Jôel 1:14 - Sră Goh 2018

¹⁴ Lơh nền tĕ dô bơta ơt sa sàng goh, hòi jà tĕ dô bơta pơjum duh khoai, pơjum wơl tĕ ală cau kwang kra bal mơ jơh làng bol tòm lơgar tòm hìu Jehôwa Yàng Tom Trồ bol mê dê mơ rac dan mơ Yàng Jehôwa!

Jôel 1:14 Mawu Ofanana

II Ală Bơtau 10:20

Jehu tơlik gơnoar sồr lah: “Lơh sàng goh tĕ dô ngai wèr pơjum dờng màng Baal in.” Gen bol khai yal tơnggit bơta pơjum hơ̆.

II Yal Yau 20:13

Tòm tŭ jơh ală cau Juda ntào di đap Yàng Jehôwa bal mơ ală kòn dềt, mơ ală bau ùr mơ ală kòn sau bol khai dê.

Nehemi 8:18

Bơh ngai do tus ngai ne, bơh ngai sơnròp tus di ngai lồi dut, khai sền tòm sră bơta boh lam Yàng Tom Trồ dê. Bol khai ñô sa tòm poh ngai; mơ tòm ngai phàm, gen gơs pơjum dờng màng jat be bơta neh lơh nền.

Este 4:16

“Lòt pơjum tĕ jơh ală cau Juda ơm tòm Susa, mơ tài bơh añ mơ ơt sa. Bañ sa hala hùc tòm pe ngai mơ pe mang. Añ mơ ală cau ùr duh broă añ kung rơp ơt sa sơl. Tòm tŭ neh lơh behơ̆ rau, añ rơp lòt tus hơ cau bơtau bulah bơta hơ̆ la tìs mơ bơta boh lam. Mơ dilah añ pal chơt gen añ chơt.”

Jeremi 14:2

Juda ơm moat jrùng jê sồt, Ală mpồng ƀòn khai dê lơbơn òsô, Bol khai nggui jê sồt tòm ù; mơ sap nggà ñìm Jerusalem dê nggồr.

Jeremi 36:9

Tòm kơnhai sin, nam dơ̆ pram rài Jehôyakim, kòn klau Jôsia, bơtau Juda, jơh ală làng bol Jerusalem mơ jơh làng bol bơh ală ƀòn Juda tus hơ Jerusalem, yal bơta ơt sa di đap Yàng Jehôwa.

Jôel 1:2

Ơ ală cau dờng cau kra, iat tĕ jơnau do: Ơ jơh làng bol ơm tòm lơgar, ai tồr iat tĕ! Gơs bơta lơi be bơta do neh gơlik gơs tòm rài bol mê dê, hala tòm rài ală ồng pàng bol mê dê sơl?

Lebi 23:36

Tòm poh ngai ơn tĕ ală phan ơn chu tòm ồs Yàng Jehôwa in, mơ tòm ngai phàm gen gơs tĕ dô bơta pơjum bal sàng goh mơ ơn tĕ dô nơm phan ơn chu tòm ồs Yàng Jehôwa in. Hơ̆ la lồi bơta pơjum bal; bañ lơh dô nơm broă lơi òs lơh.

Jôna 3:5

Làng bol Ninibe dòn Yàng Tom Trồ; bol khai yal tơnggit dô bơta ơt sa, mơ soh ƀào sơnò kiat, mơ jơh kòp nă cau, cau dờng mơ cau dềt.

Jôna 3:8

Kòn mơnus mơ phan poan jơng pal soh ƀào sơnò kiat, mơ bol khai pal hòi dan rac ròc dô bă pràn ngan mơ Yàng Tom Trồ. Kòp nă pal sang tĕ ală gùng iơh mơ bơta jàñ bơsak hơ̆ bơh tê bol khai lơh.

Sôphôni 2:1

Ơ làng bol ò git ƀàssìl ƀàsso, pơjum bal tĕ, pơjum bal tĕ,