơno sap kơnrồ, Sềm trồ bal mơ phan poan jơng neh dô lik jơh.

Jeremi 9:9

Yàng Jehôwa đơs: “Añ rơp ò lơh glài bol khai bơh ală bơta hơ̆ ơ? mơ Añ rơp ò sal tê hơđang dô nơm lơgar behơ̆ ơ?”

Jôel 2:3

Ồs sa loan di đap bol khai, đah ngkòi bol khai gơs lơmpiat ồs chu pơrguc. Di đap bol khai ù tiah kung be suơn Eden, đah ngkòi bol khai dô nơm ƀlàng ngềt ngơt srau gòi, ò gơs phan lơi klàs bơh gơ.

Amôs 1:2

Khai đơs lah: “Yàng Jehôwa ơluh bơh di Siôn. Kơnràñ lơh nggồr ntas bơh Jerusalem. Ală ƀlàng ñhơt cau ê belàt dê rơp ro rañ, bồ mơnơm Karmel rơp ñòp ro.”

Amôs 7:4

Do la bơta Jehôwa Yàng Tom Trồ sơnio añ in: Jehôwa Yàng Tom Trồ neh hòi mìu ồs nàng lơh glài; gơ sa jơh thòng dờng jrô mơ sa jơh lơgar.

Mice 7:7

Mơya đah mơ añ, añ ai bơta gơn kơnòm mơ tơnggòr sền Yàng Jehôwa, añ rơp kơp gơn Yàng Tom Trồ la bơta dong klàs añ jê; Yàng Tom Trồ añ jê rơp iat añ.

Luka 18:1

Yàng Jesu yal cau bơtê in dô jơnau pơnyơu, nàng bơto bol khai pal hòi dan sùm, bañ tŭ lơi gơplơ̆ nùs.

Luka 18:7

Behơ̆, Yàng Tom Trồ ò di ò cahrña song ring ală cau geh sac rwah Kơnràñ in, la ală cau ngai mơ mang hòi dan mơ Kơnràñ, mơ òbat ho mơ bol khai ơ?