Jôel 1:13 - Sră Goh 2018

¹³ Ơ ală cau gơnoar ơn phan duh khoai, soh tĕ ào bài sơnò kiat mơ ñìm rac. Ơ bol mê la cau duh broă di đap cơnòng duh khoai, ñìm rac ròc tĕ. Ơ bol mê la cau duh broă di đap Yàng Tom Trồ añ jê, tus tĕ soh ào bài sơnò kiat mang àng, bơh phan ơn mơ kòi mbo bal mơ phan ơn ñô ò gam tai tòm hìu Yàng Tom Trồ bol mê dê.

Jôel 1:13 Mawu Ofanana

II Samuel 12:16

Dabit hòi dan mơ Yàng Tom Trồ kòn dềt hơ̆ in. Khai ơt sào, mut tòm hìu mơ bic tòm ù mang àng.

I Ală Bơtau 21:27

Tòm tŭ Ahap neh kơno jơnau hơ̆, khai crè ồi ào khai dê; mơ soh ƀào di să mơ ơt sa; yùp mơ ƀào bic tòm tiah mơ ơm pơndêt să.

Esai 22:12

Tòm ngai hơ̆ Yàng Jehôwa la Yàng Tom Trồ Gơnap Gơnoar Dờng neh hòi bol mê nàng ñìm rac mơ pơt wòl, nàng dŭi sŏ di bồ mơ soh ƀào sơnò kiat.

Esai 61:6

Mơ bol mê rơp geh sơnđan la ală cau gơnoar ơn phan duh khoai Yàng Jehôwa dê, bol mê rơp geh sơnđan la ală cau duh broă Yàng Tom Trồ bol he dê. Bol mê rơp hòn chò bơh bơta pas gơs ală lơgar dê, mơ bol mê rơp gơklŏ bơh bơta pas sơm bol khai dê.

Jeremi 4:8

Tài bơh bơta do, ală bol mê soh tĕ ƀào sơnò kiat, Ñìm rac mơ pơt wòl lah: Bơta gơhào gơjrañ dờng Yàng Jehôwa dê òhềt pleh ngài bơh di bol hi.”

Jeremi 9:10

Añ rơp ñìm rac pơt wòl bơh ală mơnơm, mơ ñìm rac ròc moat jrùng bơh ƀlàng ñhơt ƀlàng ngềt ngơt dê, Tài bơh gơ neh kong sang lòi srau gòi, tian gơs ò gơs cau lơi lòt gan, mơ ò gam kơno sap kơnrồ, Sềm trồ bal mơ phan poan jơng neh dô lik jơh.

Ejekiel 21:12

Ơ kòn mơnus, driau nggà tĕ mơ ñìm rac, bơh hơ̆ la bơta tòmdră mơ làng bol Añ jê, tòmdră mơ jơh ală cau kwang at bồ Israel dê, bol khai kòl jào phi đào in bal mơ làng bol Añ jê. Behơ̆ tàng, tur tĕ ntơh bol mê dê!

Ejekiel 27:31

Bol khai rơp koah bồ tài bơh mê, mơ kơt but mơ ƀào sơnò kiat. Bol khai rơp ñìm mơ pơt wòl rac ròc tài bơh mê mơ ñìm rac sràt bơtang tòm hwềng soàn.

Ejekiel 7:18

Bol khai rơp soh ƀào sơnò kiat, mơ rơp soh bơta rngòt rngơt. Muh mat bol khai dê rơp kong jơm gòm mơ bơta ƀàssìl ƀàsso, mơ bồ bol khai rơp kong koah.

Sră Ôse 9:5

Ñchi bol mê rơp lơh tòm ngai neh lơh nền bơta pơjum sa dê, mơ tòm ngai bơta pơjum sa Yàng Jehôwa dê taih?

Jôel 2:12

Yàng Jehôwa đơs: “Tŭ do, jơh nùs tĕ rê wơl hơ Añ, ơt sa, ñìm rac mơ moat jrùng.

Jôel 2:14

Ñcau rgơi git lah Kơnràñ rơp ò pơrlac mơ tơnruc nùs, mơ lòi dô bơta lơngai di ngkòi Kơnràñ, nàng bol mê ơn dô nơm phan ơn duh khoai mơ kòi mbo mơ ală phan ơn hùc, Jehôwa Yàng Tom Trồ bol mê in, taih?”

Jôel 2:17

Ală cau gơnoar ơn phan duh khoai, la ală cau duh broă di đap Yàng Jehôwa, ñìm rac digùl mpồng hìu duh khoai mơ cơnòng duh khoai, mơ đơs lah: “Ơ Yàng Jehôwa, dan pơlai tĕ làng bol Kơnràñ dê, dan bañ lòi sre brê Kơnràñ dê kong cau sền òsơp, mơ kong ală lơgar ndai dơñŏ tơnhial. Ñchi bơh tài bol khai rgơi đơs digùl ală làng bol lah: ‘Ntềng đah Yàng Tom Trồ bol khai dê taih?’”

Khà Làng Bol 28:14

Bal mơ kòp nơm kơnrồ dam gen pal ơn dô nơm phan ơn pơdơng duh khoai gơs nggùl hin tơrnòm ño; bal mơ belàt dam, dô pơnah pe hin; mơ bal mơ kòp nơm belàt kòn dô pơnah poan hin dê. Hơ̆ la phan ơn duh khoai chu pơrguc kòp kơnhai ơn tòm kòp ngai dùl lik tòm nam.

Khà Làng Bol 28:4

Rcang gơs dô nơm belàt tòm àng drim mơ dô nơm ndai tòm trồ mho,

Khà Làng Bol 28:7

Phan ơn pơdơng pơnjat bal la dô pơnah poan hin phan hùc gơs kañ bal mơ kòp nơm belàt. Tuh tĕ phan ơn pơdơng duh khoai Yàng Jehôwa in tòm Tiah Sàng Goh.

Khà Làng Bol 29:6

Ală phan do la phan ơn bơtơl mơ phan ơn duh khoai chu pơrguc kòp kơnhai mơ kòp ngai bal mơ ală phan ơn duh khoai mơ kòi mbo mơ ală phan ơn pơdơng duh khoai jat be neh lơh nền. Hơ̆ la ală phan ơn duh khoai chu pơrguc ơn Yàng Jehôwa in gơs ƀô bơlhu niam.

I Kôrintô 4:1

Behơ̆, kòp nă sền tĕ di bol hi kung be cau duh broă Bơtau Krist dê, mơ kung be cau at bồ hìu sền gàr ală bơta ndơp ndơr Yàng Tom Trồ dê.

I Kôrintô 9:13

Ală oh mi ò git lah cau duh broă sàng goh gen sa phan tòm hìu duh khoai, mơ cau duh broă hơ cơnòng duh khoai gen geh pơnah bơh cơnòng duh khoai ò ơ?

II Kôrintô 11:23

Bol khai la cau duh broă Bơtau Krist dê ơ? Ơi, añ đơs be cau tùl gơla añ gơs rlau! Añ neh kong bòl glar lơh broă oă rlau, ơm jàm oă rlau, kong pù lơh oă ngan. Oă dơ̆ añ mòr chơt;

II Kôrintô 3:6

Kơnràñ kung neh ai bol hi in gơs tơl bơta chài rgơi nàng lơh gơs cau duh broă bơta ho bal pa, ò di bơta ho bal mơ sră, mơya bơta ho bal mơ Yàng Hwềng; bơh sră lơh gơs chơt, ai Yàng Hwềng lơh gơs kis.

II Kôrintô 6:4

Mơya tòm jơh ală bơta, bol hi yal tơlik să tòm bol hi be cau duh broă Yàng Tom Trồ dê, jơh nùs ơt ơl, tòm bơta rung rài, bòl glar, pluh plàng,

Yal Tơlik 11:3

Añ rơp ai gơnoar bàr nă cau lơh cơng Añ jê đơs hwơr tòm dô rbô bàr rhiang prau jơt ngai, bol khai soh ào bài sơnò kiat.”